GOLD AND SILVER RATE TODAY: தங்கம் விலை சவரனுக்கு 2,640 ரூபாய் சரிவு.! 3 நாட்களில் சூப்பர் மாற்றம் - நகைப்பிரியர்கள் குஷி

GOLD AND SILVER RATE TODAY: தங்கத்தின் விலையானது தினந்தோறும் ஏறி இறங்கி வரும் நிலையில், இன்று தங்கத்தின் விலை நகைப்பிரியர்களுக்கு குஷியை கொடுத்துள்ளது. அந்த வகையில் கடந்த 3 நாட்களில் மட்டும் சவரனுக்கு 2640 ரூபாய் குறைந்துள்ளது. இதே போல வெள்ளியின் விலையும் அதிரடியாக குறைந்துள்ளது.

Gold and silver rate today

Source : twitter

ஏறி இறங்கும் தங்கம் விலை

தங்கத்தின் மீதான மதிப்பு நாளுக்கு நாள் அதிகரித்து வருகிறது. இதன் காரணமாக தங்கத்தின் மீதான முதலீடும் அதிகரித்து வருகிறது. அதிலும் கடந்த 2 முதல் 3 ஆண்டுகளில் மட்டும் கிடு கிடுவென தங்கத்தின் விலையானது புதிய உச்சத்தை தொட்டுள்ளது. இதன் படி தங்கத்தின் விலை கடந்த மாதம் இறுதியில் ஒரு லட்சத்தை 34 ஆயிரம் ரூபாய் என்ற புதிய உச்சத்தை எட்டியது. ஆனால் அடுத்த சில நாட்களில் ஒரு சவரனுக்கு 22 ஆயிரம் ரூபாய் அளவிற்கு தங்கத்தின் விலையானது குறைந்தது. 

தங்கம் விலை நிலவரம்

• 12-ம் தேதி ஒரு கிராம் தங்கம் 190 ரூபாய் குறைந்து 14,600 ரூபாய்க்கு விற்கப்பட்டது. அதன்படி, சவரனுக்கு 1,520 ரூபாய் குறைந்து 1,16,800 ரூபாய்க்கும் விற்பனையானது.
• 13-ம் தேதி தங்கத்தின் விலை சவரனுக்கு 1,600 ரூபாய் குறைந்தது. அதன்படி, கிரமிற்கு 200 ரூபாய் விலை குறைந்து, ஒரு கிராம் 14,400 ரூபாய்க்கும், ஒரு சவரன் 1,15,200 ரூபாய்க்கும் விற்பனை செய்யப்பட்டது.
• 14-ம் தேதி அதிரடியாக  கிராமிற்கு 160 ரூபாய் உயர்ந்து, ஒரு கிராம் 14,560 ரூபாய்க்கும், சவரனுக்கு 1,280 ரூபாய் விலை உயர்ந்து 1,16,480 ரூபாய்க்கும் விற்பனையானது.
• 15-ம் தேதி தங்கத்தின் விலையில் மாற்றம் இல்லை 
• 16-ம் தேதி, கிராமிற்கு 120 ரூபாய் விலை குறைந்து 14,440 ரூபாய்க்கும், ஒரு சவரன் தங்கம் 960 ரூபாய் குறைந்து 1,15,520 ரூபாய்க்கும் விற்பனை செய்யப்பட்டது
• 17ஆம் தேதி கிராம் ஒன்றுக்கு 120 ரூபாய் குறைந்து 14ஆயிரத்து 320 ரூபாய்க்கும், சவரனுக்கு 960 ரூபாய் குறைந்து ஒரு லட்சத்து 14ஆயிரத்து 560 ரூபாய்க்கு விற்பனையானது.

இன்றைய தங்கம் , வெள்ளி விலை

இந்த நிலையில் தங்கத்தின் விலையானது 3வது நாளாக இன்றும் குறைந்துள்ளது. அந்த வகையில் கிராம் ஒன்றுக்கு 90 ரூபாய் குறைந்து 14ஆயிரத்து 230 ரூபாய்க்கும், சவரனுக்கு 720 ரூபாய் குறைந்து ஒரு லட்சத்து 13ஆயிரத்து 840 ரூபாய்க்கு விற்பனையாகிறது. 

வெள்ளி விலை கிராமுக்கு 5 ரூபாய் குறைந்து 260 ரூபாய்க்கும், கிலோ பார் வெள்ளிக்கு 5ஆயிரம் ரூபாய் குறைந்து 2 லட்சத்து 60ஆயிரம் ரூபாய்க்கும் விற்பனை செய்யப்படுகிறது.