சந்தைக்கு வந்தது Zelio X-Men+ இ ஸ்கூட்டர்! சீனியர் சிட்டிசன்களே இனி உங்க டைம்!
Zelio நிறுவனம் தங்களது புதிய மின்சார ஸ்கூட்டரான Zelio X-Men+ ஐ இந்திய சந்தையில் அறிமுகப்படுத்தியுள்ளது.
இந்தியாவில் மின்சார வாகனங்களின் பயன்பாடு நாளுக்கு நாள் அதிகரித்து வருகிறது. ஓலா, ஏதர் நிறுவனங்கள் இ ஸ்கூட்டர் தயாரிப்பில் முன்னணியில் இருந்து வரும் நிலையில், டிவிஎஸ் போன்ற முன்னணி நிறுவனங்களும் இ வாகனங்களைத் தயாரித்து வருகின்றன.
Zelio X-Men+:
இந்தியாவில் வளர்ந்து வரும் இ ஸ்கூட்டர் நிறுவனம் Zelio. இவர்கள் தங்களது புதிய இ ஸ்கூட்டரை சந்தையில் அறிமுகப்படுத்தியுள்ளனர். அவர்களது புதிய படைப்பாக Zelio X-Men+ இ ஸ்கூட்டர் அறிமுகப்படுத்தப்பட்டுள்ளது.
நகர்ப்புறங்களில் நெருக்கடியான போக்குவரத்தில் ஓட்டுவதற்கு ஏற்ற வகையில் இந்த இ ஸ்கூட்டரை அவர்கள் அறிமுகப்படுத்தியுள்ளனர். இந்த புதிய Zelio X-Men+ இ ஸ்கூட்டர் 120 கிலோமீட்டர் வரை மைலேஜ் அளிக்கிறது. இந்த ஸ்கூட்டரில் அதிகபட்சமாக 25 கிலோமீட்டர் வேகத்தில் செல்லலாம்.
சார்ஜிங் நேரம்:
இந்த ஸ்கூட்டர் முதியவர்கள், 50 வயதைக் கடந்தவர்கள், பெண்கள் ஆகியோரை கருத்தில் கொண்டு தயாரிக்கப்பட்டுள்ளதால் அதிகபட்ச வேகமாக 25 கிலோமீட்டரே அளிக்கப்பட்டுள்ளது. இந்த இ ஸ்கூட்டரில் 12 இன்ச் சக்கரங்கள் பொருத்தப்பட்டுள்ளது. இந்த Zelio X-Men+ மின்சார ஸ்கூட்டர் 1.5 யூனிட் சார்ஜிங் திறன் கொண்டது.
இந்த Zelio X-Men+ ஸ்கூட்டரில் 180 கிலோ எடை வரை சுமந்து செல்லலாம். முன்பக்கம் டிஸ்க் ப்ரேக்கும், பின்பக்கம் ட்ரம் ப்ரேக்கும் பொருத்தப்பட்டுள்ளது. அலாய் ரிம்கள் சக்கரத்தில் பொருத்தப்பட்டுள்ளது. 60/72 வாட்ஸ் பிஎல்டிசி மோட்டார் பொருத்தப்பட்டுள்ளது. லித்தியம் மற்றும் லீட் பேட்டரிஸ் இதில் பொருத்தப்பட்டுள்ளது. இதன் லித்தியம் பேட்டரியை சார்ஜ் செய்வதற்கு 4 முதல் 5 மணி நேரமும், இதன் லீட் பேட்டரியை சார்ஜ் செய்வதற்கு 8 முதல் 10 மணி நேரமும் ஆகிறது.
சிறப்புகள்:
இதில் ரிவர்ஸ் கியர், டிஜிட்டல் டிஸ்ப்ளே, பார்க்கிங் சுவிட்ச், ஆன்டி தெஃப்ட் அலா்ம், யுஸ்பி சார்ஜிங், சென்ட்ரல் லாக்கிங், ஆட்டோ ரிப்பேர் சுவிட்ச் வசதிகள் உள்ளது. பேட்டரிக்கு ஒரு வருட வாரண்டி அளிக்கப்பட்டுள்ளது.
2021ம் ஆண்டு முதல் இந்திய சந்தையில் இயங்கி வரும் Zelio இ ஸ்கூட்டர் நிறுவனம் வாடிக்கையாளர்களை கவர்வதற்காக பல்வேறு படைப்புகளை அறிமுகப்படுத்தி வருகிறது. இவர்களுக்கு நாடு முழுவதும் 2 லட்சம் வாடிக்கையாளர்கள் உள்ளனர். குறைந்த வேகத்தில் வீட்டின் அருகிலே சென்று வருவதற்கு ஏற்ற ஒரு ஸ்கூட்டராக இந்த ஸ்கூட்டர் உள்ளது. இதன் தோற்றம் வசீகரமாக உள்ளது.
தலைப்பு செய்திகள்
ட்ரெண்டிங் செய்திகள்
