DC vs LSG, IPL 2022 Live: டெல்லியின் வெற்றியைப் பறித்த லக்னோ.. ப்ளே ஆஃப் வாய்ப்பை நெருங்கியது!

DC vs LSG, IPL 2022 Live: டெல்லி கேபிடல்ஸ் மற்றும் லக்னோ சூப்பர் ஜெயண்ட்ஸ் போட்டியின் உடனுக்குடன் தகவல்கள்..!

01/05/2022 19:45:08

கடைசி வரை விறுவிறுப்பாக சென்ற இந்த போட்டியில், டெல்லி அணியால் இலக்கை எட்ட முடியவில்லை. இதனால், 6 ரன்கள் வித்தியாசத்தில் லக்னோ அணி வெற்றிப்பெற்றது. இதனால், 10 போட்டிகளில் 7 போட்டிகளை வென்று 14 புள்ளிகளுடன் புள்ளிப்பட்டியலில் இரண்டம் இடத்திற்கு முன்னேறி இருக்கிறது. இதனால் லக்னோ அணியின் ப்ளே ஆஃப் வாய்ப்பு அதிகரித்துள்ளது.

01/05/2022 19:15:08

18 பந்துகளில் 46 ரன்கள் தேவை

லக்னோ அணிக்கு எதிரான போட்டியில் டெல்லி வெற்றிப்பெற 18 பந்துகளில் 46 ரன்கள் அடிக்க வேண்டும்

01/05/2022 19:14:23

சீட்டுக்கட்டு போல சரிந்த விக்கெட்டுகள்

அடுத்தடுத்து விக்கெட்டுகளை இழந்த டெல்லி அணி, 17 ஓவர்கள் முடிவில் 7 விக்கெட்டுகள் இழப்பிற்கு 150 ரன்கள் எடுத்திருக்கிறது

01/05/2022 17:26:54

DC vs LSG, IPL 2022 Live: 200-ஐ நெருங்கிய லக்னோ... டெல்லி வெற்றிப்பெற 196 ரன்கள் டார்கெட்!

20 ஓவர்கள் முடிவில் 3 விக்கெட்டுகள் இழப்பிற்கு லக்னோ அணி 195 ரன்கள் குவித்து இருக்கிறது! டெல்லி வெற்றிப்பெற 196 ரன்கள் டார்கெட் 

01/05/2022 16:51:15

15 ஓவர்கள் முடிவில் 145/2

இன்னும் 5 ஓவர்கள் மீதம் இருக்கையில், 15வது ஓவர் முடிவில் 2 விக்கெட்டுகள் இழப்பிற்கு 145 ரன்கள் எடுத்திருக்கிறது லக்னோ அணி

01/05/2022 16:49:41

அரை சதம் கடந்த டாப் ஆர்டர் பேட்டர்கள்

சிறப்பாக விளையாடிய கேப்டன் ராகுல், ஹூடா என இருவருமே அரை சதம் அடித்து அணியின் ஸ்கோரை உயர்த்தியுள்ளனர்.

01/05/2022 15:58:42

DC vs LSG, IPL 2022 Live: டி காக் அவுட்...

ஷர்துல் தாகூர் வீசிய 5 வது ஓவரில் அடித்து ஆடிகொண்டிருந்த  டி காக் 23 ரன்களில் அவுட்டானார். 

01/05/2022 15:51:14

DC vs LSG, IPL 2022 Live: 4 ஓவர் முடிவில் லக்னோ அணி 41/0

டெல்லி அணிக்கு எதிரான இன்றைய ஐபிஎல் போட்டியில் லக்னோ அணி 4 ஓவர் முடிவில் விக்கெட் இழப்பின்றி 41  ரன்கள் எடுத்துள்ளது. 

01/05/2022 15:35:13

DC vs LSG, IPL 2022 Live: ஒரு ஓவர் முடிவில் லக்னோ அணி 6/0

டெல்லி அணிக்கு எதிரான இன்றைய ஐபிஎல் போட்டியில் லக்னோ அணி ஒரு ஓவர் முடிவில் விக்கெட் இழப்பின்றி 6 ரன்கள் எடுத்துள்ளது. 

01/05/2022 15:23:19

DC vs LSG, IPL 2022 Live: டெல்லி அணிக்கு எதிரான போட்டி : லக்னோ டாஸ் வென்று பேட்டிங் தேர்வு

டெல்லி அணிக்கு எதிரான இன்றைய ஐபிஎல் போட்டியில் லக்னோ அணி டாஸ் வென்று பேட்டிங்கை தேர்வு செய்துள்ளது. 

Background

மும்பை வான்கடே மைதானத்தில் இன்று நடைபெறும் ஐ.பி.எல். தொடரின் 45வது ஆட்டத்தில் டெல்லி கேபிடல்ஸ் அணியும், லக்னோ சூப்பர் ஜெயன்ட்ஸ் அணியும் நேருக்கு நேர் மோதுகின்றன.

கடந்த போட்டியில் இரு அணிகளும் வெற்றி பெற்றதால் உற்சாகத்துடன் களமிறங்கும். டெல்லி அணியைப் பொறுத்தவரையில் பிரித்விஷாவும், டேவிட் வார்னரும் முக்கிய வீரர்களாக உள்ளனர். இவர்கள் இருவரும் அதிரடி தொடக்கத்தை அளித்தால் அந்த அணிக்கு வெற்றி வாய்ப்பு பிரகாசமாக அமையும். மிட்ஷெல் மார்ஷ் அதிரடியை காட்டினால் டெல்லி மிகப்பெரிய ஸ்கோரை எட்டும், கேப்டன் ரிஷப் பண்ட் அதிரடி டெல்லி அணிக்கு மிகவும் முக்கியம்.

ஆல்ரவுண்டர்களான லலித்யாதவ், ஷர்துல் தாக்கூர் மற்றும் அக்‌ஷர் படேல் பேட்டிங் மற்றும் பந்துவீச்சு இரண்டிலும் அசத்த வேண்டியது அவசியம். டெல்லி அணிக்கு தற்போது பலமாக மாறியிருப்பது ரோவ்மென் பாவெல். தொடரின் தொடக்கத்தில் சொதப்பினாலும் கடந்த சில போட்டிகளில் பாவெல் பார்முக்கு திரும்பியிருப்பது டெல்லிக்கு பலம். அவர் அதிரடி காட்டினால் டெல்லிக்கு ரன் எகிறும் என்பதில் சந்தேகம் இல்லை. சுழலில் குல்தீப்யாதவ் அசத்த உள்ளார்.

 

லக்னோ அணியும் டெல்லி அணிக்கு சமமான பலமான அணியாக உள்ளது. அந்த அணியின் பலமாக கேப்டன் கே.எல்.ராகுல் உள்ளார். அவர் தொடக்க வீரராக தொடர்ந்து அசத்தி வருகிறார். அவரது அசத்தல் பேட்டிங் இந்த போட்டிக்கும் . அவருடன் டி காக்கும் பேட்டிங்கில் அசத்தினால் லக்னோ அணிக்கு நல்ல ஸ்கோர் கிட்டும். மூன்றாவது வீரராக இறங்கும் தீபக் ஹூடா ரன்களை குவிக்க வேண்டியது அவசியம்.