India vs South Korea Hockey LIVE: இந்தியா வெற்றி; அரையிறுதிக்குள் முதல் அணியாக நுழைந்தது..!
India vs South Korea Hockey LIVE Score Updates: ஹாக்கி ரசிகர்களால் பெரிதும் எதிர்பார்க்கப்பட்ட ஆசிய சாம்பியன்ஸ் கோப்பை ஹாக்கி தொடர் குறித்த லைவ் அப்டேட்டுகளை ஏபிபி தளத்தில் காணலாம்.
நடப்புச் சாம்பியன் சௌத் கொரியாவை வீழ்த்தி அரையிறுதிக்குள் முதல் அணியாக இந்திய அணி நுழைந்துள்ளது.
இந்திய அணி 4 போட்டிகளில் விளையாடி, மூன்றில் வெற்றி ஒரு போட்டியில் டிரா என மொத்தம் 10 புள்ளிகளுடன் புள்ளிப்பட்டியலில் முதல் இடத்தில் உள்ளது.
இந்திய அணி கொரிய அணியை 3-2 என்ற கணக்கில் வென்றது. இந்த வெற்றியின் மூலம் இந்த சீசனில் தோல்வியைச் சந்திக்காத அணி என்ற பெருமையுடன் உள்ளது.
சௌவுத் கொரியா அணியின் ஜூகன் யாங் போட்டியின் கடைசி மூன்று நிமிடங்கள் இருக்கும்போது, கொரிய அணிக்கான இரண்டாவது கோலை பதிவு செய்தார்.
இந்திய அணியின் மந்தீப் சிங் மற்றும் சுக்ஜித் அடுத்தடுத்து அடித்த ஷாட்களை மிகச் சிறப்பாக தடுத்து அனைவரது கைத்தட்டல்களையும் பெற்றுள்ளார், கொரிய அணியின் கோல் கீப்பர் ஜேஹியோன் கிம்.
இந்திய அணிக்கான 4வது கோலை கொரிய அணி போராடி தடுத்துள்ளது.
இந்தியா மற்றும் சௌத் கொரியா அணிகளுக்கு இடையிலான போட்டியின் 4வது சுற்று மிகவும் விறுவிறுப்பாக தொடங்கியுள்ளது.
கொரியா அணி தனக்கு கிடைத்த பெனால்டி கார்னர் வாய்ப்பை தவறவிட்டுள்ளது.
மூன்றாவது சுற்று தொடங்கிய சிறுது நேரத்திலேயே இந்திய அணியின் மந்தீப் சிங் இந்திய அணிக்கான கோலை அடித்து அசத்தியுள்ளார். இதன் மூலம் இந்திய அணி 3-1 என்ற கணக்கில் முன்னிலை வகிக்கிறது.
மூன்றாவது சுற்று தொடங்கியதும் இந்திய அணி தனது மூன்றாவது கோலை பதிவு செய்துள்ளது.
இரண்டாவது சுற்று முடிவில் இந்திய அணி 2-1 என்ற கணக்கில் முன்னிலை வகிக்கிறது.
பாதி ஆட்டம் முடிந்த நிலையில் இந்திய அணி 2-1 என்ற கோல் கணக்கில் முன்னிலை வகிக்கிறது. இந்த போட்டியில் யார் வெற்றி பெறுவார் என்ற ஆவல் எழுந்துள்ளது.
இரண்டாம் சுற்றின் முடிவில் இந்திய அணி 2 கோல்களும் கொரிய அணி ஒரு கோலும் அடித்துள்ளது.
இந்திய அணிக்கு கிடைத்த பெனால்டி கார்னர் வாய்ப்பை ஹர்மன்ப்ரீத் சிறப்பாக பயன்படுத்தி இந்திய அணிக்கான இரண்டாவது கோலை பெற்றுத்தந்துள்ளார்.
இந்திய அணி தற்போது வரை 2 கோல்கள் அடித்து முன்னிலை வகிக்கிறது. சௌத் கொரிய அணி ஒரு கோல் அடித்துள்ளது.
இந்திய அணியின் ஹர்மன்ப்ரீத் இந்திய அணிக்கான இரண்டாவது கோலை அடித்து அசத்தினார்.
