37 வயசு, விவாகரத்து ஆகிடுச்சு..! “30 வயசுக்குள்ள வெர்ஜின் பிராமின் பார்ட்னர் தான் வேணும்” நெட்டிசன்கள் ஷாக்
MatchMaker: விவாகரத்தான 37 வயது நபர் தனக்கு 30 வயதுக்குள் வெர்ஜின் பிராமின் மணப்பெண் தேவை என கூறியிருப்பது இணையத்தில் பேசுபொருளாகியுள்ளது.
MatchMaker: விவாகரத்தான 37 வயது முன்னாள் ஐஐடி மாணவரின் மணப்பெண் தொடர்பான கோரிக்கை கடுமையான எதிஎவினைகளை எதிர்கொண்டு வருகிறது.
பிராமின் வெர்ஜின் மணப்பெண் தேவை
திருமண தரகரும், டேட்டிங் பயிற்சியாளருமான ஓண்ட்ரில்லா கபூர், திருமணம் ஆகாத மணமகளை தேடும் 37 வயதான விவாகரத்தான முன்னாள் ஐஐடி மாணவரின் கோரிக்கையை வெளிப்படுத்திய வீடியோ இணையத்தில் வைரலாகி பேசுபொருளாக மாறியுள்ளது. அந்த நபர் தனக்கு விவாகரத்தாகி இருந்தாலும், தான் மறுமணம் செய்துகொள்ள விரும்பும் பெண் “30 வயதுக்குட்பட்ட, பிராமண சமூகத்தைச் சேர்ந்த, இதுவரை எந்தவொரு நபருடனும் உறவில் இருந்திடாத, வெர்ஜின் மணப்பெண் தேவை” என வற்புறுத்தியதா ஓண்ட்ரில்லா தெரிவித்துள்ளார். இந்த வீடியோவை பார்த்த நெட்டிசன்கள் அந்த மணமகனின் குறுகலான பார்வை மற்றும் சாதி பற்றை கடுமையாக விமர்சித்தும் வருகின்றனர்.
மணமகனின் கோரிக்கை..
ஓண்ட்ரில்லா பேசி வெளியிட்டுள்ள வீடியோவின்படி, ஐஐடியில் படித்துவிட்டு பில்லியன் டாலர் நிறுவனத்தில் இயக்குனராக பணிபுரிவதாக தன்னை அறிமுகப்படுத்திக்கொண்ட அந்த நபர், தனக்கான மணமகள் எப்படி இருக்க வேண்டும் என நிபந்தனைகளை வெளிப்படுத்தியுள்ளார். இதில் உள்ள நடைமுறை சிக்கல் மற்றும் நியாயம் குறித்து ஓண்ட்ரில்லா கேள்வி எழுப்பியபோது, அதற்கெல்லாம் ஒரு காரணம் இருப்பதாகவும், மேற்சொன்ன நிபந்தனைகளின்படி தனக்கு ஒரு வரன் வேண்டும் எனவும் தீவிரமாக பேசியுள்ளார்.
காரணங்களை அடுக்கிய மணமகன்
வீடியோவில் கூறியிருப்பதன்படி, “ஏற்கனவே வேறு ஒருவருடன் உறவில் இருந்த பெண்கள் துரோகம் செய்வதற்கு அதிக வாய்ப்புள்ளது. சில ஆய்வுகளின் முடிவுகள் கூட இதையே தெரிவிக்கின்றன” என அந்த மணமகன் பேசியுள்ளார். இதையடுத்து விவாகரத்தான எனக்கும் இதே ஒப்பீடு பொருந்துமா என ஓண்ட்ரில்ல கேட்டாபோது, ”இல்லை, அது ஒரு நியாயமான ஒப்பீடு இல்லை. ஏனென்றால் நான் ஒரு ஆண்” என அந்த முன்னாள் ஐஐடி மாணவன் பதிலளித்துள்ளார். இன்றைய சூழலில் நீங்கள் எதிர்பார்ப்பதை போன்று பெண்கள் கிடைப்பது எளிதல்ல, அப்படியே கிடைத்தாலும் மிகவும் பழமைவாதத்தை பின்பற்றுபவர்களாகவே இருப்பார்கள், அவர்களும் 37 வயதான விவாகரத்தான நபரை திருமணம் செய்துகொள்ள ஒப்புக்கொள்ள மாட்டார்கள் என்றும் ஓண்ட்ரில்லா தெரிவித்துள்ளார். அதற்கு குறிப்பிட்ட தனியார் செயலியில் தனக்கு ஏராளமான பெண்கள் விருப்பம் தெரிவித்தாலும், மோசடி அச்சத்தின் காரணமாக அவற்றை தான் பரிசீலிக்கவில்லை எனவும் அந்த மணமகன் தெரிவித்துள்ளார்.
View this post on Instagram
லெஃப்ட், ரைட் வாங்கும் நெட்டிசன்கள்
ஒருதலைபட்சமாக யோசிக்கும் அந்த வாடிக்கையாளருக்கு சேவையை வழங்கமுடியாது என நிராகரித்த ஓண்ட்ரில்லா, அந்த நபர் தனக்கான துணையை தேடவில்லை என்றும், மனைவியின் கடந்த காலத்தின் மீதான கட்டுப்பாட்டையே நாடுவதாகவும் சாடியுள்ளார். இதுதொடர்பான பதிவு இணையத்தில் வைரலாக, அடையாளம் தெரியாத மாப்பிள்ளையை நெட்டிசன்கள் கடுமையாக விமர்சித்து வருகின்றனர். அந்த நபரின் எதிர்பார்ப்புகள் யதார்த்தமற்றவை மற்றும் பாலினப் பாகுபாடு கொண்டவை என்று விமர்சித்தனர். ஆண், பெண் சமம் என்பதை கல்வியால் கூட உணர்த்தமுடியவில்லை என சிலர் வேதனை தெரிவித்துள்ளனர். அதேநேரம் ஒரு சிலர், தனக்கான துணைவி எப்படி இருக்க வேண்டும் என எதிர்பார்ப்பது அவரது தனிப்பட்ட விருப்பங்களுக்கான உரிமை என சிலர் ஆதரவும் தெரிவித்துள்ளனர்.
தலைப்பு செய்திகள்
ட்ரெண்டிங் செய்திகள்
