Gold, Silver Price: கிடுகிடுவென ஏறிய தங்கம் விலை... இன்றைய நிலவரம் இதுதான்!

இன்று தங்கத்தின் விலை உயர்ந்து காணப்பட்டது. கிராம் தங்கம் ரூபாய் 40 அதிகரித்து ரூபாய் 4987க்கு விற்கப்படுகிறது. சவரன் தங்கம் ரூபாய் 320 அதிகரித்து ரூபாய் 39896க்கு விற்கப்படுகிறது.

Written By : ABP NADU | Updated at : 13 Apr 2022 09:56 AM (IST)

தங்கம் விலை

சென்னையில் 22 காரட் ஆபரணத்தங்கம் நேற்று கிராமிற்கு ரூபாய் 4947க்கு விற்கப்பட்டது. சவரன் தங்கம் ரூபாய் 39576க்கு விற்கப்பட்டது. இந்த நிலையில், இன்று தங்கத்தின் விலை உயர்ந்து காணப்பட்டது. கிராம் தங்கம் ரூபாய் 40 அதிகரித்து ரூபாய் 4987க்கு விற்கப்படுகிறது. சவரன் தங்கம் ரூபாய் 320 அதிகரித்து ரூபாய் 39896க்கு விற்கப்படுகிறது.

24 காரட் தங்கம் கிராமிற்கு ரூபாய் 5386க்கு விற்கப்படுகிறது. ஒரு சவரன் தங்கம் ரூபாய் 43,088க்கு விற்கப்படுகிறது. வெள்ளி விலை கிராமிற்கு ரூபாய் 71.10க்கு விற்கப்படுகிறது. ஒரு கிலோ வெள்ளி ரூபாய் 71 ஆயிரத்து 700க்கு விற்கப்படுகிறது.

Gold, Silver Price: கிடுகிடுவென ஏறிய தங்கம் விலை... இன்றைய நிலவரம் இதுதான்!

பொருளாதார மந்தமான சூழ்நிலை ஏற்படும்போது, பொருளாதார துறையைச் சேர்ந்த பங்குச் சந்தைகள் சரிவை நோக்கிப்போகும். அப்படிப்பட்ட சூழலில் தங்கத்தின் மீது முதலீடுகள் அதிகரிக்கும். இந்த மாதிரியான சூழ்நிலை தொடர்ந்து நீடித்தால் தங்கம் விலை இன்னும் அதிகரிக்கும். காரணம் முதலீட்டாளர்களிடம் உள்ள ஒரு பீதியால், தங்கத்தின் மீது முதலீடுகள் அதிகரிக்கும். முதலீடுகள் எப்போதெல்லாம் அதிகரிக்கிறதோ, அப்போதெல்லாம் தங்கத்தின் விலை அதிகரிக்கக்கூடும். அந்த வகையில் உக்ரைன் போர் காரணமாக தொடர்ந்து பங்குச்சந்தைகள் வீழ்ச்சி அடைந்து வருகின்றன. அதனால் தங்கத்தின் விலையும் உயரத் தொடங்கியுள்ளது.

ரஷ்யா-உக்ரைன் போர் காரணமாக தங்கத்தில் முதலீடு செய்வது கடுமையாக உயர்ந்துள்ளது. தற்போதுவரை, உக்ரைனில் போர் குறைவதற்கான எந்த அறிகுறியும் இல்லை. கடுமையான ரஷ்யா மீதான மேற்கத்திய நாடுகளின் தடைகள் ஆகியவை பங்குச் சந்தையை கடுமையாக பாதிக்கிறது. எண்ணெய் விலை 14-ஆண்டுகளில் இல்லாத அளவுக்கு உயர்ந்துள்ளது. இது இன்னும் அதிகரிக்கும் என்று எதிர்பார்க்கப்படுகிறது. ஸ்பாட் வெள்ளி அவுன்ஸ் ஒன்றுக்கு 1.7% அதிகரித்து 26.09 டாலராகவும், பிளாட்டினம் 2.3% உயர்ந்து 1,147.19 டாலராகவும் இருந்தது.