வரப்போது Rugged கார்.. Compact SUV-யில் சந்தையை மிரட்டப்போகும் டாடா, மஹிந்திரா, ரெனால்ட்

டாடா, மஹிந்திரா மற்றும் ரெனால்ட் நிறுவனம் இந்திய சந்தையில் புதிய காம்பேக்ட் எஸ்யூவி காரை அறிமுகப்படுத்த உள்ளது.

Renault Bridger

Source : twitter

இந்தியாவின் பிரபலமான கார் தயாரிப்பு நிறுவனம் மஹிந்திரா, ரெனால்ட் மற்றும் டாடா நிறுவனம். இவர்களின் கார்களுக்கு என்று இந்தியாவில் வாடிக்கையாளர்கள் மத்தியில் நல்ல வரவேற்பு உள்ளது. 

வாடிக்கையாளர்களை கவர்வதற்காக பல்வேறு வித்தியாசமான மாடல்களை அவ்வப்போது சந்தையில் அறிமுகப்படுத்தி வருகின்றனர். இந்த நிறுவனங்கள் கம்பீரமான புதிய ரக்ட் காம்பேக்ட் எஸ்யூவி கார்களை அறிமுகப்படுத்த உள்ளது. அது என்னென்ன கார்கள்? என்பதை கீழே காணலாம்.

1. Mahindra Vision S:

மஹிந்திரா நிறுவனம் எஸ்யூவி கார்கள் தயாரிப்பில் முன்னோடியாக உள்ளது. அவர்களின் புதிய படைப்பாக தயாராகி வருவது Mahindra Vision S. இந்த கார் அடுத்தாண்டு சந்தையில் அறிமுகமாகும் என்று கருதப்படுகிறது. கம்பீரமான தோற்றம், சிறந்த கிரவுண்ட் கிளியரன்ஸ் என பல்வேறு வடிவமைப்புகளும், வசதிகளும் கொண்டு தயாரிக்கப்பட்டிருப்பது இந்த Mahindra Vision S ஆகும்.  இதில் டூயல் பான் பனோராமிக் சன்ரூஃப் பொருத்தப்பட்டுள்ளது. டிஜிட்டல் இன்ஸ்ட்ரூமென்ட் கிளஸ்டர், மிகப்பெரிய டச்ஸ்கிரீன் டிஸ்ப்ளே பொருத்தப்பட்டுள்ளது. இந்த கார் பெட்ரோல் மற்றும் டீசல் ஆகிய இரண்டிலும் இயங்கும் வகையில் தயாரிக்கப்பட உள்ளது.

2. Renault Bridger:

ரெனால்ட் நிறுவனம் இந்திய சந்தையில் புதியதாக அறிமுகப்படுத்தப்பட உள்ள கார் இந்த Renault Bridger. காம்பேக்ட் எஸ்யூவி ரக காரான இந்த கார் அடுத்தாண்டு இந்திய சந்தையில் அறிமுகமாகும் என்று கருதப்படுகிறது. 1.2 லிட்டர் மற்றும் 1.0 லிட்டர் டர்போசார்ஜ்ட் பெட்ரோல் இன்ஜின் பொருத்தப்பட்ட காராக இந்த கார் அறிமுகமாக உள்ளது. இது  ICE வேரியண்ட்களில் சந்தையில் அறிமுகமாக உள்ளது.

3.Tata Scarlet:

மஹிந்திராவின் தார் காருக்கு போட்டியாக டாடா புதிய எஸ்யூவி காரைத் தயாரிக்க முடிவு செய்துள்ளது. கம்பீரமான தோற்றத்துடன் உருவாக உள்ள இந்த கார் Tata Scarlet ஆகும். 210 மி.மீட்டர் கிரவுண்ட் கிளியரன்சுடன் இந்த காரை உருவாக்க அவர்கள் முடிவு செய்துள்ளனர். இந்த கார் வரும் 2028ம் ஆண்டு அறிமுகமாக வாய்ப்புள்ளது.

டாடா, மஹிந்திரா மிகவும் பிரபலமான கார் நிறுவனமாக திகழ்கிறது. இந்திய சந்தையில் ஓடும் பெரும்பாலான கார்கள் இவர்களுடைய கார்கள் ஆகும். அதேபோல, ரெனால்ட் நிறுவனத்தின் கார்களுக்கு நல்ல வரவேற்பு கிடைத்து வருகிறது. வாடிக்கையாளர்களைத் தக்கவைக்கவும், அதிகப்படுத்தவும் தொடர்ந்து இதுபோன்ற பல்வேறு புதிய வேரியண்ட்களை ஒவ்வொரு நிறுவனங்களும் அறிமுகப்படுத்தி வருகின்றனர்.