மறைந்த நகைச்சுவை நடிகர் தீப்பெட்டி கணேசன் உடலுக்கு உதயநிதி ஸ்டாலின் நேரில் அஞ்சலி..

உடல்நலக்குறைவால் மதுரை அரசு மருத்துவமனையில் அனுமதிக்கப்பட்டிருந்த நிலையில் சிகிச்சை பலனின்றி பிரபல நடிகர் கணேசன் இன்று உயிரிழந்தார்.

தீப்பெட்டி கணேசன்

மறைந்த பிரபல நகைச்சுவை நடிகர் தீப்பெட்டி கணேசன் உடலுக்கு திமுக இளைஞரணி செயலாளர் உதயநிதி ஸ்டாலின் நேரில் சென்று அஞ்சலி செலுத்தினார்.

'ரேணிகுண்டா' படத்தின் மூலம் அறிமுகமானவர் நடிகர் கார்த்திக் என்ற தீப்பெட்டி கணேசன். இதையடுத்து, அஜித்துடன் 'பில்லா 2', விஜய் சேதுபதியுடன் 'தென்மேற்கு பருவக்காற்று',  'நீர்ப்பறவை', 'ராஜபாட்டை' உள்ளிட்ட படங்களில் நடித்தார். அதன்பிறகு, சினிமாவில் தலைகாட்டாத இவர், தான் வறுமையில் இருப்பதாக கூறி வீடியோ ஒன்றை வெளியிட்டார்.

மதுரையை பூர்வீகமாக கொண்ட இவருக்கு, சமீபத்தில் உடல்நலக்குறைவு ஏற்பட்டு மதுரை அரசு மருத்துவமனையில் சிகிச்சை பெற்று வந்த நிலையில், சிகிச்சை பலனின்றி அவர் இன்று உயிரிழந்தார். இதையடுத்து, அவரது மறைவுக்கு தமிழ் திரையுலகினர் இரங்கல் தெரிவித்து வருகின்றனர். 

இந்நிலையில், தீப்பெட்டி கணேசன் உடலுக்கு திமுக இளைஞரணிச் செயலாளர் உதயநிதி ஸ்டாலின் நேரில் அஞ்சலி செலுத்தினார்.