இரண்டாவது சுற்று தொடங்கியது முதல் இந்திய அணி தொடர்ந்து ஆதிக்கம் செலுத்தி வருகிறது. கொரிய அணி வீரர்கள் தொடர்ந்து போராடி வருகின்றனர்.
இந்தியா சௌத் கொரியா அணிகளுக்கு இடையிலான போட்டியின் இரண்டாவது சுற்று தொடங்கியது.
இந்த தொடரில் இந்தியா மற்றும் சௌத் கொரியா அணிகள்தான் இதுவரை தோல்வியே சந்திக்காத அணிகள் என்ற பெருமையுடன் வலம் வருகின்றது.
முதல் சுற்றின் 12வது நிமிடத்தில் சௌத் கொரியா அணி தனது முதல் கோலை பதிவு செய்து போட்டியை சமநிலைக்கு கொண்டுவந்துள்ளது.
இந்திய அணிக்கு கிடைத்த மற்றொரு வாய்ப்பை கொரிய அணி தடுத்துள்ளது.
இந்திய அணியின் சுக்ஜித் மற்றும் நீலகண்ட இணைந்து இந்திய அணிக்கான முதல் கோலை எடுத்துள்ளனர். இதனால் இந்திய அணி முதல் சுற்றிலேயே முன்னிலை வகிக்கத் தொடங்குகிறது.
இந்தியா மற்றும் சௌத் கொரியா அணிகளுக்கு இடையிலான போட்டி ராதாகிருஷ்ணன் மைதானத்தில் ரசிகர்களின் ஆரவாரத்துடன் தொடங்கியது.
சௌத் கொரியா அணிக்கு எதிரான போட்டியில் இந்திய அணி வெற்றி பெற்றால், அரையிறுதிக்கு தகுதி பெறும் முதல் அணி என்ற பெருமையைப் பெருவதற்கு அதிக வாய்ப்புகள் உள்ளது.
ஜேஹியோன் கிம், மஞ்சே ஜங், ஜங்ஜுன் லீ, வூ சியோன் ஜி, சியோலியன் பார்க், ஹைஸுங் லீ, சுங்யுன் கிம், சியுங்ஹூன் லீ, ஹியோங்ஜின் கிம், ஜாங்யுன் ஜாங், ஜுயோங் லீ.
இந்தியா: கிரிஷன் பகதூர் பதக், வருண் குமார், ஜர்மன்ப்ரீத் சிங், மன்பிரீத் சிங், ஹர்திக் சிங், குர்ஜந்த் சிங், மன்தீப் சிங், ஹர்மன்பிரீத் சிங், சுமித், ஷம்ஷேர் சிங், ஆகாஷ்தீப் சிங்
சீனாவுக்கு எதிரான போட்டியில் பாகிஸ்தான் அணி 2-1 என்ற கணக்கில் வெற்றி பெற்று, புள்ளிப்பட்டியலில் 4வது இடத்திற்கு முன்னேறியுள்ளது. இந்த தொடரில் பாகிஸ்தான் அணி பெற்ற முதல் வெற்றி இதுவாகும்.
பாகிஸ்தான் மற்றும் சீனா அணிகளுக்கு இடையிலான போட்டியின் மூன்றாவது சுற்று முடிவடைந்துள்ளது. இதில் பாகிஸ்தான் அணி 2 கோல்களும் சீனா ஒரு கோலும் எடுத்து வெற்றிக்காக போராடி வருகின்றன.
போட்டியின் 39வது நிமிடத்தில் பாகிஸ்தான் அணி மற்றொரு கோலை அடித்து, தற்போது முன்னிலை வகிக்கிறது.
பாகிஸ்தான் அணி வீரர் ஆதிஷம் அஸ்லம் ஏற்கனவே மஞ்சள் அட்டை வாங்கியதால் அந்த அணி அவுட் ஃபீல்டில் 9 பேர் மட்டுமே இருக்க முடியும் எனும் நிலையில் இருந்தது. இந்நிலையில், அப்துல் ரகுமானுக்கு கீரீன் அட்டை வழங்கப்பட்டுள்ளதால், தற்போது 8 வீரர்கள் மட்டுதான் அவுட் ஃபீல்டில் இருப்பார்கள்.
