MG Comet: இந்தியா வருகிறது எம்ஜி நிறுவனத்தின் புதிய குட்டி மின்சார கார்.. விலை இப்படித்தான்..
எம்ஜி நிறுவனத்தின் புதிய மின்சார காரான MG Comet இந்தியாவில் எப்போது அறிமுகம் செய்யப்படும் என அறிவிக்கப்பட்டுள்ளது.
எம்ஜி நிறுவனத்தின் புதிய மின்சார காரான MG Comet இந்தியாவில் எப்போது அறிமுகம் செய்யப்படும் என அதிகாரப்பூர்வமாக அறிவிக்கப்பட்டுள்ளது. அதன்படி, வரும் 19ம் தேதி இந்த கார் இந்தியாவில் அறிமுகம் செய்யப்பட உள்ளது.
எம்.ஜி. நிறுவனம்:
அமெரிக்காவிற்கு எப்படி ஒரு ஃபோர்ட் நிறுவனமோ, அப்படி தான் இங்கிலாந்திற்கு எம்.ஜி. நிறுவனமும். மோர்ரிசன் கராஜ் எனப்படும் இந்த நிறுவனம் கடந்த 2017ம் ஆண்டு தான் இந்தியாவில் அறிமுகம் செய்யப்பட்டாலும், உள்நாட்டு சந்தையில் தற்போது அதற்கு அமோக வரவேற்பு கிடைத்துள்ளது. பல்வேறு வசதிகளை கொண்ட மற்றும் அடுத்தடுத்து மேம்படுத்தப்பட்ட பல்வேறு சொகுசு மற்றும் மின்சார கார் மாடல்களையும் இந்திய சந்தையில் விற்பனை செய்து வருகிறது. அந்த வரிசையில் தற்போது மேலும் ஒரு புதிய மின்சார காராக, MG Comet இணைந்துள்ளது.
MG Comet கார் அறிமுகம்:
புதிய அறிவிப்பின்படி, எம்ஜி மோட்டார் இந்தியா நிறுவனம் முற்றிலும் புதிய கொமெட் மின்சார கார் மாடலை வரும் 19 ஆம் தேதி இந்தியாவில் அறிமுகம் செய்ய உள்ளது. புதிய கொமெட் EV மாடல் வுலிங் ஏர் EV கார் மாடலை தழுவி வடிவமைக்கப்பட்டு உள்ளது.
5 வண்ணங்களில் புதிய கார்:
கடந்த மாதம் எம்ஜி நிறுவனம் இந்தியாவுக்கான கொமெட் EV மாடல் விவரங்களை அறிவித்து இருந்தது. அதன்படி புதிய கொமெட் மின்சார கார் மாடல் வெள்ளை, நீலம், பச்சை, மஞ்சள் மற்றும் பின்க் ஆகிய ஐந்து விதமான வ்ண்னங்களில் விற்பனைக்கு வர உள்ளது.
பேட்டரி விவரம்:
சர்வதேச சந்தையில் இந்த மாடல் 17.3 கிலோவாட் ஹவர் மற்றும் 26.7 கிலோவாட் ஹவர் என இருவித பேட்டரி பேக் ஆப்ஷன்களில் விற்பனை செய்யப்படுகிறது. இதனை ஒருமுறை முழுமையாக சார்ஜ் செய்தால் முறையே 200 கிலோமீட்டர்கள் மற்றும் 300 கிலோமீட்டர்கள் தூரம் வரையிலான ரேன்ஜ் வழங்கும் என கூறப்படுகிறது.
காரின் சிறப்பம்சங்கள்:
க்ரோம் இன்சர்ட்கள், ஸ்டீல் வீல்கள், வீல் கவர்கள், பின்புற பம்பரில் நம்பர் பிளேட், ஹை மவுண்ட் செய்யப்பட்ட ஸ்டாப் லேம்ப் ஆகியவை வழங்கப்பட்டுள்ளன. வெளிப்புற டிசைனை பொருத்தவரை கொமெட் மின்சார காரில் செங்குத்தான எல்.ஈ.டி. முகப்பு விளக்குகள், எல்.ஈ.டி பின்புற விளக்குகள், டிஆர்எல்கள், இண்டகிரேட் செய்யப்பட்ட இண்டிகேட்டர்கள், டூயல் டோன் முன்புற பம்பர் மற்றும் சார்ஜிங் போர்டின் மேல் எல்.ஈ.டி லைட் பார் ஆகியவை இடம்பெற்றுள்ளன.
விலை விவரம்:
இந்திய சந்தையில் புதிய எம்ஜி கொமெட் EV மாடலின் விலை ரூ. 10 லட்சத்தில் துவங்கி அதிகபட்சம் ரூ. 15 லட்சம், வரையில் நிர்ணயம் செய்யப்படலாம் என கூறப்படுகிறது. அதோடு, உள்நாட்டு சந்தையில் புதிய எம்ஜி கொமெட் EV மாடல் டாடா டியாகோ EV மற்றும் சிட்ரோயன் eC3 ஆகிய மின்சார கார்களுக்கு போட்டியாக அமைய வாய்ப்புள்ளது.
தலைப்பு செய்திகள்
ட்ரெண்டிங் செய்திகள்
