Gold and silver rate today : மீண்டும் மீண்டும் குறையும் தங்கம் விலை.! இன்று ஒரு சவரன் எவ்வளவு தெரியுமா.?

Gold and silver rate today : ஈரான்- அமெரிக்கா இடையிலான போர் காரணமாக தங்கத்தின் விலையானது அதிகரித்து வருகிறது. ஆனால் திடீர் திருப்பமாக நேற்றும் இன்றும் தங்கத்தின் விலையானது குறைந்துள்ளது.

Gold and silver rate today

Source : twitter

தங்கத்தின் விலை நிலவரம்

தங்கத்தின் மீதான முதலீடு தினந்தோறும் அதிகரித்து வருகிறது.  மற்ற நாடுகளை விட இந்தியாவில் தங்கத்தின் மீதான ஆர்வம் அதிகளவில் உள்ளது. குறிப்பாக திருமணம், விஷேச நாட்களில் தங்க நகைகள் முக்கிய பங்கு வகிக்கிறது.  இந்த நிலையில் தங்கத்தின் விலையானது தினந்தோறும் புதிய புதிய உச்சத்தை தொட்டு வருகிறது. அந்த வகையில் கடந்த சில ஆண்டுகளுக்கு முன்பாக சிறிது சிறிதாக உயர்ந்த தங்கம் விலை, தற்போது ஜெட் வேகத்தில் புதிய உச்சத்தை தொட்டு வருகிறது. அதுவும் ஒரே நாளில் சவரனுக்கு 16ஆயிரம் ரூபாய் அளவிற்கு உயர்ந்து நகைப்பிரியர்களை தலை சுற்றவைத்தது. இதனால் நடுத்தர வர்க்க மக்களால் தங்கத்தை வாங்க முடியாத அளவிற்கு உயர்ந்துள்ளது.

போர் பதற்றம்- கிடு கிடுவென உயரும் தங்கம்

அமெரிக்கா- ஈரான் இடையே போர் உச்சத்தை தொட்டு வருகிறது. இதனால் பங்குச்சந்தை கடும் வீழ்ச்சியை சந்தித்து வருகிறது. கச்சா எண்ணெய் விலையும் புதிய உச்சத்தை தொட்டு வருகிறது. இதற்கு இணையாக தங்கத்தின் விலையும் கடந்த சனி மற்றும் ஞாயிற்றுக்கிழமை அதிகரித்தது. அதே நேரம் நேற்று தங்கத்தின் விலையானது எதிர்பாரா திருப்பமாக குறைந்தது. 

4 நாட்களில் தங்கம் விலை நிலவரம்

• பிப்ரவரி 27-ம் தேதி - கிராம் ஒன்றுக்கு 20 ரூபாய் குறைந்து 14,900 ரூபாய்க்கும், சவரனுக்கு  160 ரூபாய் குறைந்து 1,19,200 ரூபாய்க்கும் விற்பனை 
• 28-ம் தேதி காலை மற்றும் மாலையில் அதிரடியாக உயர்ந்தது தங்கம் விலை. கிராமிற்கு 650 ரூபாய்  உயர்ந்து 15,550 ரூபாய்க்கும், சவரனுக்கு 5,200 ரூபாய் விலை உயர்ந்து ஒரு சவரன் 1,24,400 ரூபாய்க்கு விற்பனை.
•  பிப்ரவரி 1-ஆம் தேதி  ஞாயிற்றுக்கிழமையிலும் தங்கம் விலை அதிகரித்தது. கிராமிற்கு 225 ரூபாய்  உயர்ந்து, கிராம் 15,775 ரூபாய்க்கும்,  சவரனுக்கு 1,800 ரூபாய் உயர்ந்து சவரன் 1,26,200 ரூபாய்க்கும் விற்பனை
• பிப்ரவரி 2 ஆம் தேதி தங்கம் கிராம் ஒன்றுக்கு 115 ரூபாய் குறைந்து 15.660 க்கு விற்பனை. சவரனுக்கு 920 ரூபாய் குறைந்து 1,25,280 ரூபாய்க்கு விற்பனையானது

இன்றைய தங்கம் விலை உயர்வு

இன்றும் தங்கத்தின் விலையானது குறைந்துள்ளது. கிராமுக்கு 10  ரூபாய் குறைந்து 15,650 ரூபாய்க்கும், சவரனுக்கு 80 ரூபாய் குறைந்து 1,25,200 ரூபாய்க்கு விற்பனையாகிறது. 

இதேபோல வெள்ளி விலையானது எந்தவித மாற்றமின்றி நேற்றைய விலையில் விற்பனை செய்யப்படுகிறது. அந்த வகையில் ஒரு கிராம் 315 ரூபாய்க்கும், ஒரு கிலோ பார் வெள்ளி 3 லட்சத்து 15ஆயிரம் ரூபாய்க்கு விற்பனை செய்யப்படுகிறது.