இந்தியர்கள்னா இளிச்சவாயனா? அதிக விலையை தலைக்கு கட்டும் ஆடி நிறுவனம்! இப்படி பண்ணலாமா சார்

ஜெர்மனியில் அதே Q7 SUV-யின் விலை சுமார் €60,000 மட்டுமே, இது தற்போதைய இந்திய  மதிப்பு படி ₹54 லட்சம் ஆகும்.

ஆடி Q7

ஆடி நிறுவனத்தின் பீரிமியம் வகை காரான ஆடி Q7 சிக்னேச்சர் மாடலைன் இந்தியாவில் அறிமுகப்படுத்தி இருந்தது. இந்த காரை இந்தியாவில் தற்போது வாங்குவதற்கு அதிக ஆர்வம் காட்டி வருகின்றனர். ஆனால் இந்தியாவை விட இதன் விலை ஜெர்மனியில் குறைவா என்பதை இந்த தொகுப்பில் காணலாம். 

ஜெர்மனியில் ஆடி Q7 வாங்குவது மலிவானதா? 

இந்தியாவில் சொகுசு வாகனங்கள் வாங்குவதில் அதிக செலவு என்பது நமக்குத் தெரிந்த விஷயம். குறிப்பாக ஆடி Q7 போன்ற பிரீமியம் SUV கார்களுக்கு இந்தியாவில் அதிக வரிகள், சுங்கம், மற்றும் பிற கட்டணங்கள் விதிக்கப்படுகின்றன. இதனால், அதே கார் ஜெர்மனியில் குறைவான விலையில் கிடைக்கிறது என்பது பலருக்கும் ஆச்சரியமளிக்கலாம்.

இந்தியா vs ஜெர்மனி: ஆடி Q7 விலை எவ்வளவு வித்தியாசம்?

இந்தியாவில் ஆடி Q7 காரின் ஆரம்ப விலை ₹90.48 லட்சமாகும். டாப் மாடலுக்கு இது ₹99.81 லட்சம் வரை செல்லும்.ஜெர்மனியில் அதே Q7 SUV-யின் விலை சுமார் €60,000 மட்டுமே, இது தற்போதைய இந்திய  மதிப்பு படி ₹54 லட்சம் ஆகும்.

அதாவது, ஜெர்மனியில் ஆடி Q7 வாங்குவது இந்தியாவை விட ₹35-45 லட்சம் வரை மலிவாக இருக்கிறது. ஆனால், அந்தக் காரை இந்தியாவுக்கு கொண்டு வர நினைத்தால், மீண்டும் இறக்குமதி சுங்கம், போக்குவரத்து கட்டணங்கள், பதிவு செலவுகள் ஆகியவை சேரும். இதனால், அதன் மொத்த விலை மீண்டும் உயர வாய்ப்பு உள்ளது.

ஆடி Q7 காரின் செயல்திறனும் தொழில்நுட்ப அம்சங்களும் மிக உயர்ந்தவை. இந்த சொகுசு SUV-ல் 3.0 லிட்டர் V6 TFSI பெட்ரோல் எஞ்சின் பொருத்தப்பட்டுள்ளது. இது 340 ஹார்ஸ்பவரும், 500 என்எம் டார்கும் வழங்கும் திறன் கொண்டது. வெறும் 5.6 விநாடிகளில் 0 முதல் 100 கிமீ வேகத்தை எட்டக்கூடிய இந்த வாகனம், மணிக்கு 250 கிமீ வரையிலான அதிகபட்ச வேகத்தில் செல்லும் திறன் பெற்றது.

ரைட் அனுபவம் – எந்த சாலையிலும் செல்லும்

Q7-ல் வழங்கப்படும் குவாட்ரோ ஆல்-வீல் டிரைவ் சிஸ்டம், அடாப்டிவ் ஏர் சஸ்பென்ஷன், மற்றும் 7 வகையான டிரைவ் மோடுகள் ஆகியவை, மலைப்பாதை முதல் நகர் சாலை வரை எந்தவகை சாலையிலும் மென்மையான ரைட் அனுபவத்தை வழங்குகின்றன.

பாதுகாப்பு அம்சங்கள்

பாதுகாப்பு அம்சங்களில் Q7 எந்தவிதமும் குறைவாக இல்லை. இதில் 8 ஏர்பேக்குகள், லேன் புறப்பாடு எச்சரிக்கை, 360 டிகிரி கேமரா, எலக்ட்ரானிக் ஸ்டெபிலைசேஷன் புரோகிராம் (ESP), அடாப்டிவ் விண்ட்ஸ்கிரீன் வைப்பர்கள், ABS, EBD, பார்க் அசிஸ்ட், மற்றும் ரிவர்ஸ் கேமரா உள்ளிட்ட பல்வேறு உயர் தர பாதுகாப்பு வசதிகள் இடம் பெற்றுள்ளன.

ஆடி Q7 காரை ஜெர்மனியில் வாங்குவது விலை அடிப்படையில் மலிவாக இருக்கலாம். ஆனால், அதை இந்தியாவிற்கு கொண்டு வரும்போது ஏற்படும் சுங்கம் மற்றும் பதிவு செலவுகள் அதை நன்மை இல்லாததாக்கும். எனவே, உங்கள் தேவை, பயண தூரம் மற்றும் செலவுத்திறனைப் பொறுத்தே முடிவெடுக்க பரிந்துரைக்கப்படுகிறது.