பாகிஸ்தான் மற்றும் சீனா அணிகளுக்கு இடையிலான போட்டியின் பாதி ஆட்டம் முடிந்தது. அதில் பாகிஸ்தான் அணி ஒரு கோல் அடித்தும், சீனா இன்னும் கோல் எதுவும் கோல் அடிக்காமல் உள்ளது.
போட்டியின் இரண்டாவது சுற்றில் பாகிஸ்தான் அணி முற்றிலும் ஆக்ரோசமான ஆட்டத்தினை வெளிப்படுத்திவருகிறது.
பாகிஸ்தான் அணிக்காக மற்றொமொரு கோல் அடிக்கும் வாய்ப்பினை போட்டியின் 23வது நிமிடத்தில் நூழிலையில் முகமது கான் தவறவிட்டார்.
பாகிஸ்தான் அணிக்காக கோல் அடித்துவிட்டு கிரிக்கெர் வீரர் அஃப்ரிடியைப் போல் தனது இரண்டு கரங்களையும் மேலே உயர்த்தி தனது மகிழ்ச்சியை முகமது கான் வெளிப்படுத்தினார்.
போட்டியின் 19வது நிமிடத்தில் பாகிஸ்தான் அணியின் முகமது கான் தனது அணிக்கான முதல் கோலை அடித்துள்ளார்.
இரண்டாவது சுற்றின் தொடக்கத்தில் கிடைத்த மற்றொரு பெனால்டி கார்னர் வாய்ப்பையும் பாகிஸ்தான் அணி தவறவிட்டுள்ளது.
சீனா மற்றும் பாகிஸ்தான் அணிகளுக்கு இடையிலான போட்டியின் இரண்டாவது சுற்று தொடங்கியது.
முதல் சுற்று முடிவில் இரு அணிகளும் கோல் எதுவும் எடுக்காமல் சமநிலையில் உள்ளனர்.
போட்டியின் 9வது நிமிடத்தில் தனக்கு கிடைத்த மற்றொரு பெனால்டி வாய்ப்பை பாகிஸ்தான் அணி வீணடித்தது.
போட்டியின் 4வது நிமிடத்தில் பெனால்டி கார்னர் மூலம் கோல் அடிக்கும் வாய்ப்பினை பாகிஸ்தான் அணி வீணடித்தது.
பாகிஸ்தான்: அக்மல் ஹுசைன், அஹ்திஷாம் அஸ்லாம், அகில் அகமது, அர்ஷத் லியாகத், அப்துல் ரானா, அப்துல் ஷாஹித், பஷீர் உசாமா, அப்துல் ரஹ்மான், ஜிகிரியா ஹயாத், உமர் பூட்டா (கேப்டன்), முஹம்மது கான்
சீனா: காய்யு வாங், கிஜுன் சென், செங்ஃபு சென், ஜிஷெங் காவ், வென்ஹுய் இ, சோங்காங் சென், ஜிக்சியாங் குவோ, ஷிஹாவோ டு, சாங்லியாங் லின் (கேப்டன்), லீ மெங், ஆவோ வெய்பாவோ
ஜப்பான் அணிக்கு எதிரான போட்டியை மலேசியா அணி 3-1 என்ற கணக்கில் வென்றுள்ளது.
போட்டியின் தொடக்கம் முதல் போராடிக்கொண்டு இருந்த ஜப்பான் அணி போட்டியின் 59வது நிமிடத்தில் கோல் அடித்து ஆறுதல் சேர்த்துக்கொண்டது.
மலேசியா அணி தனது மூன்றாவது கோலை 59வது நிமிடத்தில் அடித்தது.
இன்று நடக்கவுள்ள ஹாக்கி போட்டியைக் காண தெப்பக்காடு யானைகள் முகாமில் உள்ள பராமாரிப்பாளர்களான ஆஸ்கார் புகழ் பொம்மன் மற்றும் பெல்லி ராதாகிருஷ்ணன் மைதானத்திற்கு வந்துள்ளனர்.
மூன்றாவது சுற்று முடிவில் மலேசிய அணி 2 கோல்கள் அடித்தும், ஜப்பான் அணி ஒரு கோல் கூட அடிக்காமலும் உள்ளது. இதனால் இந்த போட்டியில் மலேசிய அணி கிட்டத்தட்ட தனது வெற்றியை உறுதி செய்துள்ளது.
