ISRO: 9 செயற்கைக்கோள்களுடன் 26-ஆம் தேதி விண்ணில் பாய்கிறது 'பி.எஸ்.எல்.வி. சி-54' ராக்கெட்

இந்திய விண்வெளி ஆராய்ச்சி மையத்தின் (ISRO)பிஎஸ்எல்வி சி-54 (pslv c54 ) ராக்கெட், 9 செயற்கைக்கோள்களுடன் வரும் 26-ஆம் தேதி விண்ணில் பாய உள்ளது.

Written By : குலசேகரன் முனிரத்தினம் | Updated at : 21 Nov 2022 11:02 AM (IST)

pslv c54 rocket takes off on 26 with 9satellites ISRO: 9 செயற்கைக்கோள்களுடன் 26-ஆம் தேதி விண்ணில் பாய்கிறது 'பி.எஸ்.எல்.வி. சி-54' ராக்கெட்

பிஎஸ்எல்வி ராக்கெட் புகைப்படம்

அமெரிக்கா, சீன மற்றும் ரஷ்யா போன்ற நாடுகளுக்கு இணையாக இந்தியாவும், அடுத்தடுத்த வெற்றிகள் மூலம் விண்வெளி ஆராய்ச்சியில் பெரும் வளர்சி கண்டு வருகிறது. அண்மையில், இந்திய விண்வெளி ஆராய்ச்சியில் தனியார் துறை ராக்கெட்களின் தொடக்கத்தைக் குறிக்கும் வகையில், 'பிரரம்ப்' என்ற திட்டத்தின் ஒரு பகுதியாக, விக்ரம்-எஸ் ராக்கெட் வெற்றிகரமாக விண்ணில் செலுத்தப்பட்டது. ஐதராபாத்தை சேர்ந்த 'ஸ்கைரூட் ஏரோஸ்பேஸ்' என்ற நிறுவனம் அந்த ராக்கெட்டை வடிவமைத்தது.

பிஎஸ்எல்வி ராக்கெட்:

தனியார் பங்களிப்பின் முதல் முயற்சியே வெற்றி பெற்ற நிலையில், பிஎஸ்எல்வி சி-54 என்ற ராக்கெட்டை விண்ணில் செலுத்துவதற்கான பணிகளை இந்திய விண்வெளி ஆராய்ச்சி மையம் தொடங்கியுள்ளது. பிஎஸ்எல்வி வகை ராக்கெட்டின் இந்த 56வது பயணம், ஸ்ரீஹரிகோட்டாவில் உள்ள சதீஷ் தவான் ஏவுதளத்தில் இருந்து வரும் 26-ம் தேதி காலை 11.56 மணிக்கு தொடங்க உள்ளது. மொத்தம் நான்கு நிலைகளை கொண்டுள்ள இந்த ராக்கெட்டில், முதல் மற்றும் மூன்றாவது உந்து நிலைகளில் திட எரிபொருளும், இரண்டு மற்றும் நான்காவது நிலைகளில் திரவ உந்துசக்தியும் பயன்படுத்தப்படுகிறது.

HT Live Mint: #ISRO to launch #PSLV-C54 and 8 nano satellites on 26 Novemberhttps://t.co/K78t5Z8gnw
— Dr Jitendra Singh (@DrJitendraSingh) November 21, 2022

செயற்கைகோள்களின் விவரங்கள்:

பிஎஸ்எல்வி சி-54 ராக்கெட் இந்தியாவின் 960 கிலோ எடைகொண்ட, 'ஓசன்சாட்03' என்ற புவியை கண்காணிக்கும் செயற்கைக்கோள் உடன் 8 நானோ செயற்கைகக்கோள்களையும் சுமந்து செல்ல உள்ளது. அவற்றில் அமெரிக்க நாட்டின் ஆஸ்ட்ரோகாஸ்ட்-2 செயற்கைக்கோள்கள் மட்டும் நான்கு அடங்கும். அதோடு, தைபோல்ட் 1, தைபோல்ட் 2 மற்றும் ஆனந்த் ஆகிய செயற்கைக்கோள்களை, இஸ்ரோ மற்றும் பூடானை சேர்ந்த நிறுவனங்கள் இணைந்து தயாரித்துள்ளன. இதோடு, சுவிட்சார்லாந்தின் ஒரு செயற்கைக்கோளும் புவியின் சுற்றுவட்டப்பாதைக்கு அனுப்பப்பட உள்ளது.

கவுண்ட் - டவுன் எப்போது தொடங்கும்?:

பிஎஸ்எல்வி சி-54 ராக்கெட் விண்ணில் செலுத்துவதற்கான கவுண்ட்-டவுன், வரும் 25-ந்தேதி தொடங்க வாய்ப்பு உள்ளதாக இஸ்ரோ விஞ்ஞானிகள் தெரிவித்துள்ளனர்.

About the author குலசேகரன் முனிரத்தினம்

Enthusiastic Journalist Kulasekaran Munirathnam, who has worked in leading news organizations, has 8 years of experience in the media industry. He entered the media industry on his own volition after completing his studies in Mechanical Engineering. He researches and provides accurate and detailed updated news on automobiles, which play a vital role in people's daily commute, financial advice for future savings, and infrastructure for development. In addition, he brings information related to politics and international events to the public through news. He works as an Associate Producer on the ABP NADU Tamil website.