Watch Video: ‛பீச் வாலிபால்’ விளையாடும் இந்திய கிரிக்கெட் அணி... பிசிசிஐ வெளியிட்ட ‛பிட்னஸ்’ வீடியோ!

1:56 நிமிடங்கள் ஒளிப்பரப்பாகும் அந்த வீடியோவில் குஷியாக இந்திய கிரிக்கெட் அணியினர் பீச் வாலிபல் விளையாடும் காட்சிகள் உளளது. 

கடற்கரையில்_வாலிபால்_விளையாடும்_இந்திய_அணி

அமீரகத்தில் நடந்து வரும் டி20 உலகக் கோப்பை கிரிக்கெட் போட்டியில் பங்கேற்கும் இந்திய அணி, ஐபிஎல் போட்டிக்கு பின்பாக அங்கு தங்கியுள்ளது. முதல் போட்டியில் பாகிஸ்தான் அணியை எதிர்கொண்ட இந்திய அணி படுதோல்வி அடைந்தது. கடுமையான விமர்சனங்களையும், இவரை நீக்க வேண்டும், இவரை சேர்க்க வேண்டும் என்கிற கோரிக்கைகளையும் எதிர்கொண்டுள்ளது. 

இந்நிலையில் நாளை இந்தியா-நியூசிலாந்து அணிகள் மோத உள்ளன. ஒரு வாரத்திற்குப் பின் இந்தியா பங்கேற்கும் இரண்டாவது போட்டியாக அது இருக்கும். ஏற்கனவே பாகிஸ்தானிடம் தோல்வி பெற்ற நிலையில் நியூசிலாந்து அணியும் வெற்றியை நோக்கியுள்ளது. இந்திய அணிக்கு ஏற்கனவே பாகிஸ்தான் அணியுடன் ஏற்பட்ட தோல்வியால் எழுந்த விமர்சனங்கள் காரணமாக, அழுத்தம் அதிகரித்துள்ளது. அடுத்து ஒரு கட்டாய வெற்றியை நோக்கி இந்திய அணி உள்ளது.

இந்நிலையில், தொடர்ந்து விமர்சனங்களை சந்தித்த இந்திய அணியின் மனநிலை எவ்வாறு உள்ளது என்பதை அறிய பலரும் ஆர்வமாக இருந்தனர். இந்நிலையில் தான், பிசிசிஐ ஒரு வீடியோவை வெளியிட்டுள்ளது. அமிரக கடலோரத்தில் இந்தியஅணி வீரர்கள் கூலாக வாலிபால் விளையாடும் காட்சி அது. 1:56 நிமிடங்கள் ஒளிப்பரப்பாகும் அந்த வீடியோவில் குஷியாக இந்திய கிரிக்கெட் அணியினர் வாலிபல் விளையாடும் காட்சிகள் உளளது. 

பீச் விளையாட்டு உடையில்(அரை நிர்வாண உடை தான்) இந்திய அணி வீரர்கள் உற்சாகமாக விளையாடும் அந்த காட்சிகள், இந்திய அணி புத்துணர்ச்சியோடு உள்ளது என்பதை காட்டுவதாகவே உள்ளது. ஓய்வு நேரத்தில் எடுக்கப்பட்ட அந்த வீடியோவில் ஒட்டுமொத்த அணியும் ஜாலியாக விளையாடி மகிழ்கின்றனர். 

 

A game of beach volleyball as #TeamIndia unwinds in their day off! 👍 👌#T20WorldCup pic.twitter.com/3JXOL17Rr3

— BCCI (@BCCI) October 29, 2021

வீடியோவில் உள்ள ஒவ்வொரு வீரரின் உடல் அமைப்பைப் புகழ்ந்து அவர்களின் ரசிகர்கள் அதில் கமெண்ட் செய்து வருகின்றனர். இதனால் ஒட்டுமொத்த இந்திய அணியின் கிரிக்கெட் வீரர்களின் ரசிகர்கள் ஒரே இடத்தில் தங்கள் கமெண்டுகளை பகிரும் சூழல் உருவாகியுள்ளது. இருந்தாலும் அது ஆரோக்கியமாகவே உள்ளது. சிலர், ‛கிரிக்கெட் விளையாடாமல் வாலிபால் விளையாடி எப்படி ஜெயிப்பீங்க...’ என கிண்டல் செய்யாமலும்இல்லை. எது எப்படியோ புத்துணர்ச்சியோடு இந்திய அணி நியூசியை தூசியாக்க வேண்டும் என்கிற எதிர்பார்ப்பு தான் ஒட்டுமொத்த இந்திய ரசிகர்களிடம் உள்ளது. 

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

 

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடிபில் வீடியோக்களை காண