காரில் ADAS வேணுமா? மலிவான விலையில் கிடைக்கும் டாப் 10 சூப்பர் பட்ஜெட் கார்கள் லிஸ்ட்
இந்தியாவில் ADAS அம்சங்களுடன் கிடைக்கும் டாப் 10 மலிவான கார்கள் என்னென்ன இருக்கிறது?
கார் வாங்குவதில் மைலேஜ், விலை, டிசைன் உடன் பாதுகாப்பு அம்சங்களுக்கும் இப்போது முக்கியத்துவம் அதிகரித்துள்ளது. குறிப்பாக, ADAS (அட்வான்ஸ்டு டிரைவர் அசிஸ்டன்ஸ் சிஸ்டம்) தொழில்நுட்பத்தின் மீது ஆர்வம் அதிகரித்து வருகிறது. ஒருகாலத்தில் விலையுயர்ந்த கார்களுக்கே மட்டுப்பட்டிருந்த இந்த அம்சங்கள் இப்போது சாதாரண விலையில் கிடைக்கும் கார்களிலும் கிடைக்கத் தொடங்கியுள்ளன. ஹூண்டாய், ஹோண்டா, மஹிந்திரா, மாருதி சுஸுகி போன்ற நிறுவனங்கள் இந்த தொழில்நுட்பத்தை தங்கள் கார்களில் வழங்குகின்றன.
தற்போது, ADAS-இல் முக்கியமாக இரண்டு நிலைகள் உள்ளன. அவை, லெவல் 1 & லெவல் 2. லெவல் 1-இல்.. முன்னால் உள்ள வாகனத்துடன் மோதும் அபாயம் குறித்த எச்சரிக்கைகள், லேனுக்குள் வாகனம் இருக்க உதவும் அம்சங்கள் இருக்கும். லெவல் 2-இல் அடாப்டிவ் க்ரூயிஸ் கண்ட்ரோல், பிளைண்ட் ஸ்பாட் மானிட்டரிங் போன்ற கூடுதல் வசதிகளும் இருக்கும். ஆனால் எல்லா கார்களிலும் ஒரே அம்சங்கள் இருக்காது, வேரியண்ட்டைப் பொறுத்து வசதிகள் மாறும்.
இந்தியாவில் ADAS வழங்கும் 10 மலிவான பெட்ரோல், டீசல் கார்களின் பட்டியல் இதோ.
10. நிசான் டெக்டன்
விலை: ரூ.15.39 லட்சம் – ரூ.18.59 லட்சம்
நிசானின் புதிய எஸ்யூவி டெக்டனில் டெக்னா, டெக்னா+ வேரியண்ட்களுக்கு லெவல் 2 ADAS வழங்கப்பட்டுள்ளது. இதில் 100hp திறன் கொண்ட 1.0 லிட்டர் டர்போ பெட்ரோல் என்ஜின், 163hp திறன் கொண்ட 1.3 லிட்டர் டர்போ பெட்ரோல் என்ஜின் ஆப்ஷன்கள் உள்ளன. மேனுவல், ட்யூயல் கிளட்ச் கியர்பாக்ஸ் தேர்வுகளும் உள்ளன.
9. எம்ஜி ஆஸ்டர்
விலை: ரூ.15.30 லட்சம்
2021-இல் அறிமுகமான எம்ஜி ஆஸ்டர், அப்போது ADAS-உடன் வந்த மிட்-சைஸ் எஸ்யூவியாக அடையாளம் பெற்றது. இதில் உள்ள டாப் வேரியண்ட் Savvy Pro-வில் லெவல் 2 ADAS உள்ளது. இது 110hp திறன் கொண்ட 1.5 லிட்டர் பெட்ரோல் என்ஜினுடன், CVT கியர்பாக்ஸுடன் கிடைக்கிறது.
8. ஹோண்டா எலிவேட்
விலை: ரூ.15.19 லட்சம் – ரூ.16.36 லட்சம்
ஹோண்டா எலிவேட்டில் டாப் ZX வேரியண்டுடன் சேர்த்து ZX Black, ADV எடிஷன்களிலும் ADAS கிடைக்கிறது. இதில் 121hp திறன் கொண்ட 1.5 லிட்டர் பெட்ரோல் என்ஜின் உள்ளது. மேனுவல், CVT கியர்பாக்ஸ் ஆப்ஷன்கள் உள்ளன.
7. ஹூண்டாய் வென்யூ
விலை: ரூ.14.65 லட்சம் – ரூ.15.65 லட்சம்
புதிய ஹூண்டாய் வென்யூவில் முந்தைய மாடலுடன் ஒப்பிடும்போது மேம்பட்ட லெவல் 2 ADAS சிஸ்டம் வழங்கப்பட்டுள்ளது. HX 10, HX 10 Night வேரியண்ட்களில் இந்த அம்சம் உள்ளது. டர்போ பெட்ரோல் என்ஜினுடன் ஆட்டோமேட்டிக் கியர்பாக்ஸ் கிடைக்கிறது. N Line N10 வேரியண்ட்டிலும் ADAS கிடைக்கிறது.
