New 8 Change: நாடு முழுவதும் நாளை முதல் அமலுக்கு வரும் புதிய நடைமுறைகள்.. தெரிஞ்சுகிட்டு வெளிய போங்க..!

இந்தியாவில் நாடு முழுவதும் நாளை முதல் வருங்கால வைப்பு நிதி மற்றும் பான் - ஆதார் இணைப்பு என்பன உள்ளிட்ட பல்வேறு புதிய விதிகள் அமலுக்கு வர உள்ளன

ஜுலை 1 முதல் அமலுக்கு வரும் புதிய விதிகள்

இந்தியாவில் நாடு முழுவதும் நாளை முதல் வருங்கால வைப்பு நிதி மற்றும் பான் - ஆதார் இணைப்பு என்பன உள்ளிட்ட பல்வேறு புதிய விதிகள் அமலுக்கு வர உள்ளன.

புதிய நடைமுறை:

ஜூன் மாதம் முடிவடைய உள்ளதை தொடர்ந்து, பல்வேறு புதிய மாற்றங்களுடன் நாளை  ஜூலை மாதம் தொடங்குகிறது. வீட்டின் சமையலறைக்கான தேவியானவற்றின் விலை முதற்கொண்டு வங்கிக் கொள்கைகள் வரை பல்வேறு மாற்றங்கள் ஏற்பட உள்ளன. அவை தொடர்பான விவரங்கள் கீழே வழங்கப்பட்டுள்ளன.

சிலிண்டர் விலையில் மாற்றம்:

 எண்ணெய் மற்றும் எரிவாயு விநியோக நிறுவனங்கள் வழக்கமாக ஒவ்வொரு மாதமும் முதல் தேதியன்று சமையல் எரிவாயுவின் விலையை மதிப்பாய்வு செய்து திருத்தம் செய்கின்றன. அந்த வகையில் ஜுலை மாதமும் மாற்றம் இருக்கும் என எதிர்பார்க்கப்படுகிறது. கடந்த இரண்டு மாதங்களாக, 19 கிலோ வணிக ரீதியான எல்பிஜி எரிவாயு சிலிண்டர்களின் விலையை குறைந்தது குறிப்பிடத்தக்கது. ஜூன் 1, 2023 அன்று, சிலிண்டரின் விலை ரூ.83.5-ம், மே 1 அன்று வணிக சிலிண்டரின் விலை ரூ.172 குறைக்கப்பட்டது. 

கிரெடிட் கார்டில் 20% டிசிஎஸ்: 

இந்தியர்கள் வெளிநாட்டில் கிரெடிட் கார்ட் பயன்படுத்தினால் அதற்கு வரி விதிக்கும் புதிய முறை நாளை முதல் அமலுக்கு வருகிறது. அதன்படி, கிரெடிட் கார்ட் மூலம் மேற்கொள்ளப்படும் 7 லட்சத்துக்கும் மேலான செலவினங்களுக்கு 20% வரை TCS கட்டணம் விதிக்கப்பட உள்லது.

வருமான வரி கணக்கு (ITR) தாக்கல் செய்வதற்கான காலக்கெடு: 

வருமான வரி கணக்கு தாக்கல் செய்வதற்கான காலக்கெடு ஜூலை மாதத்துடன் முடிவடைகிறது. அதன்படி,  ஐடிஆரை நீங்கள் இன்னும் தாக்கல் செய்யவில்லை என்றால், ஜூலை 31 ஆம் தேதிக்குள் அதை முடிக்கவும்.

HDFC வங்கி மற்றும் HDFC இணைப்பு: 

HDFC வங்கி மற்றும் HDFC இடையேயான இணைப்பு ஜூலை 1, 2023 முதல் நடைமுறைக்கு வரும் என்று HDFC குழுமத் தலைவர் தீபக் பரிக் அறிவித்தார். இதன் மூலம் நிதி நிறுவனங்கள், அவற்றின் பங்குதாரர்கள், வாடிக்கையாளர்கள் மற்றும் ஒட்டுமொத்த பொருளாதாரத்தின் மீது அதன் நேர்மறையான தாக்கத்தை ஏற்படும் என HDFC வங்கி மற்றும் HDFC ஆகிய இரு உயர்மட்ட நிர்வாகக் குழுக்களும் தங்கள் நம்பிக்கையை வெளிப்படுத்தியுள்ளன, 

RBI மிதக்கும் விகித சேமிப்புப் பத்திரங்கள்:  

ஜூலை 1, 2023 முதல் முதலீடுகளுக்கு நிரந்தர வைப்பு தொகையை காட்டிலும்  அதிக வட்டி கிடைக்கும் சூழல் உருவாகப்போகிறது. ரிசர்வ் வங்கியின் ஃப்ளோட்டிங் ரேட் சேமிப்புப் பத்திரங்கள் 2022 பற்றிப் பேசுகிறோம். அதற்கான வட்டி விகிதம் தற்போது, ​​7.35 சதவீத வட்டி வழங்கப்பட்டு வரும் நிலையில்,  நாளை முதல் அது 8.05 சதவீதமாக அதிகரிக்கப்படலாம். ஆறு மாதங்களுக்கு ஒருமுறை மாறும் இந்த வட்டி விகிதத்தில் மாற்றத்திற்கான அடுத்த தேதி ஜூலை 1 ஆகும்.

 

தரமற்ற காலணிகளுக்கு தடை:

தரமற்ற காலணிகளின் உற்பத்தி மற்றும் விற்பனைக்கான தடை,  நாளை முதல் நாடு முழுவதும் அமலுக்கு வருகிறது.  இந்த நடவடிக்கையின் மூலம் அனைத்து காலணி உற்பத்தி நிறுவனங்களும்  தரக்கட்டுப்பாட்டு உத்தரவு விதிகளை பின்பற்றுவது அவசியமாகிறது.

 

பான்- ஆதார் அட்டை இணைப்பு: 

ஆதாருடன் பான் எண்ணை இணைப்பதற்கான காலக்கெடு ஜூன் 30-ம் தேதியுடன் முடிவடைகிறது. இன்றைக்குள் ஆதாருடன் இணைக்க தவறினால்,  ஜூலை 1 முதல் பான்-கார்ட் செயலிழந்துவிடும் என அரசு தரப்பில் தெரிவிக்கப்பட்டுள்ளது.