Ind vs Nz, 1st Test: பூனையுடன் கோலி பகிர்ந்த க்யூட் புகைப்படங்கள், ”ஹலோ” சொன்ன அனுஷ்கா!
முதல் டெஸ்ட் போட்டியில் விராட் கோலிக்கு ஓய்வு அளிக்கப்பட்டு, ரஹானே கேப்டனாக செயல்படுவார் என பிசிசிஐ அறிவித்தது.
இந்தியாவில் சுற்றுப்பயணம் மேற்கொண்டிருக்கும் நியூசிலாந்து அணி, 3 டி20 போட்டிகள் மற்றும் 2 டெஸ்ட் போட்டிகள் கொண்ட தொடர்களில் விளையாட உள்ளது. இதில், 3 டி20 போட்டிகளையும் வென்று இந்திய அணி டி20 தொடரை கைப்பற்றியது. இந்நிலையில் நவம்பர் 25-ம் தேதி தொடங்க இருக்கும் டெஸ்ட் போட்டிக்கான பயிற்சியில் இரு அணிகளும் ஈடுபட்டு வருகின்றன.
மும்பை பிரபோர்ன் கிரிக்கெட் மைதானத்தில் இரு அணிகளும் பயிற்சி மேற்கொண்டு வருகின்றன. இந்நிலையில், விராட் கோலி தனது ட்விட்டர் பக்கத்தில் இரண்டு க்யூட் புகைப்படங்களை பகிர்ந்திருக்கிறார். பயிற்சி மேற்கொண்டிருந்தபோது மைதானத்திற்குள் புகுந்த பூனை ஒன்று, கோலியுடன் விளையாடியுள்ளது. பூனை தூக்கி மடியில் வைத்து கொண்ட கோலி, “பயிற்சியின்போது வந்த பூனையிடம் இருந்து அனைவருக்கும் ஒரு ஹலோ” என பதிவிட்டுள்ளார். விராட்டின் இந்த க்யூட் புகைப்படங்களுக்கு கிரிக்கெட் ரசிகர்களை ஹார்ட்களைப் பறக்க விட்டுள்ளனர். அதுமட்டுமின்றி, விராட் மனைவியும், நடிகையுமான அனுஷ்கா ஷர்மா, “ஹலோ பூனை” என செய்த கமெண்ட்டும் லைக்ஸ்கள் அள்ளின.
A quick hello from a cool cat at practice 😺 pic.twitter.com/0qeW9biUqo
— Virat Kohli (@imVkohli) November 23, 2021
முன்னதாக, முதல் டெஸ்ட் போட்டியில் விராட் கோலிக்கு ஓய்வு அளிக்கப்பட்டு, ரஹானே கேப்டனாக செயல்படுவார் என பிசிசிஐ அறிவித்தது. இந்நிலையில், தொடை பகுதியில் ஏற்பட்டுள்ள காயம் காரணமாக டெஸ்ட் தொடரில் இருந்து கே.எல் ராகுல் விலகியுள்ளதாக பிசிசிஐ தரப்பில் இன்று தெரிவிக்கப்பட்டது. இதனால் நியூசிலாந்துக்கு எதிரான முதல் டெஸ்ட் போட்டியில், விராட் கோலி, ரோஹித் ஷர்மா, ராகுல், ரிஷப் பண்ட் ஆகியோர் பங்கேற்க மாட்டார்கள் என்பது குறிப்பிடத்தக்கது. மேலும், டெஸ்ட் தொடரில் ராகுலுக்கு பதிலாக சூர்யகுமார் யாதவ் அணியின் சேர்க்கப்பட்டுள்ளதாக பிசிசிஐ அறிவித்துள்ளது.
முதல் டெஸ்ட் போட்டிக்கான இந்திய அணி விவரம்:
அஜிங்கே ரஹானே (கேப்டன்), புஜாரா (துணை கேப்டன் ), சூர்யகுமார் யாதவ், மயங்க் அகர்வால், சுப்மன் கில், ஸ்ரேயஸ் ஐயர், விருத்திமான் சஹா, கே.எஸ்.பரத், ஜடேஜா, ரவி அஸ்வின், அக்சர் பட்டேல், ஜெயந்த் யாதவ், இஷாந்த் சர்மா, உமேஷ் யாதவ், சிராஜ், பிரசாத் கிருஷ்ணா ஆகியோருக்கு அணியில் இடம் வழங்கப்பட்டுள்ளது.
மேலும் இன்றைய முக்கியச் செய்திகள்...
ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
