T20 World Cup 2026: இது தொடக்கம் இல்ல.. முடிவு..! ஓப்பனிங்கிலே குளோஸ் பண்ணும் அபிஷேக் - இஷான் ஜோடி!

T20 WC 2026: இந்திய அணியின் தொடக்க வீரர்கள் நடப்பு டி20 உலகக்கோப்பையில் 6.8 ரன்களே சராசரியாக வைத்துள்ளனர்.

இஷான் கிஷன் - அபிஷேக் சர்மா

Source : twitter

டி20 உலகக்கோப்பையில் இந்திய அணி லீக் போட்டிகளில் அனைத்திலும் அபார வெற்றி பெற்று கம்பீரமாக சூப்பர் 8 சுற்றில் கால் எடுத்துவைத்தது. லீக் போட்டிகளிலே அமெரிக்காவுடன் தடுமாறியது.

தொடக்கம் மோசம்:

சூப்பர் 8 சுற்றில் தென்னாப்பிரிக்காவுடன் இந்திய அணி ஆடிய விதமே இந்திய அணி எந்தளவு மெத்தனமாகவும், மோசமாகவும் ஆடுகிறது என்பதை ரசிகர்களுக்கு படம் போட்டுக் காட்டியது. இந்திய அணியின் பேட்டிங் ஆர்டர் மற்ற அணிகளை காட்டிலும் வலுவாகவே உள்ளது. ஆனால், தென்னாப்பிரிக்க அணிக்கு எதிரான போட்டியில் 100 ரன்களை எட்டுமா? என்ற மோசமான நிலையில் ஆடியது. 

கத்துக்குட்டிகளிடம் கற்றுக்கொள்ளனுமா?

இந்திய அணியின் பேட்டிங் நிலைகுலைவதற்கு முக்கிய காரணம் தொடக்க வீரர்கள் வலுவான அடித்தளத்தை அமைக்காததே ஆகும். இந்திய அணி இந்த டி20 உலகக்கோப்பையில் தான் ஆடிய   அனைத்து போட்டிகளிலும் 2 ஓவர்களுக்குள் முதல் விக்கெட்டை பறிகொடுத்துள்ளது. 

இந்த டி20 உலகக்கோப்பையிலே மிகவும் மோசமான தொடக்க வீரர்கள் பார்ட்னர்ஷிப் வைத்துள்ள அணியாக இந்த உள்ளது.அதாவது, இந்திய அணியின் தொடக்க வீரர்களின் சராசரி ரன்கள் வெறும் 6.3 ஆகும். கத்துக்குட்டி அணிகள் என்று கருதப்படும் ஓமன், ஐக்கிய அரபு அமீரகம், அயர்லாந்து ஆகிய அணிகள் கூட இந்தியாவை விட தொடக்க வீரர்கள் சராசரி அதிக ரன்கள் வைத்துள்ளது.  

மாறுமா?

முதன்முறையாக டி20 உலகக்கோப்பை ஆடிய இத்தாலி அணியின் தொடக்க வீரர்கள் சராசரி 45.66 ஆகும்.  இந்திய அணியின் தொடக்க வீரர்களாக அபிஷேக் சர்மா - இஷான்கிஷன் ஆடி வருகின்றனர். அபிஷேக் சர்மா இந்த உலகக்கோப்பையில் ஆடிய 4 போட்டிகளில் 3 போட்டிகளில் டக் அவுட்டாகியுள்ளார். டி20 உலகக்கோப்பையில் தொடர்ந்து 3 முறை டக் அவுட்டான தொடக்க வீரர் என்ற மோசமான சாதனையையும் அவர் படைத்துள்ளார்.

இஷான் கிஷான் கடந்த போட்டி தவிர லீக் சுற்றில் சிறப்பான ஆட்டத்தையே வெளிப்படுத்தினார். மேலும், இந்திய அணியின் டாப் ஆர்டரில் ஏராளமான இடது கை பேட்ஸ்மேன்கள் இருப்பதும் எதிரணிக்கு சாதகமான ஒன்றாகவே உள்ளது. இடது - வலது காம்போவைத்தான் இந்திய அணி நீண்ட காலமாக பயன்படுத்தி வருகிறது. 

வலது கை பஞ்சம்:

ஆனால், இந்திய அணியில் இஷான் கிஷான், அபிஷேக் சர்மா, திலக் வர்மா, ஷிவம் துபே, ரிங்குசிங் என முக்கிய பேட்ஸ்மேன்கள் இடது கை வீரர்களே ஆவார்கள். ஆல்ரவுண்டர்கள் அக்ஷர் படேல், வாஷிங்டன் சுந்தரும் இடது கை வீரர்களே ஆவார்கள். சாம்சன், சூர்யகுமார் யாதவ், ஹர்திக் பாண்ட்யா மட்டுமே வலதுகை பேட்ஸ்மேன்கள் ஆவார்கள்.

இந்திய அணியின் தொடக்க வீரர்கள் திறமையானவர்கள் என்றாலும் அவர்கள் தங்கள் திறமையை முழுமையாக வெளிப்படுத்தினால் மட்டுமே இந்திய அணியை அரையிறுதிக்கு கொண்டு செல்ல முடியும்.