மலேசியா அணிக்கான இரண்டாவது கோலை அஸ்ரன் ஹம்சனி அடித்து அசத்தியுள்ளார்.
போட்டியின் 37வது நிமிடத்தில் மலேசிய அணி மீண்டும் ஒரு கோலை அடித்து கிட்டத்தட்ட தனது வெற்றியை உறுதி செய்துள்ளது.
ஜப்பான் அணி தனக்கு கிடைத்த மற்றொரு பெனால்டி கார்னர் வாய்ப்பினை தவறவிட்டு போட்டியில் தொடர்ந்து சொதப்பி வருகின்றது.
ஜப்பான் அணி வீரரிடம் சண்டைக்குச் சென்ற மலேசிய அணியின் அஸ்கான் அசனுக்கு களநடுவர் மஞ்சள் கார்டு வழங்கியுள்ளார்.
போட்டியின் முதல் 30 நிமிடங்கள் முடிந்துள்ளது. அதில் மலேசியா அணியின் கரங்கள்தான் ஓங்கியுள்ளது. மலேசியா அணி ஒரு கோல் அடித்தும், ஜப்பான் அணி கோல் கணக்கை துவக்காமலும் உள்ளனர்.
இரண்டாவது சுற்றில் ஜப்பான் அணி தனக்கு கிடைத்த பெனால்டி கார்னரில் கோல் அடிக்கும் வாய்ப்பை தவறவிட்டுள்ளது. இதனால், ஜப்பான் அணி போட்டியை சமன் செய்யும் வாய்ப்பை தவறவிட்டுள்ளது.
போட்டியின் 22வது நிமிடத்தில் பெனால்டி கார்னரில் இருந்து கோல் அடிக்கும் வாய்ப்பு மலேசிய அணிக்கு வாய்ப்பு கிடைத்தது. ஆனால், இம்முறை ஜப்பான் அணி வீரர்கள் மலேசியாவுக்கான இன்னொரு கோலை முறியடித்துள்ளனர்.
ஜப்பான் அணி வீரர் ஒருவர் கோல் போட முயற்சி செய்ய அதனை மலேசிய அணியின் வீரர்கள் எளிதாக தடுத்து விட்டனர். இந்த சீசனின் மிகவும் பலமான அணியாக மலேசியா உள்ளது.
போட்டியின் இரண்டாவது சுற்றின் 20வது நிமிடத்தில் மலேசிய அணியின் அமிருல் கோல் போட முயற்சிக்க, அதனை ஜப்பான் அணி வீரர்கள் போராடி தடுத்தனர்.
முதல் சுற்றின் முடிவில் மலேசியா அணி ஒரு கோல் உடன் முன்னிலை வகிக்கிறது. ஜப்பான் அணி இந்த போட்டியில் கட்டாயம் வென்றாகவேண்டிய நெருக்கடியில் உள்ளது.
போட்டியின் முதல்சுற்றின் 12வது நிமிடத்தில் மலேசியா அணி தனது முதல் கோலை பதிவு செய்துள்ளது.
Background
இந்தியாவில் நடைபெறும் போட்டிகளில் தற்போது பாகிஸ்தான் அணி கலந்துகொண்டு விளையாடி வருகிறது. முன்னதாக, சென்னையில் நடைபெற்று வரும் ஆசியன் ஹாக்கி சாம்பியன்ஷிப் டிராபிக்காக பாகிஸ்தான் ஹாக்கி அணி அந்நாட்டு அமைச்சகத்திடம் அனுமதி பெற்று விளையாடி வருகிறது. அதேபோல், இந்தியாவில் வருகின்ற அக்டோபர் மாதம் தொடங்கும் ஒருநாள் உலகக் கோப்பையில் விளையாட பாகிஸ்தான் கிரிக்கெட் அணியும் அனுமதி வாங்கிவிட்டது.
