Gold and silver rate today : நகைப்பிரியர்களுக்கு குஷி.! தங்கத்தின் விலை சவரனுக்கு 1,040 ரூபாய் குறைந்தது. வெள்ளி விலையும் சரிந்தது

Gold and silver rate today : தங்கத்தின் விலையானது கடந்த இரண்டு தினங்களாக தொடர்ந்து அதிகரித்து நகைப்பிரியர்களை அதிர்ச்சி அடைய செய்துள்ளது. அந்த வகையில் இன்று தங்கம் மற்றும் வெள்ளியின் விலை குறைந்துள்ளது.

Gold and silver rate today

Source : social media

தங்கத்தில் தொடரும் முதலீடு

தங்கத்தின் மீதான முதலீடு எப்போதும்  இல்லாத வகையில் கடந்த சில ஆண்டுகளாக அதிகரித்துள்ளது. அந்த வகையில் கடந்த 2025ஆம் ஆண்டு தொடக்கத்தில் ஒரு சவரன் 50ஆயிரத்தை கடந்த நிலையில், தற்போது 1.34 லட்சத்தை எட்டி நகைப்பிரியர்களை கதற விட்டுள்ளது. இதற்கு முக்கிய காரணமாக பல்வேறு நாடுகளுக்கு இடையே நடைபெற்ற போர் முக்கிய காரணமாக கூறப்பட்டது. மேலும் டாலருக்கு இணையாக மற்ற நாடுகள் தங்கள் நாட்டின் பண மதிப்பை அதிகரிக்கும் வகையில் மத்திய வங்கிகள் டன் கணக்கில் தங்கத்தை வாங்கி குவித்ததும் முக்கிய காரணமாக பார்க்கப்பட்டது.

தங்கத்தை வாங்க முடியாமல் தவிக்கும் மக்கள்

தங்கத்தினை விலையானது புதிய உச்சத்தை தொட்டதால் நடுத்தர வர்க்க மக்களால் தங்கத்தை வாங்க முடியாத நிலைக்கு தள்ளப்பட்டுள்ளனர்.  இந்த நிலையில் தான் ஈரான் -இஸ்ரேல் போர் காரணமாக திடீரென முதலீட்டாளர்கள் தங்கத்திற்கு பதிலாக கச்சா எண்ணெய் மீது கவனத்தை திருப்பியதால் திடீரென தங்கம் விலை சவரனுக்கு ஒரு லட்சத்தை சரிந்தது. ஆனால் அடுத்த சில நாட்களிலேயே மீண்டும் தங்கத்தின் விலை உயர்ந்து அதிர்ச்சியை கொடுத்து வருகிறது. 

கடந்த 4 நாட்களில் தங்கம் விலை நிலவரம்

• 24-ம் தேதி தங்கம் விலை கிராமுக்கு 60 ரூபாய் குறைந்து 14,100 ரூபாய்க்கும்,சவரனுக்கு 480 ரூபாய் குறைந்து 1,12,800 ரூபாய்க்கு விற்பனை.
• 25-ம் தேதி தங்கம் கிராமுக்கு 100 ரூபாய் அதிகரித்து 14,200 ரூபாய்க்கும், சவரனுக்கு 800 ரூபாய் உயர்ந்து 1,13,600 ரூபாய்க்கு விற்பனை .
• 26-ம் தேதி தங்கம் விலையில் மாற்றமில்லை.
• 27.ம் தேதி தங்கம் விலை கிராம் ஒன்றுக்கு 30 ரூபாய் உயர்ந்து 14,230 ரூபாய்க்கும், சவரனுக்கு 240 ரூபாய் உயர்ந்து 1,13,840 ரூபாய்க்கு விற்பனை

இன்றைய தங்கம் விலை

தங்கத்தின் விலை கடந்த சனி மற்றும் திங்கட்கிழமைகளில் உயர்ந்து நகைப்பிரியர்களை அதிர்ச்சி அடைய செய்தது. இந்த நிலையில் இன்று தங்கம் விலை திடீரென குறைந்துள்ளது தங்கம் கிராம் ஒன்றுக்கு 130 ரூபாய் குறைந்து 14100 ரூபாய்க்கும், சவரனுக்கு1040 ரூபாய் குறைந்து 1,12,800 ரூபாய்க்கு விற்பனை செய்யப்படுகிறது.

வெள்ளி விலை என்ன.?

வெள்ளி விலையானது இன்று குறைந்துள்ளது. கிராம் ஒன்றுக்கு 5 ரூபாய் குறைந்து 265 ரூபாய்க்கும், கிலோ பார் வெள்ளிக்கு 5ஆயிரம் ரூபாய் குறைந்து  2 லட்சத்து 65ஆயிரம் ரூபாய்க்கு விற்பனை செய்யப்படுகிறது.