Hyundai Safety Features: இனி திருடவே முடியாது..! ஹுண்டாயின் புத்தம் புதிய பாதுகாப்பு அம்சம் - எப்படி வேலை செய்யும்?

Hyundai Safety Features: கார் திருடுபோவதை தடுக்க ஹுண்டாய் நிறுவனம் முற்றிலும் புதிய பாதுகாப்பு தொழில்நுட்பத்தை இந்திய சந்தையில் அறிமுகப்படுத்தியுள்ளது.

ஆட்டோமொபைல் செய்திகள்

Source : social media/x

Hyundai Safety Features: கார் திருடுபோவதை தடுக்க ஹுண்டாய் அறிமுகப்படுத்தியுள்ள புதிய பாதுகாப்பு தொழில்நுட்பம் எப்படி வேலை செய்யும்? என கீழே விவரிக்கப்பட்டுள்ளது.

ஹுண்டாயின் புதிய பாதுகாப்பு தொழில்நுட்பம்:

ஹுண்டாய் நிறுவனம் தனது வென்யு மற்றும் வென்யு என் லைன் கார்களில், ஹுண்டாய் ப்ளூலிங்க் ரிமோட் இமொபிலைசர் தொழில்நுட்பத்தை அறிமுகப்படுத்தி, வாகனப் பாதுகாப்பை மேம்படுத்தியுள்ளது. இது கனெக்டட்-கார்-நேவிகேஷன்-காக்பிட் (ccNC) வசதியுள்ள வென்யு மற்றும் வென்யு என் லைன் கார்களின் HX10 மற்றும் N10 வேரியன்ட்களில் கிடைக்கிறது.

இந்த அம்சம், தற்போதுள்ள தேர்ந்தெடுக்கப்பட்ட ப்ளூலிங்க் மாடல்களில் படிப்படியாக அறிமுகப்படுத்தப்பட்டு, வரவிருக்கும் ஹுண்டாய் கனெக்ட் வசதி கொண்ட வாகனங்களில் ஒரு நிலையான அம்சமாக வழங்கப்படும். வாடிக்கையாளரை மையமாகக் கொண்ட இந்த பாதுகாப்பு அம்சம், ஹுண்டாய் ப்ளூலிங்க் செயலி மூலம் தங்களது நிறுத்தப்பட்ட வாகனத்தை தொலைவிலிருந்து செயலிழக்கச் செய்ய உதவுகிறது. இதன்மூலம், சாவியை நகலெடுப்பது போன்ற அரிதான நிகழ்வுகளில்கூட, அங்கீகரிக்கப்படாத நபர்கள் மூலம் கார் ஸ்டார்ட் செய்யப்படுவதை தடுக்க முடியும்.

ப்ளூலிங்க் ரிமோட் இமொபிலைசர் - எப்படி செயல்படும்?

திருட்டுச் சந்தேகம் ஏற்பட்டால், வாடிக்கையாளர்கள் ஹுண்டாய் ப்ளூலிங்க் செயலி மூலம் இந்த அம்சத்தை உடனடியாகச் செயல்படுத்தலாம். இதன் மூலம், வாகனம் ஒருமுறை அணைக்கப்பட்டால், அதை மீண்டும் இயக்க முடியாது. மேலும், நெட்வொர்க் இணைப்பு இருக்கும் பட்சத்தில், நிகழ்நேர இருப்பிடக் கண்காணிப்பு, வாடிக்கையாளர்களுக்கும், காவல்துறையினருக்கும் வாகனத்தை விரைவாகக் கண்டறிய உதவும். வாடிக்கையாளர்களின் பாதுகாப்பிற்காக, இந்த அம்சம் நகர்ந்து கொண்டிருக்கும் வாகனத்தை நிறுத்தவோ அல்லது அணைக்கவோ செய்யாது.

வென்யு மற்றும் வென்யு என் லைன் ஆகியவற்றின் மென்பொருள்-வரையறுக்கப்பட்ட வாகன (SDV) கட்டமைப்பைப் பயன்படுத்தி, இந்த பாதுகாப்பு அம்சம் கன்ட்ரோலர் ஓவர்-தி-ஏர் அப்டேட் மூலம் தொலைவிலிருந்து அறிமுகப்படுத்தப்பட்டுள்ளது. இதன்மூலம், நவம்பர் 2025 முதல் விற்கப்படும் தகுதியான மாடல்களுக்கு ஒர்க்ஷாப்பிற்குச் செல்ல வேண்டிய அவசியமின்றி இந்த அப்டேட்டை பெற முடியும். கனெக்டட்-கார்-நேவிகேஷன்-காக்பிட் (ccNC) பொருத்தப்பட்டுள்ளதால், இணக்கமான மாடல்கள் 19 வாகனக் கன்ட்ரோலர்கள் வரை C-OTA அப்டேட்களைப் பெற முடியும். 

போலி சாவிகளுக்கு தீர்வு..!

இந்தியாவில் பதிவான வாகனத் திருட்டு வழக்குகளுடன் தொடர்புடைய முறைகளில், போலி சாவிகள் பயன்பாடு முக்கியமானதாகும். ஹூண்டாயின் ரிமோட் இம்மொபிலைசர், ப்ளூலிங்க் பொருத்தப்பட்ட மாடல்களை அனுமதியின்றி இயக்குவதைத் தடுக்க உதவுகிறது.
வாடிக்கையாளர்கள் ப்ளூலிங்க் செயலி மூலம் இம்மொபிலைசரை இயக்கலாம். ஒருமுறை இயக்கப்பட்டால், வாகனத்தை மீண்டும் இயக்க முடியாது. 

ப்ளூலிங்க் - என்னென்ன அம்சங்களை வழங்குகிறது?

• ஹூண்டாய் ப்ளூலிங்க், HMIL-இன் தயாரிப்பு வரிசையில் உள்ள 15 மாடல்களில் 11-ல் வழங்கப்படும், இணையற்ற மேம்பட்ட மற்றும் பயன்படுத்த எளிதான இணைப்பு அம்சங்களின் தொகுப்பை வழங்குகிறது.
• முன்கூட்டியே அலெர்ட்கள், SOS மற்றும் அவசரகால உதவி, வாகன விபத்து அறிவிப்பு, தொலைநிலை வாகன நிலைத் தகவல், வீட்டிலிருந்து காருக்கான இணைப்பு மற்றும் ஹூண்டாய் பே, டிஜிட்டல் கீ, டிஜிட்டல் பாஸ்போர்ட், பக்கவாட்டுக் காட்சித் திரை வழியாக 'என் காரைக் கண்டுபிடி' போன்ற பல புதிய அம்சங்களும் இதில் உள்ளன
• ஹுண்டாய் ப்ளூலிங்க் பொருத்தப்பட்ட மாடல்களில், டிஜிட்டல் க்ளஸ்டர் மற்றும் இன்ஃபோடெயின்மென்ட் சிஸ்டத்தில் 492 வரையிலான AI-ஆற்றல்மிக்க வாய்ஸ் கமெண்ட்கள் மற்றும் பன்மொழி இண்டர்ஃபேஸ் சப்போர்ட் ஆகியவையும் இடம்பெற்றுள்ளன.