ஆசிய சாம்பியன்ஸ் டிராபியில் பங்கேற்க பாகிஸ்தான் ஆண்கள் தேசிய ஹாக்கி அணிக்கு NOC (ஆட்சேபனை இல்லை) வழங்கப்பட்டது. இருப்பினும், பாகிஸ்தான் ஹாக்கி அணியில் இன்னும் மூன்று பேர் இன்னும் NOC களைப் பெறவில்லை மற்றும் அவர்களின் ஒப்புதலுக்காக காத்திருந்ததாகவும் கூறப்பட்டது. இதன் காரணமாக, பாகிஸ்தானில் இருந்து இந்தியா வந்த ஹாக்கி அணி, பிசியோ இல்லாமல் வந்துள்ளது. அப்போது, ராஜ்கமல் என்ற பிசியோவை பாகிஸ்தான் அணி கடைசி நிமிடத்தில் தேடி கண்டுபிடித்து தங்கள் அணியுடன் இணைத்து கொண்டது.
இதுகுறித்து இந்தியன் பிசியோ ராஜ்கமல் தெரிவிக்கையில், “பாகிஸ்தான் அணியின் முதல் போட்டிக்கு ஒரு நாள் முன்பு அவர்கள் என்னுடன் தொடர்பு கொண்டனர். இருப்பினும், எந்தவொரு பாகுபாடின்றி ஏற்று கொண்டேன். எங்களுக்குள் இதுவரை மொழி பெரியளவில் தடையாக இல்லை. நான் அவர்களுடன் ஆங்கிலத்தில் பேசுகிறேன், நாங்கள் ஒருவருக்கொருவர் மொழிபெயர்த்து தொடர்பு கொள்கிறோம். நான் எப்பொழுதும் இந்தியனாகவே இருப்பேன், ஆனால் போட்டியின் நாளில், எந்த காயமும் இல்லாமல் ஆட்டத்தில் விளையாட வேண்டும் என பாகிஸ்தான் வீரர்களைப் பற்றி மட்டுமே நான் நினைக்கிறேன்.
ஒரு பிசியோவாக, நீங்கள் குழப்பமான காயங்களுக்கு தயாராக இருக்க வேண்டும், மோதல்கள் மூலம் எலும்பு முறிவுகள் ஏற்பட வாய்ப்புண்டு. அதனால், எதற்கு தயாராக இருக்க வேண்டும்” என்றார்.
பாகிஸ்தான் அணியின் தலைமை பயிற்சியாளர் ஷானாஸ் ஷேக் இல்லாத நிலையில், துணை பயிற்சியாளர் முஹம்மது சக்லைன், ராஜ்கமலை பற்றி பேசினார். அப்போது அவர், ராஜ்கமல் தற்போது எங்களுக்கு கடவுள் மாதிரி. எங்கள் அணிக்காக எந்தவித பாகுப்பாடும் இன்றி சிறப்பாக செயல்படுகிறார். இவர் ஒரு உலகத் தரம் வாய்ந்தவர்” என்றார்.
யார் இந்த ராஜ்கமல்..?
சென்னையைச் சேர்ந்த ராஜ்கமல், 2016 ஆம் ஆண்டு முதல் ஸ்போர்ட்ஸ் பிசியோவாக பணியை தொடங்கினார். தற்போது, தமிழ்நாடு பிரீமியர் லீக் கிரிக்கெட் அணியான நெல்லை ராயல் கிங்ஸ் அணிக்காக ராஜ்கமல் கடந்த மூன்று சீசன்களில் பணியாற்றியுள்ளார்.
கிரிக்கெட், ஹாக்கியை தவிர இவர், ஸ்குவாஷ் மற்றும் குத்துச்சண்டை வீரர்களுக்கும் பிசியோவாக இருந்துள்ளார்.
ஆசியன் ஹாக்கி சாம்பியன்ஷிப் போட்டியில் பாகிஸ்தான் அணி இதுவரை 3 போட்டிகளில் விளையாடி, 2 டிரா, ஒரு தோல்வியுடன் புள்ளி பட்டியலில் 5வது இடத்தில் உள்ளது. இந்தியா மற்றும் பாகிஸ்தான் அணிகளுக்கு இடையே ஒரு போட்டியும் நடைபெற உள்ளது. இந்த போட்டி ஆகஸ்ட் 9ம் தேதி நடக்கிறது.
- - - - - - - - - Advertisement - - - - - - - - -