6. கியா சோனெட்
விலை: ரூ.13.66 லட்சம் – ரூ.14.37 லட்சம்
கியா சோனெட்டில் GTX+ , X-Line வேரியண்ட்களுக்கு லெவல் 1 ADAS வழங்கப்பட்டுள்ளது. டர்போ பெட்ரோல், டீசல் என்ஜின் ஆப்ஷன்கள் உள்ளன. வேரியண்ட்டைப் பொறுத்து கியர்பாக்ஸ் மாறும். இந்த மாடலின் நெக்ஸ்ட்-ஜென் காரில் லெவல் 2 ADAS வரும் வாய்ப்பு இருப்பதாக கணிக்கப்படுகிறது.
5. டாடா நெக்சான்
விலை: ரூ.13.62 லட்சம் – ரூ.13.82 லட்சம்
டாடா நெக்சானில் Fearless+ PS வேரியண்ட்டுக்கு லெவல் 2 ADAS வழங்கப்பட்டுள்ளது. ஆனால் இது 1.2 லிட்டர் டர்போ பெட்ரோல் என்ஜின், ட்யூயல் கிளட்ச் கியர்பாக்ஸ் சேர்க்கையில்தான் கிடைக்கிறது. Red Dark எடிஷனிலும் இந்த அம்சம் உள்ளது. டீசல் வேரியண்ட்களில் ADAS இல்லை.
4. ஹோண்டா சிட்டி
விலை: பெட்ரோல் ரூ.13.59 லட்சம் – ரூ.17.44 லட்சம்; ஹைப்ரிட் ரூ.21.44 லட்சம்
ஹோண்டா சிட்டியில் பேஸ் SV வேரியண்ட் தவிர V, ZX, ZX+ வேரியண்ட்களில் லெவல் 2 ADAS உள்ளது. 121hp திறன் கொண்ட 1.5 லிட்டர் பெட்ரோல் என்ஜினுடன் மேனுவல், CVT கியர்பாக்ஸ் ஆப்ஷன்கள் கிடைக்கின்றன. City Hybrid ZX+ மாடலிலும் ADAS உள்ளது.
3. மஹிந்திரா XUV 3XO
விலை: ரூ.12.02 லட்சம் – ரூ.15.03 லட்சம்
மஹிந்திரா XUV 3XO-வில் AX5 L, AX7 L வேரியண்ட்களுக்கு லெவல் 2 ADAS வழங்கப்பட்டுள்ளது. AX5 L-இல் 131hp திறன் கொண்ட 1.2 லிட்டர் டர்போ பெட்ரோல் என்ஜின் உள்ளது. AX7 L-இல் கூடுதலாக 117hp திறன் கொண்ட 1.5 லிட்டர் டீசல் என்ஜின் தேர்வும் உள்ளது.
2. மாருதி பலேனோ
விலை: ரூ.9.55 லட்சம் – ரூ.9.99 லட்சம்
ரூ.10 லட்சத்திற்குள் விலையில் ADAS வழங்கும் ஹாட்ச்பேக்காக மாருதி பலேனோ தனித்துவமாக நிற்கிறது. இதில் டாப் Alpha (O) வேரியண்ட்டுக்கு லெவல் 2 ADAS உள்ளது. 1.2 லிட்டர் பெட்ரோல் என்ஜினுடன் மேனுவல், AMT கியர்பாக்ஸ் தேர்வுகள் உள்ளன.
1. ஹோண்டா அமேஸ்
விலை: ரூ.9.39 லட்சம் – ரூ.10 லட்சம்
இந்த பட்டியலில் மிகக் குறைந்த விலையில் ADAS வழங்கும் காராக மூன்றாம் தலைமுறை ஹோண்டா அமேஸ் உள்ளது. இதன் டாப் ZX வேரியண்ட்டில்தான் இந்த அம்சம் கிடைக்கிறது. இதில் 90hp திறன் கொண்ட 1.2 லிட்டர் பெட்ரோல் என்ஜினுடன் மேனுவல், CVT கியர்பாக்ஸ் ஆப்ஷன்கள் உள்ளன. 4 மீட்டருக்குள் நீளமுள்ள செடான்களில் ADAS வழங்கும் சிறப்பு மாடலாக இது திகழ்கிறது.
மாருதி பிரெஸ்ஸாவும்
மாருதி பிரெஸ்ஸா ஃபேஸ்லிஃப்டின் ஒரு பகுதியாக முன்புற பார்க்கிங் சென்சர்களுடன் பிளைண்ட் ஸ்பாட் வார்னிங், ரியர் கிராஸ் டிராஃபிக் அலர்ட் போன்ற சில டிரைவர் அசிஸ்டன்ஸ் அம்சங்கள் வந்துள்ளன. இவை ZXi, ZXi+ வேரியண்ட்களில் கிடைக்கின்றன. விலைகள் ரூ.9.85 லட்சம் முதல் ரூ.13.55 லட்சம் வரை உள்ளன. ஆனால் இதில் உள்ள அம்சங்களை முழுமையான ADAS சிஸ்டத்துடன் சமமாகக் கருதக்கூடாது.
குறிப்பு: மேலே குறிப்பிடப்பட்ட விலைகள் 2026 செப்டம்பர் 10 நிலவரப்படி உள்ள எக்ஸ்-ஷோரூம் விலைகள். நகரம், வேரியண்ட், சமீபத்திய விலை மாற்றங்களைப் பொறுத்து விலையில் வேறுபாடு இருக்கலாம்.
தலைப்பு செய்திகள்
ட்ரெண்டிங் செய்திகள்
