சென்னை - ஹைதராபாத் இடையேயான இன்றைய ஐபிஎல் போட்டியில் யாருக்கு வெற்றி வாய்ப்பு?

நல்ல பார்மில் இருக்கும் தோனி அணியை வெற்றி பாதையில் கொண்டு செல்ல வேண்டிய பொறுப்பில் இருக்கிறார்.

சென்னை - ஹைதராபாத் இன்று மோதல்

தொடர்ந்து மூன்று போட்டிகளில் தோல்வியை சந்தித்த சென்னை சூப்பர் கிங்ஸ் அணி, சன் ரைசர்ஸ் ஹைதராபாத் அணிக்கு எதிரான இன்றைய போட்டியில் வெற்றி பெற வேண்டிய கட்டாயத்தில் இருக்கிறது.

நவி மும்பையில் உள்ள டிஒய் பாட்டீல் மைதானத்தில் இன்று நடைபெற உள்ள 17ஆவது போட்டியில் சன்ரைசர்ஸ் ஹைதராபாத் அணியுடன் சென்னை சூப்பர் கிங்ஸ் மோத உள்ளது.  சிஎஸ்கே தனது முதல் மூன்று ஆட்டங்களில் தோல்வியடைந்தது. 

தோனி கொல்கத்தா நைட் ரைடர்ஸுக்கு எதிரான ஆட்டத்தில் 38 பந்துகளில் ஆட்டமிழக்காமல் 50 ரன்கள் எடுத்த பிறகு, அவர் லக்னோ சூப்பர் ஜெயண்ட்ஸுக்கு எதிராக 6 பந்தில் 16 ரன்கள் எடுத்தார். பஞ்சாப் அணிக்கு எதிரான கடைசிப் போட்டியில் 23 ரன்கள் எடுத்தார். நல்ல பார்மில் இருக்கும் தோனி அணியை வெற்றி பாதையில் கொண்டு செல்ல வேண்டிய பொறுப்பில் இருப்பதால் இன்றைய ஆட்டத்திலும் நன்றாக விளையாடுவார் என்று ரசிர்கள் எதிர்பார்த்துள்ளனர்.

டுவைன் பிராவோ பந்து வீச்சில் சிஎஸ்கே அணிக்கு நம்பிக்கை கொடுக்கிறார்.கடைசி மூன்று போட்டிகளிலும் விக்கெட்டுகளை எடுத்துள்ளார். கொல்கத்தாவுக்கு எதிராக மூன்று விக்கெட்டுகள் உட்பட ஐந்து விக்கெட்டுகளை எடுத்துள்ளார். சிஎஸ்கேவின் முதல் வெற்றிக்கு அவரின் பந்துவீச்சு இன்றைய போட்டியில் சிறப்பாக இருக்க வேண்டும் என்ற பொறுப்பு அவருக்கு அதிமகாக இருக்கிறது.

டிஒய் பாட்டீல்  மைதானம் வேகப்பந்து வீச்சாளர்கள் மற்றும் சுழற்பந்து வீச்சாளர்களுக்கு நன்கு ஒத்துழைக்கும் என்று தெரிவிக்கப்பட்டுள்ளது.
பேட்டர்கள் கூட பவர்பிளே ஓவர்களில் ஆதிக்கம் செலுத்த எதிர்பார்த்துக் கொண்டிருப்பார்கள். பிற்பகல் ஆட்டம் என்பதாலும், பிட்ச் மெதுவாக இருக்கும் என்பதால் டாஸ் வெல்லும் அணி முதலில் பேட்டிங் செய்ய முயற்சிக்கும். ஹைதராபாத் அணியும் நடப்பு தொடரில் இன்னும் ஒரு வெற்றியைக்கூட பதிவு செய்யவில்லை என்பதால் இன்றைய போட்டியில் முதல் வெற்றிக்கு இரு அணிகளும் போராடும் என்பதால் ஆட்டத்தில் அனல் பறக்கும் என்று தெரிகிறது.

சென்னை சூப்பர் கிங்ஸ் உத்தேச அணி

ருதுராஜ் கெய்க்வாட், ராபின் உத்தப்பா, மொயின் அலி, அம்பதி ராயுடு, ரவீந்திர ஜடேஜா (கேப்டன்), ஷிவம் துபே,  தோனி, ராஜ்வர்தன் ஹங்கர்கேகர், டுவைன் பிரிட்டோரியஸ், கிறிஸ் ஜோர்டான், மகேஷ் தீக்ஷனா அல்லது டுவைன் பிராவோ

சன்ரைசர்ஸ் ஹைதராபாத் உத்தேச அணி

ராகுல் திரிபாதி, கேன் வில்லியம்சன் (கேப்டன்), ஐடன் மார்க்ராம், நிக்கோலஸ் பூரன் , அபிஷேக் சர்மா, அப்துல் சமத், ரொமாரியோ ஷெப்பர்ட், வாஷிங்டன் சுந்தர், புவனேஷ்வர் குமார், டி நடராஜன், உம்ரான் மாலிக் அல்லது கார்த்திக் தியாகி

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடியூபில் வீடியோக்களை காண