Gold Silver Rate May 13th: காலையில் அதிரடி உயர்வு, மாலையில் அதிரடி குறைவு; தங்கம் இப்படி ஆட்டம் காட்டுதே.! இப்போ எவ்வளவு.?
சென்னையில் ஆபரணத் தங்கத்தின் விலை இன்று காலை வரலாறு காணாத அளவில் உயர்ந்த நிலையில், மாலையில் அதிரடியாக குறைந்துள்ளது. தங்கம், வெள்ளியின் தற்போதைய விலையை பார்க்கலாம்.
தங்கத்தின் விலை இன்று காலையில் வரலாறு காணாத வகையில் ஒரே நாளில் சவரனுக்கு 8,560 ரூபாய் உயர்ந்து பேரதிர்ச்சி அளித்தது. அதேபோல், வெள்ளி விலையும் அதிரடியாக கிராமிற்கு 30 ரூபாய் விலை உயர்ந்தது. இந்நிலையில், மாலையில் தங்கம் சவரனுக்கு அதிரடியாக 3,200 ரூபாயும், வெள்ளியின் விலை கிராமிற்கு 10 ரூபாயும் குறைந்துள்ளது. தங்கம் மற்றும் வெள்ளியின் தற்போதைய விலை என்ன என்பதை பார்க்கலாம்.
ஏறி இறங்கும் தங்கம் விலை நிலவரம்
தங்கத்தின் மீதான விலை நாளுக்கு நாள் புதிய உச்சத்தை தொட்டு வருகிறது. அந்த வகையில் கடந்த 2020ஆம் ஆண்டு 30ஆயிரம் முதல் 35 ஆயிரம் என்ற அளவில் விற்பனை செய்யப்பட்டு வந்தது. அடுத்த6 ஆண்டுகளில் ஒரு சவரன் ஒரு லட்சத்தை 34ஆயிரத்தை எட்டி நகைப்பிரியர்களை அதிர்ச்சி அடைய செய்தது. தங்கத்தின் மீதான ஈர்ப்பு மற்ற நாடுகளை விட இந்தியாவில் அதிகமாக உள்ளது. குறிப்பாக திருமணம், தீபாவளி, பிறந்தநாள் போன்ற கொண்டாட்டங்களில் தங்க நகைகள் முக்கிய இடம்பிடிக்கும்.
தங்கத்தின் மீதான வரி உயர்வு
இதனால் தங்க வணிகத்தில் பெரிய அளவில் பாதிப்பு ஏற்பட்டது. இந்த சூழலில் வெளிநாடுகளில் இருந்து தங்கம் மற்றும் வெள்ளி வாங்குவதைக் கட்டுப்படுத்தவும், நாட்டின் அந்நியச் செலாவணிக் கையிருப்பு மீதான அழுத்தத்தைக் குறைக்கவும் மத்திய அரசு முக்கிய அறிவிப்பை வெளியிட்டு இந்திய மக்களுக்கு ஷாக் கொடுத்தது. அந்த வகையில் தங்கம் மற்றும் வெள்ளி மீதான இறக்குமதி வரிகளை 6 சதவிகிதத்திலிருந்து 15 சதவிகிதமாக உயர்த்தப்பட்டது. இந்த புதிய உத்தரவால் தங்கத்தின் விலையானது புதிய உச்சத்தை தொடும் என எதிர்பார்க்கப்படுகிறது.
தங்கம் விலை நிலவரம்
- 11-ம் தேதி கிராம் ஒன்றுக்கு 50 ரூபாய் குறைந்து 14,100 ரூபாய்க்கும், சவரனுக்கு 400 ரூபாய் குறைந்து 1,12,800 ரூபாய்க்கு விற்பனையானது.
- 12-ம் தேதி கிராம் ஒன்றுக்கு 230 ரூபாய் உயர்ந்து 14,330 ரூபாக்கும், சவரனுக்கு 1840 ரூபாய் அதிகரித்து 1,14,640 ரூபாய்க்கு விற்பனை
இன்றைய தங்கம் விலை
தங்கத்தின் விலையானது இன்று காலையில் கிராம் ஒன்றுக்கு 1,070 ரூபாய் உயர்ந்து 15,400 ரூபாய்க்கும், சவரனுக்கு 8,560 ரூபாய் அதிகரித்து 1,23,200 ரூபாய்க்கு விற்பனை செய்யப்பட்டது.
இந்நிலையில், மாலையில் தங்கம் விலை கிராமிற்கு 400 ரூபாய் குறைந்து, ஒரு கிராம் 15,000 ரூபாய்க்கும், சவரனுக்கு 3,200 ரூபாய் குறைந்து, ஒரு சவரன் 1,20,000 ரூபாய்க்கும் விற்பனை செய்யப்படுகிறது.
கிராமிற்கு ரூ.10 குறைந்த வெள்ளி
இதனிடையே, வெள்ளியின் விலையும் இன்று மாலையில் குறைந்துள்ளது. வெள்ளியின் விலை நேற்று கிராமுக்கு 15 ரூபாய் அதிகரித்து 300 ரூபாய்க்கு விற்பனையானது. இந்த நிலையில் இன்று காலை கிராமுக்கு 30 ரூபாய் உயர்ந்து 330 ரூபாய்க்கு விற்கப்பட்டது.
இந்நிலையில், மாலையில் கிராமிற்கு 10 ரூபாய் விலை குறைந்து, ஒரு கிராம் 320 ரூபாய்க்கு விற்பனையாகிறது. அதன்படி, ஒரு கிலோ பார் வெள்ளி 10 ஆயிரம் ரூபாய் குறைந்து 3 லட்சத்து 20 ஆயிரம் ரூபாய்க்கு விற்பனை செய்யப்படுகிறது.
தலைப்பு செய்திகள்
ட்ரெண்டிங் செய்திகள்
