Renault Kwid: நாட்டின் மலிவான CNG SUV, 32KM மைலேஜ், ரேட்டிங் எப்படி? ரூ.3,700 போதுமே -EMI விவரங்கள்
Renault Kwid CNG SUV: நாட்டின் மலிவான சிஎன்ஜி எஸ்யுவி கார் மாடலான ரெனால்ட் க்விட்டை, எளிய மாதாந்திர தவணை முறையில் வாங்குவதற்கான நிதி திட்ட விவரங்கள் கீழே பட்டியலிடப்பட்டுள்ளன.
Renault Kwid CNG SUV: நாட்டின் மலிவான சிஎன்ஜி எஸ்யுவி கார் மாடலான ரெனால்ட் க்விட்டை, நெடுஞ்சாலையில் சுமார் 32 கிலோ மீட்டர் மைலேஜ் வழங்குவதாக கூறப்படுகிறது.
ரெனால்ட் க்விட் சிஎன்ஜி
இந்திய ஆட்டோமொபைல் சந்தையில் ஹேட்ச்பேக் மற்றும் செடான் கார்களின் பல மாடல்கள் இருந்தாலும், எஸ்யுவிக்கள் மீதான விருப்பம் பொதுமக்களிடையே தொடர்ந்து அதிகரித்து வருகிறது. அதேநேரம், அதிகரித்து வரும் எரிபொருட்களின் விலை கார் பிரியர்களிடையே கலகத்தை ஏற்படுத்தியுள்ளது. இந்நிலையில் மலிவு விலையில் தரமான எஸ்யுவி மற்றும் நல்ல எரிபொருள் செயல்திறன் கலந்த கலவையாக ஒரு வாகனத்தை நீங்கள் தேடுகிறீர்களா? உங்களுக்கான ஒரு நல்ல வாய்ப்பாக, எஸ்யுவியின் தாக்கத்தில் நாட்டின் மலிவான சிஎன்ஜி கார் மாடல்களில் ஒன்றாக, ரெனால்ட் நிறுவனம் புதிய க்விட் மாடலை அறிமுகப்படுத்தியுள்ளது.
க்விட் சிஎன்ஜி விலை:
ரெனால்ட் நிறுவனத்தின் எண்ட்ரி லெவல் ஹேட்ச்பேக்கான க்விட் எஸ்யுவியின் தீவிரமான டிசைன் அம்சங்களை பெற்றுள்ளது. பெட்ரோல் மற்றும் சிஎன்ஜி எரிபொருள் ஆப்ஷன்களில், மேனுவல் மற்றும் ஆட்டோமேடிக் கியர்பாக்ஸ் ஆப்ஷன்களில் மொத்தமாக 6 ட்ரிம்களில் இந்த கார் கிடைக்கப்பெறுகிறது. இதன் விலை வரம்பானது 4 லட்சத்து 53 ஆயிரத்தில் தொடங்கி 5 லட்சத்து 61 ஆயிரம் (எக்ஸ்-ஷோரூம்) வரை நீள்கிறது. குறிப்பாக க்விட் எவல்யூஷன் சிஎன்ஜி வேரியண்டை தேர்வு செய்தால், சென்னையில் அதன் ஆன் ரோட் விலை 6 லட்சத்து 8 ஆயிரம் ரூபாயாக உள்ளது. இதில் ரூ.4.52 லட்சம் எக்ஸ் - ஷோரூம் விலை, பதிவு கட்டணம் ரூ.59 ஆயிரம், காப்பீட்டு கட்டணம் மற்றும் இதர கட்டணங்கள் 70 ஆயிரம் ரூபாய் ஆகியவை அடங்கும்.
க்விட் சிஎன்ஜி - ரூ.3,700 போதும்..!
ஒருவேளை நாட்டின் மலிவான ஹேட்ச்பேக்கான சுசூகி ஆல்டோ கே10 மாடலை வாங்கும் அளவிற்கு பணம் இருந்தும், எஸ்யுவியின் தாக்கத்தை கொண்ட ஒரு காரை வாங்க விரும்புகிறீர்களா? அந்த தொகையை முன்பணமாக செலுத்தி மைலேஜில் அசத்தும் க்விட்டின் சிஎன்ஜி எடிஷனை தாராளமாக தவணை முறையில் சொந்தமாக்கிக் கொள்ளலாம்.அதன்படி, ஆல்டோ கே10 மாடலின் எண்ட்ரி லெவல் வேரியண்டின் எக்ச் - ஷோரூம் விலையான ரூ.3.70 லட்சத்தை முன்பணமாக செலுத்தினால் மீதமுள்ள ரூ.2.38 லட்சத்தை வங்கியில் இருந்து கடனாக பெற்று மாத தவணை முறையில் திருப்பி செலுத்தலாம். நல்ல சிபில் ஸ்கோர் இருந்தால் 8 சதவிகித வட்டியிலேயே கூட உங்களுக்கு கடன் கிடைக்கலாம். அதன்படி, 5 ஆண்டுகளுக்கு 8 சதவிகித வட்டி விகிதத்தில் மாதம் 4 ஆயிரத்து 800 ரூபாயை தவணையாக செலுத்தினாலே போதுமானது. அசலுடன் சேர்த்து கூடுதலாக 51 ஆயிரம் ரூபாயை மட்டுமே நீங்கள் வட்டியாக செலுத்த வேண்டி இருக்கும். ஒருவேளை 7 ஆண்டுகளுக்கு அவகாசம் கோரினால், உங்களது மாதாந்திர தவணை வெறும் 3 ஆயிரத்து 700 ரூபாயாக குறையும். அதேநேரம் நீங்கள் செலுத்தும் மொத்த வட்டியானது சுமார் 73 ஆயிரமாக உயரும் என்பது குறிப்பிடத்தக்கது.
