Breaking Live : தமிழ் மொழி மற்ற பகுதிகளிலும் பரவ வேண்டும்- ஆளுநர் ஆர்.என்.ரவி

தமிழ்நாடு உள்பட இந்தியா முழுவதும் நடைபெறும் பல்வேறு முக்கிய நிகழ்வுகளை விரைவுச்செய்திகளாக கீழே காணலாம்.

Background

சென்னையில் விலைமாற்றமின்றி ஒரு லிட்டர் பெட்ரோல் ரூ. 110. 85 க்கும், ஒரு லிட்டர் டீசல் ரூ. 100. 94க்கும் விற்பனை செய்யப்பட்டு வருகிறது. 

13:44 PM (IST)  •  16 May 2022

துறைமுகம் - மதுரவாயல் சாலை விரிவாக்க ஒப்பந்தம்

சென்னை துறைமுகம் - மதுரவாயல் சாலை விரிவாக்க திட்டத்திற்கான புரிந்துணர்வு ஒப்பந்தம் கையெழுத்தானது. 

12:57 PM (IST)  •  16 May 2022

தமிழ் மொழி மற்ற பகுதிகளிலும் பரப்ப வேண்டும்- ஆளுநர் ஆர்.என்.ரவி

சென்னை பல்கலைக் கழகத்தின் பட்டமளிப்பு விழாவில் ஆளுநர் ஆர்.என்.ரவி பேசினார். அதில், “தமிழ் மொழி மிகவும் தொன்மையான மொழி. தமிழ் மொழியின் சிறப்பு பிற பகுதிகளுக்கும் பரவ வேண்டும். தமிழ் மொழி சென்னை உயர்நீதிமன்றத்தில் வழக்காடும் மொழியாக கொண்டு வர வேண்டும். பிற மாநிலங்களில் உள்ள பல்கலைக் கழங்களில் தமிழ் மொழிக்கான இருக்கையை அமைக்க தமிழ்நாடு அரசு முயற்சி எடுக்க வேண்டும்” எனத் தெரிவித்துள்ளார்.

11:00 AM (IST)  •  16 May 2022

கோச்சிங் சென்டர் கொள்ளையடிக்கவே நீட் - பொன்முடி

நீட் போன்ற நுழைவுத்தேர்வுகள் தனியார் கோச்சிங் சென்டர்கள் கொள்ளையடிப்பதற்கு வழிவகை செய்வதாக சென்னை பல்கலை., பட்டமளிப்பு விழாவில் ஆளுநர் ரவி முன்னிலையில் அமைச்சர் பொன்முடி பேசினார்.

09:59 AM (IST)  •  16 May 2022

மீண்டும் உயர்ந்த தங்கம் விலை... எவ்வளவு தெரியுமா...?

சென்னையில் இன்று ஒரு கிராம் தங்கம் ரூபாய் 7 அதிகரித்து ரூபாய் 4 ஆயிரத்து 744க்கு விற்கப்படுகிறது. சவரன் தங்கம் ரூபாய் 56 அதிகரித்து ரூபாய் 37 ஆயிரத்து 952 க்கு விற்கப்படுகிறது.

24 காரட் தங்கம் கிராமிற்கு ரூபாய் 5 ஆயிரத்து 143க்கு விற்கப்படுகிறது. ஒரு சவரன் தங்கம் ரூபாய் 41 ஆயிரத்து 114க்கு விற்கப்படுகிறது. ஒரு கிராம் வெள்ளி ரூபாய் 64.50க்கு விற்கப்படுகிறது. ஒரு கிலோ வெள்ளி ரூபாய் 64 ஆயிரத்து 500க்கு விற்கப்படுகிறது.

09:56 AM (IST)  •  16 May 2022

பருத்தி, நூல் விலை உயர்வு - பிரதமர் மோடிக்கு முதல்வர் ஸ்டாலின் கடிதம்

பருத்தி, நூல் விலை உயர்வைக் கட்டுப்படுத்தக்கோரி  பிரதமர் நரேந்திர மோடிக்கு முதலமைச்சர் மு.க.ஸ்டாலின் கடிதம் எழுதியுள்ளார். விலை உயர்வால் தமிழக ஜவுளித்தொழில் எதிர்கொள்ளும் பிரச்னைகளை கருத்தில் கொள்ள வேண்டும் என்றும் கடிதத்தில் குறிப்பிட்டுள்ளார். தமிழ்நாட்டில் பின்னலாடை நிறுவனங்கள் இரண்டு நாள் ஸ்டிரைக்கை தொடங்கியுள்ள நிலையில் முதலமைச்சர் கடிதம் எழுதியுள்ளார்.