நடைபாதைகளில் வாகனங்களை ஓட்டினால் ரூ.5,000 அபராதம் விதிக்க திட்டம்!
தொடர்ந்து இரண்டாவது முறையாக விதிமீறலில் ஈடுபட்டால் ரூ.10,000 அபராதம் விதிக்கவும் முடிவு
நடைபாதைகளில் வாகனம் ஓட்டினால் ரூ.5000 அபராதம்!
கர்நாடகாவில் நடைபாதைகளில் வாகனங்களை ஓட்டினால் விதிக்கப்படும் அபராதத்தொகையை ரூ.500-லிருந்து ரூ.5000 ஆக உயர்த்த அம்மாநில அரசு முடிவெடுத்துள்ளதாக தகவல்வெளியாகி உள்ளது.முதல்முறை விதிமீறலில் ஈடுபடுவோருக்கு ரூ.5000 அபராதமும், இரண்டாவது முறையாக விதிமீறலில் ஈடுபட்டால் ரூ.10,000 அபராதமாக விதிக்கப்படுமென முதற்கட்டத்தகவல் வெளியாகி உள்ளது. இப்புதிய அபராதம் தொடர்பாக சில மாதங்களுக்கு முன்பாகவே, பெங்களூரு பெருநகர மேம்பாட்டு அமைச்சர் பைரே கவுடா, அம்மாநில் போக்குவரத்துத்துறை அமைச்சருக்கு கடிதம் எழுதி இருந்த நிலையில் தற்போது அபராதத்தை உயர்த்த திட்டமிடப்பட்டுள்ளது.
தமிழ்நாட்டிலும் உயர்த்தப்படுமா அபராதம்?
ஏற்கனவே புதுச்சேரியிலும் போக்குவரத்து நெரிசலை கட்டுப்படுத்தும் நோக்கிலும், பாதசாரிகளின் பாதுகாப்பை உறுதி செய்யும் நோக்கிலும் நடைபாதைகளில் வாகனங்களை நிறுத்துவோருக்கு ரூ.5000 வரை அபராதம் விதிக்காப்ப்டுமென அறிவிக்கப்பட்டுள்ளது. தமிழ்நாட்டில் சாலை ஆக்கிரமிப்புகள் மற்றும் போக்குவரத்து விதி மீறல்களுக்கு கடுமையான அபராதம் விதிக்கப்படுகிறது.இந்நிலையில் கர்நாடகா மற்றும் புதுச்சேரியை போன்றே தமிழ்நாட்டிலும் அதிகபட்ச அபராதம் விதிக்கப்படுமா என்ற அச்சம் வாகன ஓட்டிகளிடையே மேலோங்கி உள்ளது.
தலைப்பு செய்திகள்
ட்ரெண்டிங் செய்திகள்
