Union Budget: புதிய நாடாளுமன்றத்தில் முதல் முழு பட்ஜெட் தாக்கல் - தேதியை அறிவித்த மத்திய அரசு

Union Budget 2024-25: ஜூலை 22 முதல் ஆகஸ்ட் 12 வரையிலான நாட்களில் பட்ஜெட் கூட்டத் தொடர் நடைபெறும் என நாடாளுமன்ற விவகாரங்கள் துறை அமைச்சர் கிரண் ரிஜிஜு தெரிவித்துள்ளார்.

மத்திய நிதியமைச்சர் நிர்மலா சீதாராமன்

Source : PTI

மக்களவையில், மத்திய அரசின் பட்ஜெட் ஜூலை 23 ஆம் தேதி தாக்கல் செய்யப்படவுள்ளது.

குடியரசுத் தலைவர் ஒப்புதல்:

இந்த ஆண்டு 18வது மக்களவைக்கான தேர்தல் நடைபெற்றதால், கடந்த பிப்ரவரி மாதத்தில் இடைக்கால பட்ஜெட் மட்டுமே தாக்கல் செய்யப்பட்டது. 

இந்நிலையில், தற்போது தேர்தல் முடிவடைந்த நிலையில், தேசிய ஜனநாயக கூட்டணி  மீண்டும் ஆட்சி அமைத்துள்ளது. இதையடுத்து, முழு ஆண்டுக்கான பட்ஜெட் தாக்கல் செய்யப்படவுள்ளது. 

இந்திய அரசின் பரிந்துரையின் பேரில் குடியரசுத் தலைவர் திரௌபதி முர்மு, ஜூலை 22 முதல் ஆகஸ்ட் 12 வரையிலான பட்ஜெட் கூட்டத்தொடர், 2024க்கு நாடாளுமன்றத்தின் இரு அவைகளையும் கூட்டுவதற்கான முன்மொழிவுக்கு ஒப்புதல் அளித்துள்ளார்.

2024-25 பட்ஜெட்:

இதையடுத்து, 2024-25ஆம் ஆண்டுக்கான மத்திய பட்ஜெட் ஜூலை 23ஆம் தேதி மக்களவையில் தாக்கல் செய்யப்படும் என நாடாளுமன்ற விவகாரங்கள் துறை அமைச்சர் கிரண் ரிஜிஜு தெரிவித்துள்ளார்.

Hon’ble President of India, on the recommendation of Government of India, has approved the proposal for summoning of both the Houses of Parliament for the Budget Session, 2024 from 22nd July, 2024 to 12 August, 2024 (Subject to exigencies of Parliamentary Business). Union Budget,…

— Kiren Rijiju (@KirenRijiju) July 6, 2024

புதிய நாடாளுமன்றத்தில் தாக்கல் செய்யப்படும் முதல்  முழு பட்ஜெட் இதுவாகும். மேலும், மத்திய நிதியமைச்சர் 7வது முறையாக தாக்கல் செய்யப்படும் முழு பட்ஜெட் இதுவாகும்.