சூப்பரு.. PayTM-இல் செலவு செய்ற பணம் எங்கே போகுது? அறிந்து கொள்ள புதிய வசதி அறிமுகம்!

பேடிஎம் செயலியில் நாம் செலவு செய்யும் பணத்தை எந்தெந்த பயன்பாட்டிற்காக செலவு செய்தோம் என்பதை அறிந்து கொள்ள புதிய வசதி அறிமுகப்படுத்தப்பட்டுள்ளது.

பேடிஎம்-ல் அறிமுகப்படுத்தப்பட்டுள்ள புதிய வசதி

Source : twitter

இந்தியாவில் பண மதிப்பிழப்பு நடவடிக்கைக்கு பிறகு டிஜிட்டல் பணப்பரிவர்த்தனை நடவடிக்கை அதிகரித்துள்ளது. கையில் பணமாக பயன்படுத்துபவர்களின் எண்ணிக்கை மிக மிக குறைந்துள்ளது.

PayTM பரிவர்த்தனை:

இதே நிலை சென்னை, கோயம்புத்தூர், மதுரை, திருச்சி, சேலம், திருப்பூர் மற்றும் ஈரோடு போன்ற நகரங்களிலும் காணப்படுகிறது.  தேநீர் குடிப்பது முதல் மிகப்பெரிய அளவிலான பணப்பரிவர்த்தனை வரையிலான ஒவ்வொரு செலவிற்கும் மொபைல் மூலமாக பணப்பரிவர்த்தனை செய்து வருகின்றனர். இந்தியாவில் பேடிஎம் பயன்பாடு மிக மிக முக்கியமான டிஜிட்டல் பணப்பரிவர்த்தனை செயலிகளில் ஒன்றாக உள்ளது.

எதற்காக செலவு செய்கிறோம்?

நாம் தினசரி பேடிஎம் மூலமாக செய்யும் செலவுகள் எதற்காக செய்கிறோம்? என்பதை அறிந்து கொள்ள பேடிஎம்-இல் புதிய ஏற்பாடுகள் செய்யப்பட்டுள்ளது.

பேடிஎம் செயலியில் அன்றாட செலவுகளை எளிதாகப் புரிந்துகொள்ளும் வகையில் Paytm Spend Summary அறிமுகப்படுத்தப்பட்டுள்ளது. Paytm மூலம் செய்யப்படும் பணப் பரிவர்த்தனைகளை இது தானாகவே பொழுதுபோக்கு (Entertainment) உணவு (Food) ஆங்கிலம் (Shopping) பயணங்கள் (Travel) இணையம் (Bills) போன்ற பிரிவுகளாக வகைப்படுத்துகிறது. 

இதனால் நீண்ட பரிவர்த்தனை பட்டியலைத் தேட வேண்டிய அவசியமின்றி, மாதம் முழுவதும் உங்கள் பணம் எந்தெந்த விஷயங்களுக்கு செலவானது என்பதை மிக எளிதாக தெரிந்து கொள்ளலாம்.

வசதிகள்:

Paytm-ல் மேலும் Hide Payments என்ற வசதியும் உள்ளது. இதன்மூலம் தேர்ந்தெடுக்கப்பட்ட பரிவர்த்தனைகளை பிரதான பரிவர்த்தனை பட்டியலில் இருந்து மறைத்து, பயோமெட்ரிக் அங்கீகாரம் அல்லது மொபைல் PIN மூலம் மட்டும் பாதுகாப்பாக அணுக முடியும்.

பல வங்கிக் கணக்குகளில் உள்ள இருப்புத் தொகையை ஒரே திரையில் காட்டுவதால், சம்பளக் கணக்கு, சேமிப்பு கணக்கு மற்றும் தினசரி செலவுகளுக்கான கணக்குகளை தனித்தனியாக பயன்படுத்துபவர்களுக்கு இது மிகப்பெரிய இருக்கும்.

எளிமையான அனுபவம்:

Paytm நிறுவனத்தின் செய்தித் தொடர்பாளர் இதுதொடர்பாக  கூறுகையில், "இந்தியாவில் செல்போன் பணப்பரிவர்த்தனைகள் இன்று அன்றாட வாழ்க்கையின் ஒரு முக்கிய அங்கமாகிவிட்டன. Paytm Spend Summary மூலம், Paytm பரிவர்த்தனைகளை தானாகவே அர்த்தமுள்ள பிரிவுகளாக வகைப்படுத்தி, ஒவ்வொரு ரூபாயும் எங்கு செலவாகிறது என்பதை பயனர்கள் எளிதாகப் புரிந்துகொள்ள உதவுகிறோம். Hide Payments மற்றும் மொத்த கையிருப்பு போன்ற வசதிகளுடன் இணைந்து, Paytm பயனர்களுக்கு பணத்தை தெளிவாக நிர்வகிக்கும் அனுபவத்தை எளிமையாக வழங்குகிறது," என்றார்.