உத்தரகாண்ட்: விபத்தில் சிக்கிய ஹெலிகாப்டர் - பயணித்த 6 பேரும் உயிரிழந்த சோகம்!

இறந்தோரின் சடலங்கள் கண்டெடுக்கப்பட்ட நிலையில் விபத்துக்கான காரணம் குறித்து விசாரணை

Written By : விவேக் தங்கராஜ் | Updated at : 30 Oct 2026 06:22 PM (IST)

விபத்தில் சிக்கிய ஹெலிகாப்டர் - பயணித்த 6 பேரும் உயிரிழந்த சோகம்!

Source : abp nadu

விபத்தில் சிக்கிய ஹெலிகாப்டர்

உத்தரகாண்ட் மாநிலம் பத்ரிநாத்தில் இருந்து டேராடூன் நோக்கிச் சென்ற ஹெலிகாப்டர் விபத்துக்குள்ளானது. இதில் 5 பயணிகள் மற்றும் ஒரு விமானி உட்பட மொத்தமாக 6 பேர் பயணித்துள்ளனர். டிரான்ஸ் பாரத் ஏவியேஷன் நிறுவனத்திற்கு சொந்தமான இந்த ஹெலிகாப்டர் சமோலி மாவட்டத்தில் உள்ள ஜோஷிமத் அருகே சென்றபோது தொடர்பு துண்டிக்கப்பட்டு மாயமானது.

6 பேரும் உயிரிழப்பு

ஹெலிகாப்டர் மாயமான சுற்றுவட்டாரப் பகுதிகளில் ஹெலிகாப்டரில் காவல்துறை, மாநில பேரிடர் மீட்புப் படை மற்றும் ராணுவத்தின் கூட்டுக் குழுக்கள் நடத்திய தீவிர மீட்புப் பணியில் விபத்துக்குள்ளான ஹெலிகாப்டர் கண்டறியப்பட்ட நிலையில், பயணித்த ஆறு பேரும் உயிரிழந்ததாகவும் தெரிவிக்கப்பட்டுள்ளது. உத்தரகாண்ட் சிவில் விமானப் போக்குவரத்து மேம்பாட்டு ஆணையத் தகவலின்படி ஹெலிகாப்டரை இயக்கிய விமானி கேப்டன் ஹிமான்ஷு என அடையாளம் காணப்பட்ட நிலையில், ஐந்து பயணிகள் முறையே பிரதாபா, அருண், சங்கர் கௌடா, சுதீர் மற்றும் எச்.எஸ்.நடராஜா ஆகியோர் என தெரியவந்துள்ளது. இறந்தோரின் சடலங்கள் கண்டெடுக்கப்பட்ட நிலையில் விபத்துக்கான காரணம் குறித்து விசாரணை நடைபெற்று வருவதாகவும் தெரிவிக்கப்பட்டுள்ளது.

About the author விவேக் தங்கராஜ்

செய்தி ஊடகத்துறையில் கடந்த 4 ஆண்டுகளாக பணியாற்றி வருபவர். நியூஸ் 7 தமிழ், நியூஸ் ஜே உள்ளிட்ட முன்னணி செய்தி நிறுவனங்களில் sub editor, breaking incharge, rundown incharge ஆக பணியாற்றியுள்ளார். வரலாறு, அரசியல் உள்ளிட்ட செய்திப் பிரிவுகளில் ஆர்வம் கொண்டவர். தற்போது ABP NADU-நிறுவனத்தில் copy editor ஆக பணியாற்றி வருகிறார்.