க்விட் சிஎன்ஜி - 32கிமீ மைலேஜ்
ரெனால்ட் க்விட்டின் சிஎன்ஜி எடிஷன் 1.0 லிட்டர் 3 சிலிண்டர் நேட்சுரலி ஆஸ்பிரேடட் இன்ஜின் உடன், 5 ஸ்பீட் மேனுவல் ட்ரான்ஸ்மிஷன் ஆப்ஷனில் மட்டுமே கிடைக்கிறது. போக்குவரத்து நெரிசல் மிக்க நகர்ப்புறங்களில் 22 முதல் 24 கிலோ மீட்டர் மைலேஜ் வழங்குவதாகவும், நெடுஞ்சாலை பகுதிகளில் கிலோவிற்கு 30 முதல் 32 கிலோ மீட்டர் தூரம் மைலேஜ் வழங்குவதாகவும் பயனர்கள் தெரிவிக்கின்றனர். இந்த அபரிவிதமான மைலேஜ் மற்றும் எரிபொருள் செயல்திறனுடன் ஒப்பிட்டால், கூடுதலாக நீங்கள் செலுத்தும் வட்டி தொகையானது சேமிப்பாகவே கருதப்படும். ஒரு தரமான எஸ்யுவியில் பயணிக்கும் அனுபவத்தையும் நீங்கள் பெறக்கூடும்.
க்விட் சிஎன்ஜி - அம்சங்கள், வசதிகள்
வழக்கமான ஹேட்ச்பேக்குகளை போல இல்லாமல் 184 மில்லி மீட்டர் க்ரவுண்ட் க்ளியரன்ஸை கொண்டு, மோசமான் சாலைகளில் கூட எளிதில் பயணிக்கும் வகையிலான டிசைனை பெற்றுள்ளது. சொகுசான பயண அனுபவத்திற்காக 8 இன்ச் மீடியாநேவ் டச்ஸ்க்ரீன் டிஸ்பிளேவை கொண்டுள்ளது. இதில் ஆப்பிள் கார்பிளே மற்றும் ஆண்ட்ராய்ட் ஆட்டோ வசதிளுடன் கூடிய ஸ்மார்ட்ஃபோன் மிர்ரரிங் அம்சம் உள்ளது. ட்ரைவிங் டேட்டாவை கண்காணிப்பதற்காக எல்இடி டிஜிட்டல் இன்ஸ்ட்ரூமெண்ட் க்ளஸ்டர் வழங்கப்பட்டுள்ளது.
வசதியான பயனத்திற்காக 4 பவர் விண்டோக்கள், ரெஸ்பான்சிவ் எலெக்ட்ரிக் பவர் ஸ்டியரிங், ரிமோட் கீலெஸ் எண்ட்ரி, சென்ட்ரல் லாக்கிங், ஸ்டியரிங் வீல் மவுண்டட் கன்ட்ரோல்கள் ஆகியவை சேர்க்கப்பட்டுள்ளன. பாதுகாப்பிற்காக 2லிருந்து 6 வரையிலான ஏர்பேக்குகள், எலெக்ட்ரானிக் ப்ரேக் ஃபோர்ஸ் டிஸ்ட்ரிப்யூஷனுடன் கூடிய ஆண்டி லாக் ப்ரேக்கிங் சிஸ்டம், ட்ராக்ஷன் கன்ட்ரோல் சிஸ்டம் மற்றும் ஹில் ஸ்டார்ட் அசிஸ்ட் ஆகிய இரண்டுடனும் ஒருங்கிணைக்கப்பட எலெக்ட்ரானிக் ஸ்டெபிலிட்டி ப்ரோக்ராம் உடன் ஒருங்கிணைக்கப்பட்டுள்ளது. இதுபோக ரியர்வியூ பார்கிங் கேமரா உடன் கூடிய பார்கிங் சென்சார்கள், டயர் பிரஷர் மானிட்டரிங் சிஸ்டம் போன்றவையும் சேர்க்கப்பட்டுள்ளன. 279 லிட்டர் பூட் ஸ்பேஸ் வசதியும் கவனத்தை ஈர்க்கிறது.
தலைப்பு செய்திகள்
ட்ரெண்டிங் செய்திகள்
