பப்பாளி விதைகளை தூக்கி எறிகிறீர்களா? - தெரிந்துகொள்ள வேண்டிய அதிர்ச்சிகரமான நன்மைகள்
பப்பாளி விதைகள் நார்ச்சத்து ஆரோக்கியமான கொழுப்புகள், புரதம், ஆன்டி-ஆக்ஸிடன்ட்கள் மற்றும் பாக்டீரியா எதிர்ப்பு பண்புகள் நிறைந்த ஒரு பொக்கிஷம். இவை உடலின் ஒட்டுமொத்த ஆரோக்கியத்தை மேம்படுத்த உதவுகின்றன.
பப்பாளி பழம், இலைகள் மட்டுமின்றி, நாம் பொதுவாக தூக்கி எறியும் பப்பாளி விதைகளிலும் ஏராளமான மருத்துவ குணங்கள் பொதிந்துள்ளன. ஆரோக்கியத்திற்கு இவை பெரிய அளவில் உதவும் என்பதால், அவற்றை வீணாக்காமல் சரியான முறையில் உட்கொள்வது உடலுக்கு வலு சேர்க்கும். பப்பாளி விதைகளில் உள்ள சத்துக்கள் என்ன? அதன் பயன்கள் என்ன? யார் இதைச் சாப்பிடலாம்? என்பதைப் பற்றி இங்கே விரிவாகப் பார்ப்போம்.
பப்பாளி விதையில் உள்ள சத்துக்கள்
பப்பாளி விதைகள் நார்ச்சத்து (Fiber), ஆரோக்கியமான கொழுப்புகள், புரதம், ஆன்டி-ஆக்ஸிடன்ட்கள் மற்றும் பாக்டீரியா எதிர்ப்பு பண்புகள் நிறைந்த ஒரு பொக்கிஷம். இவை உடலின் ஒட்டுமொத்த ஆரோக்கியத்தை மேம்படுத்த உதவுகின்றன.
பப்பாளி விதையின் ஆரோக்கிய நன்மைகள்:
-
செரிமான மண்டலத்தை மேம்படுத்த: பப்பாளி விதைகள் உடலில் செரிமான என்சைம்களை அதிகரிக்கின்றன. இதனால் அஜீரணம் மற்றும் சோர்வு குறைகிறது. கோடை காலத்தில் ஏற்படும் செரிமானப் பிரச்சனைகளுக்கு இது ஒரு சிறந்த தீர்வாக அமைகிறது.
-
கல்லீரல் ஆரோக்கியம்: கல்லீரலை நச்சுத்தன்மையிலிருந்து நீக்கி (Detox), ஆரோக்கியமாக வைத்திருக்க பப்பாளி விதைகள் உதவுகின்றன.
-
இதர நன்மைகள்: இதில் உள்ள ஆன்டி-ஆக்ஸிடன்ட்கள் நோய் எதிர்ப்பு சக்தியை அதிகரிக்கின்றன. கொழுப்பு வளர்சிதை மாற்றத்தை மேம்படுத்தி, உடல் எடையைக் குறைக்க உதவுகின்றன. பாக்டீரியா மற்றும் பூஞ்சைகளுக்கு எதிரான பண்புகளைக் கொண்ட இவை, சிறுநீரகங்களைப் பாதுகாக்கவும் உதவுகின்றன என்று ஆய்வுகள் தெரிவிக்கின்றன.
எவ்வளவு எடுத்துக்கொள்ளலாம்?
சுகாதார நிபுணர்களின் கூற்றுப்படி, ஒரு நாளைக்கு 5-8 பப்பாளி விதைகள் அல்லது அரை டீஸ்பூன் பப்பாளி விதை பொடி போதுமானது. இதை வாரத்திற்கு 2-3 முறை மட்டுமே எடுத்துக்கொள்ள வேண்டும். அளவுக்கு அதிகமாக உட்கொண்டால் செரிமானப் பாதிப்புகள் ஏற்பட வாய்ப்புள்ளது.
எப்படிச் சாப்பிடலாம்?
-
விதைகளை நேரடியாக மென்று சாப்பிடலாம்.
-
விதைகளை அரைத்து பொடியாக்கி, தேன் அல்லது தண்ணீருடன் கலந்து பருகலாம்.
-
கோடைகால ஸ்மூத்திகள் அல்லது ஜூஸ்களில் பப்பாளி விதை பொடியைக் கலந்து உட்கொள்ளலாம்.
முக்கியக் குறிப்பு மற்றும் எச்சரிக்கை:
-
கர்ப்பிணிப் பெண்கள் எக்காரணம் கொண்டும் பப்பாளி விதைகளை உட்கொள்ளக்கூடாது.
-
குழந்தைகளுக்கு இதை அதிகமாகக் கொடுக்க வேண்டாம்.
-
ஏதேனும் ஒவ்வாமை (Allergy) ஏற்பட்டால், உடனடியாக உட்கொள்வதை நிறுத்திவிட வேண்டும்.
பப்பாளி விதைகளைச் சிறிய அளவில் உட்கொள்வது ஆரோக்கியத்திற்கு நல்லது என்றாலும், இவற்றை ஒரு மருந்தாகக் கருதி எடுக்கக்கூடாது. மிதமான அளவே எப்போதும் சிறந்தது. இருப்பினும், உங்கள் ஆரோக்கிய நிலைக்கேற்ப இதைப் பயன்படுத்தத் தொடங்கும் முன், கட்டாயம் மருத்துவர் ஆலோசனை பெறுவது அவசியம்.
Check out below Health Tools-
Calculate Your Body Mass Index ( BMI )
தலைப்பு செய்திகள்
ட்ரெண்டிங் செய்திகள்
