WPL 2024 Points Table: மகளிர் பிரீமியர் லீக்! புள்ளிப்பட்டியலில் ஆர்.சி.பி முதலிடம்!

மகளிர் பிரீமியர் லீக் தொடரில் ராயல் சேலஞ்சர்ஸ் பெங்களூர் அணி புள்ளிப்பட்டியலில் முதல் இடத்தில் உள்ளது.

ராயல் சேலஞ்சர்ஸ் பெங்களூர்

மகளிர் பிரீமியர் லீக் 2024:

இந்தியாவில் ஐபிஎல் தொடருக்கென்று தனி ரசிகர் பட்டாளமே இருக்கிறது. உலகளவிலும் ஐபிஎல் தொடருக்கு ரசிகர்கள் அதிகம். ஆண்களுக்கு மட்டுமே ஐபிஎல் தொடர் நடத்தப்பட்டு வந்த நிலையில், மகளிருக்கும் இது போன்ற தொடர் நடத்த திட்டமிடப்பட்டது. அதன்படி கடந்த ஆண்டு மகளிர் பிரீமியர் லீக் அறிமுகப்படுத்தப்பட்டது. 

டெல்லி கேபிட்டல்ஸ், குஜராத் ஜெயனட்ஸ், மும்பை இந்தியன்ஸ், ராயல் சேலஞ்சர்ஸ் பெங்களூர், யுபி வாரியர்ஸ் ஆகிய 5 அணிகள் பங்கேற்ற இந்த தொடரில், மும்பை இந்தியன்ஸ் அணி சாம்பியன் பட்டம் வென்றது.  இந்நிலையில் மகளிர் பிரீமியர் லீக்கின் 2-வது சீசன் பெங்களூருவில் கடந்த பிப்ரவரி 23 ஆம் தேதி தொடங்கியது. இந்த தொடரிலும் டெல்லி, குஜராத், மும்பை, பெங்களூர், யு.பி.  ஆகிய 5 அணிகள் பங்கேற்று விளையாடி வருகின்றன.

இச்சூழலில், மகளிர் பிரீமியர் லீக் போட்டியின் புள்ளிப்பட்டியலில் ராயல் சேலஞ்சர்ஸ் பெங்களூர் அணி முதல் இடத்தை பிடித்துள்ளது. அதன்படி இதுவரை 2 போட்டிகளில் விளையாடியுள்ள அந்த அணி 2 போட்டிகளிலும் வெற்றி பெற்று 4 புள்ளிகளுடன் முதல் இடத்தில் இருக்கிறது. மூன்று போட்டிகளில் விளையாடி 2 போட்டிகளில் வெற்றி மற்றும் 1 போட்டியில் தோல்வி என மும்பை இந்தியன்ஸ் அணி புள்ளிப்பட்டியலில் இரண்டாவது இடத்தில் இருக்கிறது.

அதேபோல், 2 போட்டிகள் விளையாடி 1 வெற்றி 1 தோல்வி என 2 புள்ளிகள் பெற்று டெல்லி கேப்பிட்டல்ஸ் அணி மூன்றாவது இடத்தில் இருக்கிறது. மூன்று போட்டிகள் விளையாடியுள்ள யுபி வாரியர்ஸ் அணி 1 போட்டியில் மட்டுமே வெற்றி பெற்று 2 போட்டிகளில் தோல்வி அடைந்து 4 வது இடத்திலும், இரண்டு போட்டிகள் விளையாடி இரண்டு போட்டிகளிலும் தோல்வி அடைந்த குஜராத் ஜெயன்ட்ஸ் கடைசி இடத்தில் இருக்கிறது.

புள்ளிப்பட்டியல்:

 

அணிகள்	போட்டிகள்	வெற்றி	தோல்வி	புள்ளிகள்
ராயல் சேலஞ்சர்ஸ் பெங்களூர்	2	2	0	4
மும்பை இந்தியன்ஸ்	3	2	1	4
டெல்லி கேப்பிட்டல்ஸ்	2	1	1	2
யுபி வாரியர்ஸ்	3	1	2	2
குஜராத் ஜெயன்ட்ஸ்	2	0	2	0