Innova Hycross Facelift: அடி சக்க.! இன்னோவா ஹைக்ராஸை ஃப்ளெக்ஸ்-ஃப்யூயல் அவதாரத்தில் இறக்கும் டோயோட்டா; சிறப்பம்சம் என்ன.?
ஃப்ளெக்ஸ்-ஃப்யூயல் தொழில்நுட்பம் கொண்ட கார்கள், பெட்ரோல் மற்றும் அதிக அளவு எத்தனால் கலந்த எரிபொருளில் இயங்கும் திறன் கொண்டவை. டொயோட்டா நிறுவனம் தற்போது அத்தகைய ஒரு காரை அறிமுகப்படுத்த தயாராகி வருகிறது.
டொயோட்டா நிறுவனம், தனது பிரபலமான எம்பிவி-யான இன்னோவா ஹைக்ராஸின் புதிய பதிப்பை சோதித்து வருகிறது. சோதனையின் போது, இந்த கார் முழுவதுமாக உருமறைப்பு செய்யப்பட்ட நிலையில் காணப்பட்டது. இது, அந்நிறுவனம் சில மாற்றங்களைத் திட்டமிட்டுள்ளது என்பதை உணர்த்துகிறது. புதிய இன்னோவா ஹைக்ராஸில் உள்ள ஃப்ளெக்ஸ்-ஃப்யூயல் மற்றும் ஹைப்ரிட் பவர்டிரெய்ன்களின் கலவையே இதன் மிகப்பெரிய சிறப்பம்சமாக இருக்கலாம்.
ஃப்ளெக்ஸ்-ஃப்யூல் தொழில்நுட்பம் கொண்ட கார்கள், பெட்ரோலுடன் சேர்த்து அதிக அளவு எத்தனால் (E85 போன்றவை) கலந்த எரிபொருட்களிலும் இயங்கக்கூடியவை. இது பெட்ரோலை சார்ந்திருப்பதை குறைத்து, மாசுபாட்டையும் குறைக்க உதவுகிறது. இந்த தொழில்நுட்பம் ஒரு ஹைப்ரிட் அமைப்புடன் இணைக்கப்பட்டால், காரின் எரிபொருள் செயல்திறனை மேம்படுத்துவதோடு, கார்பன் வெளியேற்றத்தையும் குறைக்க முடியும்.
புதிய டொயோட்டா இன்னோவா ஹைக்ராஸ் எப்படி இருக்கும்.?
சோதனையின் போது காணப்பட்ட படங்கள், காரின் ஒட்டுமொத்த வடிவமைப்பு தற்போதைய இன்னோவா ஹைகிராஸைப் போலவே இருக்கும் என்பதை வெளிப்படுத்துகின்றன. இருப்பினும், முன்பக்க கிரில், பம்பர் மற்றும் எல்இடி விளக்குகளின் வடிவமைப்பில் சில மாற்றங்கள் காணப்படலாம். அதிகாரப்பூர்வ விவரங்கள் இன்னும் வெளியாகவில்லை என்றாலும், நிறுவனம் காரின் உட்புறம் மற்றும் அம்சங்களில் சில புதிய மேம்படுத்தல்களையும் அறிமுகப்படுத்தக்கூடும். மேலும், இந்த கார் பல புதிய அம்சங்களையும் பெறக்கூடும்.
அரசும் இந்த எரிபொருளை ஊக்குவித்து வருகிறது
டொயோட்டா இந்த மாடலை இந்தியாவில் அறிமுகப்படுத்தினால், அது நாட்டில் ஃப்ளெக்ஸ்-ஃப்யூயல் தொழில்நுட்பத்தை ஊக்குவிப்பதற்கான ஒரு முக்கிய படியாக அமையும். கச்சா எண்ணெய் இறக்குமதியை குறைக்கவும், சுற்றுச்சூழல் பாதிப்பைக் குறைக்கவும் எத்தனால் அடிப்படையிலான எரிபொருட்களின் பயன்பாட்டை அரசாங்கமும் ஊக்குவித்து வருகிறது.
தற்போது, புதிய இன்னோவா ஹைக்ராஸின் வெளியீட்டுத் தேதி, விலை அல்லது அம்சங்களை நிறுவனம் அதிகாரப்பூர்வமாக அறிவிக்கவில்லை. சோதனைகளின் அடிப்படையில், இந்த மாடல் குறித்த கூடுதல் தகவல்கள் எதிர்காலத்தில் வெளியிடப்படலாம் என்று நம்பப்படுகிறது.
போட்டியாளர்களுக்கு நெருக்கடியை கொடுக்கலாம்
இந்திய சந்தையில் நீண்ட காலமாக இருந்து வந்தபோதிலும், டொயோட்டா இன்னோவா ஹைக்ராஸ் அதிக தேவையில் உள்ளது. ஆனால், தற்போது மற்ற நிறுவனங்களும் இந்தப் போட்டியில் இணைந்துள்ளன. கியா நிறுவனமும் இந்திய சந்தையில் ஒரு புதிய ஹைப்ரிட் காரை அறிமுகப்படுத்தக்கூடும். கியா தனது ஹைப்ரிட் காரை குறைந்த விலையில் அறிமுகப்படுத்தினால், அது டொயோட்டா இன்னோவா ஹைக்ராஸுக்கு கவலையளிக்கும் ஒரு காரணமாக அமையலாம்.
தலைப்பு செய்திகள்
ட்ரெண்டிங் செய்திகள்
