பட்ஜெட் விலை.. சீனியர் சிட்டிசன்களுக்கு பெஸ்ட் இ ஸ்கூட்டர்! Yo Drift, Yo Edge விலை எவ்ளோ?

Yo நிறுவனத்தின் முதியவர்களுக்கு ஏற்ற இ ஸ்கூட்டர்களின் விலை, தரம், மைலேஜ் ஆகியவை குறித்து கீழே விரிவாக காணலாம்.

யோ இ ஸ்கூட்டர்

Source : twitter

இந்தியாவில் மின்சார இ ஸ்கூட்டர்களின் எண்ணிக்கை நாளுக்கு நாள் அதிகரித்து வருகிறது. இளைஞர்கள், பெண்கள் என அனைத்து தரப்பினரையும் கவரும் வகையில் இ ஸ்கூட்டர்கள் தயாரிக்கப்பட்டு வரும் சூழலில், முதியவர்களுக்கு ஏற்ற வகையிலும் இ ஸ்கூட்டர் தயாரிக்கப்பட்டு வருகிறது. 

சீனியர் சிட்டிசன்களுக்காக பட்ஜெட் விலையில் விற்பனையாகி வரும் Yo நிறுவனத்தின் இ ஸ்கூட்டர்கள் என்னென்ன? என்பதை கீழே காணலாம். 

1.Yo Drift:

யோ நிறுவனத்தின் Yo Drift இ ஸ்கூட்டரின் விலை ரூபாய் 70 ஆயிரத்து 953. இதை ஒரு முறை சார்ஜ் செய்தால் 60 கிலோமீட்டர் வரை மைலேஜ் அளிக்கிறது. அதிகபட்சமாக 25 கிலோமீட்டர் வேகத்தில் செல்லலாம். இந்த இ ஸ்கூட்டரின் எடை 59 கிலோ மட்டுமே ஆகும். இருக்கை உயரம் 775 மி.மீட்டர் ஆகும். யுஎஸ்பி சார்ஜிங் போர்ட் பொருத்தப்பட்டுள்ளது. நெருக்கடியான சாலையிலும் முதியவர்கள் ஓட்டுவதற்கு ஏற்ற வகையில் இந்த இ ஸ்கூட்டர் வடிவமைக்கப்பட்டுள்ளது. சிவப்பு, பச்சை, கருப்பு, நீலம், சாம்பல் வண்ணங்களில் உள்ளது. 

3 ரைடிங் மோட்களில் உள்ளது. ப்ரஷ்லஸ் டிசி மோட்டார் பொருத்தப்பட்டுள்ளது. 0.6 கிலோவாட் பேட்டரி பொருத்தப்பட்டுள்ளது. சார்ஜிங் ஏறுவதற்கு 8 மணி நேரம் ஆகிறது. இதுவே குறையாக உள்ளது. ஃபாஸ்ட் சார்ஜிங் அவெய்லபிளிட்டியும் இல்லை. ஸ்டாண்டர்ட் ப்ரேக்கிங் சிஸ்டம் வசதி உள்ளது. அலாய் சக்கரம் பொருத்தப்பட்டுள்ளது. டிஸ்க், ட்ரம் ப்ரேக் பொருத்தப்பட்டுள்ளது. 

2. Yo Edge:

இந்த Yo Edge இ ஸ்கூட்டரின் விலை ரூபாய் 67 ஆயிரத்து 076. இதை ஒரு முறை சார்ஜ் செய்தால் 60 கிலோமீட்டர் வரை பயணிக்கலாம். இதில் அதிகபட்சமாக 25 கிலோமீட்டர் வேகத்தில் பயணிக்கலாம். இந்த Yo Edge இ ஸ்கூட்டரின் எடை 59 கிலோவாகும். 7 முதல் 8 மணி நேரம் வரை ஆகும். யுஎஸ்பி சார்ஜிங் போர்ட் வசதி உள்ளது. வசீகரமான தோற்றத்தில் உள்ளது. வெள்ளை, சிவப்பு, மஞ்சள், நீலம் மற்றும் கருப்பு வண்ணத்தில் உள்ளது.

இதில் 0.6 கிலோவாட் பேட்டரி பொருத்தப்பட்டுள்ளது. 8 மணி நேரம் வரை சார்ஜ் ஆவதற்கு எடுத்துக்கொள்கிறது.  போர்ட்டபிள் சார்ஜர் பொருத்தப்பட்டுள்ளது. ஸ்டாண்டர்ட் ப்ரேக்கிங் சிஸ்டம் பொருத்தப்பட்டுள்ளது. முன்பக்கம் டிஸ்க், பின்பக்கம் ட்ரம் ப்ரேக் பொருத்தப்பட்டுள்ளது. அலாய் சக்கரங்கள் பொருத்தப்பட்டுள்ளது. டெலிஸ்கோபிக் ஃபோர்க் சஸ்பென்சன் முன்பக்கமும், ஸ்விங் ஆர்ம் வித் ஷாக் அப்சார்பர்ஸ் சஸ்பென்சன் பின்பக்கமும் பொருத்தப்பட்டுள்ளது.