அக்டோபரில் அறிமுகமாகப்போகும் Hyundai Bayon! கண்டிப்பாக தெரிஞ்சுக்க வேண்டிய 7 விஷயங்கள்!
ஹுண்டாய் நிறுவனத்தின் Hyundai Bayon கார் வரும் அக்டோபர் மாதம் அறிமுகமாக உள்ளது.
இந்தியாவின் புகழ்பெற்ற கார் விற்பனை நிறுவனம் ஹுண்டாய். இவர்களின் கார்களுக்கு என்று இந்தியாவில் மிகப்பெரிய வரவேற்பு உள்ளது. வாடிக்கையாளர்களை கவர்வதற்கான இந்தியாவில் புதிய புதிய கார்களை ஹுண்டாய் நிறுவனம் அவ்வப்போது அறிமுகப்படுத்தி வருகிறது.
Hyundai Bayon:
அந்த வகையில் புதியதாக அறிமுகமாக உள்ள கார் Hyundai Bayon. மிகுந்த எதிர்பார்ப்பை உருவாக்கியுள்ள இந்த கார் அக்டோபர் மாதம் அறிமுகமாக உள்ளது. இந்த காரைப் பற்றி கண்டிப்பாக அறிந்து கொள்ள வேண்டிய விஷயங்களை கீழே காணலாம்.
1. பெயர்:
ஹுண்டாய் புதியதாக அறிமுகப்படுத்த உள்ள கார் Hyundai Bayon. ஹுண்டாய் நிறுவனம் இந்த காரை இன்டெலிஜண்ட் எஸ்யூவி கார் என்று வர்ணிக்கின்றனர். இந்த காரின் சிறப்புகள், வேரியண்ட், விலை குறித்து இதுவரை அதிகாரப்பூர்வ தகவல் வெளியாகவில்லை.
2. இந்தியாவில் முற்றிலும் மாறுபாடு:
ஹுண்டாய் நிறுவனம் இந்தியாவில் அறிமுகப்படுத்த உள்ள இந்த Bayon கார் உலகளவில் ஏற்கனவே அறிமுகமாகியுள்ளது. இருப்பினும் இந்தியாவில் அறிமுகமாக உள்ள இந்த கார் ஏற்கனவே அறிமுகமாகிய காரைக் காட்டிலும் முற்றிலும் மாறுபட்ட மற்றும் கூடுதல் வசதிகளுடன் அறிமுகமாக உள்ளது. இந்த காரின் பரிசோதனை ஓட்டத்தின்போது எடுக்கப்பட்ட புகைப்படங்கள் வெளியாகிறது.
3. 4.18 மீட்டர் நீளம்:
இந்தியாவில் அறிமுகமாக உள்ள Hyundai Bayon கார் தோராயமாக 4.18 நீளம் இருக்கிறது. வெனுயூ, கிரெட்டா ஆகிய காரைப் போன்று தோற்றத்தில் இருக்கும் என்று எதிர்பார்க்கப்படுகிறது. உட்புறத்திலும் நன்றாக கால் நீட்டி அமர்ந்து கொள்ளும் வசதி இருக்கும் என்றும் கருதப்படுகிறது.
4. தோற்றம்:
இந்த கார் மீது பலரும் எதிர்பார்ப்புடன் இருப்பதற்கு காரணம் இந்த காரின் தோற்றமே ஆகும். பொதுவாக ஹுண்டாய் கார்களி்ன் தோற்றம் வசீகரமாகவே இருக்கும். இந்த கார் வெனுயூ - கிரெட்டா காரின் கலந்த கலவையாக இந்த கார் இருக்கும் என்று கருதப்படுகிறது. வெளிப்புறம் மட்டுமின்றி உட்புறத்திலும் இதன் தோற்றம் அட்டகாசமாக இருக்கும் என்று கருதப்படுகிறது. எல்இடி டிஆர்எல் முகப்பு விளக்குகள் பொருத்தப்பட்டுள்ளது. பனோரமிக் மேற்கூரை உள்ளிட்ட பல்வேறு வசதிகள் இடம்பிடித்துள்ளது.
5. கேபின்:
இந்த Hyundai Bayon காரின் கேபின் பல்வேறு வசதிகளுடன் வடிவமைக்கப்பட்டுள்ளது. டூயல் டிஸ்ப்ளே இதில் பொருத்தப்பட்டுள்ளது. 360 டிகிரி கேமரா, வயர்லஸ் ஸ்மார்ட்போன் கனெக்டிவிட்டி, வயர்லஸ் சார்ஜிங், வென்டிலெட்டட் முன் இருக்கைகள் வசதி உள்ளது.
6. எஞ்ஜின்:
இந்த கார் பெட்ரோல் காராகவே அறிமுகமாக உள்ளது. இதில் 1.5 லிட்டர் நேச்சுரல் பெட்ரோல் எஞ்ஜின் பொருத்தப்பட்டுள்ளது. 1.2 லிட்டர் டர்போ பெட்ரோல் எஞ்ஜின் பொருத்தப்பட்டுள்ளது. 1.5 லிட்டர் நேச்சுரல்லி ஆஸ்பிரேட்டட் பெட்ரோல் எஞ்ஜின் இதில் பொருத்தப்பட்டிருக்கிறது என்று கூறப்படுகிறது.1.2 லிட்டர் டர்போ பெட்ரோல் எஞ்ஜின் பொருத்தப்பட்ட வேரியண்ட் வெளியாகவும் வாய்ப்பு உள்ளதாக கூறப்படுகிறது.
7. சிஎன்ஜி வேரியண்ட் அறிமுகமாக வாய்ப்பு:
இந்த கார் பெட்ரோல் வேரியண்டாக மட்டுமின்றி சிஎன்ஜி வேரியண்டாகவும் அறிமுகமாக வாய்ப்பு உள்ளது.
தலைப்பு செய்திகள்
ட்ரெண்டிங் செய்திகள்
