பாட புத்தகத்தில் ஓமந்தூர் ராமசாமி பாடம் இடம்பெற வேண்டும் - மருத்துவர் ராமதாஸ்
பாட புத்தகத்தில் ஓமந்தூர் ராமசாமி அவர்களின் பாடம் இடம்பெற வேண்டும்- மருத்துவர் ராமதாஸ்
தமிழ்நாடு முன்னாள் முதல்வர் ஓமந்தூர் ராமசாமி அவர்ளின் 128வது பிறந்தநாளை முன்னிட்டு அவரது திரு உருவ சிலைக்கு பாமக நிறுவனர் மருத்துவர் ராமதாஸ் மாலை அனிவித்து மறியாதை, தமிழ்நாடு முன்னாள் முதல்வர் ஓமந்தூர் ராமசாமி அவர்களின் 128வது பிறந்தநாளை முன்னிட்டு விழுப்புரம் மாவட்டம் திண்டிவனம் அடுத்த ஓமந்தூரில் அமைந்துள்ள ஓமந்தூர் ராமசாமி அவர்களின் மனி மண்டபத்தில் அவரது திருவுருவ சிலைக்கு பாட்டாளி மக்கள் கட்சி நிறுவனர் மருத்துவர் ராமதாஸ் மாலை அனிவித்து மறியாதை செலுத்தினார்.
அதனை தொடர்ந்து செய்தியாளர்களிடம் பேசிய மருத்துவர்.ராமதாஸ்:
உத்தமர் என்ற சொல்லுக்கு உரியவர் முன்னாள் முதலவர் ராமராமி அவர்கள். தமிழ்நாட்டில் 1948 தொடங்கி 1971 வரை முழு மதுவிலக்கை கொண்டு வந்தவர் முன்னாள் முதல்வர் ஒமந்தூர் ராமசாமி அவர்கள். மிகவும் எளிமையானவர். ஐதராபாத் சமஸ்தானத்தை இந்தியாவுடன் இனைக்க பட்டேலுடன் இனைந்து செயல்பட்டவர். பாட புத்தகத்தில் ராமசாமி அவர்களின் பாடம் இடம்பெற வேண்டும். ராமசாமி அவர்களுக்கு நூற்றாண்டு விழா எடுத்தது நான் தான். விழுப்புரம் மாவட்டம் ஒமந்தூரில் பிறந்து வளர்ந்துள்ளார் என்பது நமக்கெல்லாம் பெருமை.
ஓமந்தூர் பி.ராமசாமி ரெட்டியார் நினைவாக தபால் தலை:
திண்டிவனம் வட்டம், ஓமந்தூர் கிராமத்தில் 1895ஆம் ஆண்டு பிறந்த ஓமந்தூர் பி.ராமசாமி ரெட்டியார் அவர்கள் சட்டம் பயின்று இளம் வயதிலேயே சுதந்திரப் போராட்டத்தில் ஈடுபட்டார். சுதந்திர இந்தியாவின் சென்னை மாகாணத்தின் முதல் முதலமைச்சராக 1947 முதல் 1949 வரை பதவி வகித்தார். விவசாயிகள் மற்றும் ஏழை, எளியோர் முன்னேற்றத்திற்காக சிந்தித்து உழைப்பு, நேர்மை, கண்டிப்பு கட்டுப்பாடு, விவசாயத்தில் ஆர்வம், சிக்கனம், சன்மார்க்கம், நீதி தவறாமை ஆகிய குறிக்கோளுடன் ஆட்சி நடத்தியவர் சட்டத்திற்கு முன் அனைவரும் சமம் என கருதியவர். எதையும் வெளிப்படையாகப் பேசும் துணிச்சல் மிக்கவர், சிறந்த எழுத்தாளர், சமூக சேவகர், நேர்மையும் துணிச்சலும் மிக்க கறைபடாத அரசியல்வாதியாகப் போற்றப்படும் இவர் 1970-ம் ஆண்டில் தனது 75-வது வயதில் காலமானார். தமிழக அரசு இவரது நினைவாக சொந்த ஊரான ஓமந்தூரில் மணிமண்டபம் அமைத்துள்ளது. தமிழ்நாடு அரசு அன்னாரது நினைவாக தபால் தலையும் வெளியிட்டுள்ளது.
என்ன செய்ய வேண்டும்?
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
