ஒவ்வொரு தமிழனுக்கும் பெருமை சேர்த்துள்ளார் இளையராஜா: இசையமைப்பாளர் தீனா
இசைஞானி இளையராஜாவுக்கு நாடாளுமன்ற நியமன எம்.பி பதவி கிடைத்தது ஒவ்வொரு தமிழனுக்கும் பெருமையாக உள்ளது என இசையமைப்பாளர் தீனா புகழாரம் சூட்டியுள்ளார்.
நாடாளுமன்றத்தின் மாநிலங்களவையில் 12 பேர் நியமன உறுப்பினர்களாக இருக்கின்றனர். பல்வேறு துறைகளில் சாதனை படைத்தவர்களுக்கு மாநிலங்களவை நியமன எம்.பி. பதவி வழங்கப்பட்டு வருகிறது. இந்நிலையில், இசையமைப்பாளர் இளையராஜா, தடகள வீராங்கனை பி.டி.உஷா, வீரேந்திர ஹெக்டே, பிரபல தெலுங்கு திரைப்பட இயக்குநர் ராஜமவுலியின் தந்தை விஜயேந்திர பிரசாத் ஆகியோரை குடியரசுத் தலைவர் ராம்நாத் கோவிந்த் எம்.பிக்களாக நியமித்துள்ளார்.
அரை நூற்றாண்டுகளாக தமிழ் திரையுலகில் இசையமைப்பாளராக பணியாற்றுபவர் இளையராஜா. அவர் பல ஆண்டுகள் தமிழ் திரையுலகின் இசைத்துறையில் அரசாட்சி செய்து வந்தார். அவர் 1000 படங்களுக்கு மேலாக இசையமைத்துள்ளார். 5 முறை தேசிய விருதுகளை வென்றுள்ளார். 79 வயதாகும் இளையராஜாவை இந்திய அரசு 2010 ஆம் ஆண்டு பதம் பூஷன் விருது வழங்கி கவுரவித்தது. அதன் பின் 2018 ஆம் ஆண்டு பத்ம விபூஷன் விருது வழங்கப்பட்டது. தற்போது நியமன எம்.பி.யாக நியமிக்கப்பட்டுள்ளார்.
இசைஞானி இளையராஜா அவர்களுக்கு நாடாளுமன்ற நியமன எம்பி பதவி கிடைத்தது, ஒவ்வொரு தமிழனுக்கும் பெருமை - இசையமைப்பாளர் தீனா பாராட்டுகள். @abpnadu #Ilayaraja #Deena pic.twitter.com/3zRIGNnMeu
— Dheepan M R (@mrdheepan) July 7, 2022
இதனை தொடர்ந்து இளையராஜாவுக்கு சமூக வளையதலங்களில் திரையுலகை சேர்ந்த பிரபலங்கள், அரசியல் கட்சி தலைவர் என பல்வேறு தரப்பினர் தங்களுடைய பாராட்டுகளை தெரிவித்து வருகிறார்கள்.. இந்நிலையில் இசையமைப்பாளர் தீனா தனது பாராட்டுகளை வீடியோ மூலம் தெரிவித்துள்ளார்.
அதில் அவர் கூறியது.. பாசத்திற்கும், அன்பிற்கும் உரிய திரை இசைகலைஞர்களின் மூத்த உறுப்பினருக்கு, நாடாளுமன்ற நியமன எம்.பி பதவி வழங்கபட்டுள்ளது, இது ஒவ்வொரு தமிழனுக்கும் கிடைத்த வெற்றி ஆகும். மேலும் பண்ணையபுரம் என்ற சிறிய கிராமத்தில் ஏழ்மையான குடும்பத்தில் இருந்து வந்து திரையுலகில் பல்வேறு சாதனைகளை புரிந்தவருக்கு எம்.பி. பதவி கிடைத்தது மகிழ்ச்சியாக உள்ளது. இளையராஜா அவர்களை ஒவ்வொரு முறையும் நான் பார்க்கும் போது கடவுளை பார்பதை போல் இருக்கும் என்றார்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
Before You Go
CV Shanmugam Next Move | பதவி கொடுக்காத EPS அப்செட்டில் சி.வி.சண்முகம் அடுத்தது என்ன?
தலைப்பு செய்திகள்
ட்ரெண்டிங் செய்திகள்
