G20 Summit: இனி ஜி21?- ஜி20 நாடுகளின் கூட்டமைப்பில் இணைந்த ஆப்பிரிக்க ஒன்றியம்- என்ன பலன்?
ஜி 20 நாடுகளின் கூட்டமைப்பில் ஆப்பிரிக்க ஒன்றியம் இன்று அதிகாரப்பூர்வமாக இணைக்கப்பட்டது.
ஜி 20 நாடுகளின் கூட்டமைப்பில் ஆப்பிரிக்க ஒன்றியம் இன்று அதிகாரப்பூர்வமாக இணைக்கப்பட்டது. 55 நாடுகளைக் கொண்ட ஆப்பிரிக்க ஒன்றியம் இணைக்கப்பட்டதன் மூலம் ஜி 20 நாடுகளின் கூட்டமைப்பு மேலும் வலுவடைந்துள்ளது.
ஒரே பூமி ஒரே குடும்பம் ஒரே எதிர்காலம்
டெல்லியில் உள்ள பிரகதி மைதானம், பாரத் மண்டபத்தில் ஜி20 கூட்டமைப்பின் 18ஆவது மாநாடு தொடங்கியது. ஒரே பூமி ஒரே குடும்பம் ஒரே எதிர்காலம் (One Earth, One Family, One Future) என்ற கருப்பொருளுடன் மாநாடு நடைபெற்று வருகிறது. இதில் அமெரிக்கா, கனடா, ஜெர்மனி மற்றும் இங்கிலாந்து உள்ளிட்ட 20 உறுப்பு நாடுகள் மற்றும் 20 அழைப்பு நாடுகள் என மொத்தம் 40 நாடுகளின் முக்கியத் தலைவர்கள் கலந்து கொண்டுள்ளனர்.
குறிப்பாக அமெரிக்க அதிபர் ஜோ பைடன், கனடா பிரதமர் ஜஸ்டின் ட்ரூடோ, இங்கிலாந்து பிரதமர் ரிஷி சுனக், ஜப்பான் பிரதமர் புமியோ கிஷிடா, ஆஸ்திரேலிய பிரதமர் ஆண்டனி அல்பானீஸ், தென் கொரிய அதிபர் யூன் சுக்-யோல், ஜெர்மனி அதிபர் ஓலாஃப் ஸ்கோல்ஸ், பிரான்ஸ் அதிபர் இம்மானுவேல் மேக்ரோன், தென்னாப்பிரிக்க அதிபர் சிரில் ராமபோசா, துருக்கிய அதிபர் தையிப் எர்டோகன், அர்ஜென்டினா அதிபர் ஆல்பர்டோ பெர்னாண்டஸ், நைஜீரியாவின் அதிபர் போலா டினுபு, வங்கதேச பிரதமர் ஷேக் ஹசீனா உள்ளிட்டோர் மாநாட்டில் பங்கேற்றுள்ளனர்.
மாநாடு தொடங்கும் முன், ஜி 20 நாடுகளின் கூட்டமைப்பில் ஆப்பிரிக்க ஒன்றியம் அதிகாரப்பூர்வமாக இணைக்கப்பட்டது. 55 நாடுகளைக் கொண்ட ஆப்பிரிக்க ஒன்றியம் இணைக்கப்பட்டதன் மூலம் ஜி 20 நாடுகளின் கூட்டமைப்பு மேலும் வலுவடைந்துள்ளது.
அதென்ன ஆப்பிரிக்க ஒன்றியம்?
ஐரோப்பிய ஒன்றியத்தைப் போல ஆப்ரிக்கக் கண்டத்தில் உள்ள நாடுகளை உள்ளடக்கியது ஆப்பிரிக்க ஒன்றியம் ஆகும். இதில் 54 ஆப்பிரிக்க நாடுகள் மற்றும் மொராக்கோ ஆகிய நாடுகள் உள்ளன. இதன் தலைவராக காமரோஸ் அதிபராக இருந்த அசாலி அசெளமனி உள்ளார்.
இதுகுறித்துப் பேசிய பிரதமர் மோடி, இந்தியாவில் G20 மாநாடு சாதாரண மக்களின் G20 ஆக மாறியுள்ளது. கோடிக்கணக்கான இந்தியர்கள் இதில் தொடர்பு கொண்டுள்ளனர். இந்த மாநாட்டுக்கு முன்பு நாட்டின் 60-க்கும் மேற்பட்ட நகரங்களில் 200-க்கும் மேற்பட்ட கூட்டங்கள் நடைபெற்றன.
நிரந்தர உறுப்பினர்
ஆப்பிரிக்க யூனியனை ஜி 20 இல் சேர்க்க இந்தியா முன்மொழிகிறது. இந்த அறிவிப்பை ஒவ்வொரு நாடும் ஏற்றுக் கொள்ளும் என நம்புகிறோம். ஆப்பிரிக்காவின் பிரசிடென்சியின் நிரந்தர உறுப்பினராக உங்கள் இருக்கையில் அமர உங்களை (அசாலி அசெளமனி) அழைக்கிறேன்.” என்று தெரிவித்தார்.
அதனை தொடர்ந்து, ஜி 20 நாடுகளின் கூட்டமைப்பில் ஆப்பிரிக்க யூனியன் நிரந்தர உறுப்பினராக இணைந்தது. நிரந்தர உறுப்பினரானதைக் குறிக்கும் வகையில் ஆப்பிரிக்க யூனியன் தலைவர் அசாலி அசெளமனி தனது இருக்கையில் அமர்ந்தார்.
தலைப்பு செய்திகள்
ட்ரெண்டிங் செய்திகள்
