TNTET Exam 2026: விண்ணப்பிக்க ரெடியா? டெட் தேர்வு தேதி அறிவிப்பு.. முழு விவரம் இதோ

TNTET Exam 2026 Date: நடப்பு ஆண்டுக்கான ஆசிரியர் தகுதித் தேர்வு  ஜூலை 4 மற்றும் 5 ஆம் தேதி நடைப்பெறும் என ஆசிரியர் தேர்வு வாரியம் தெரிவித்துள்ளது. வரும் 18-ம் தேதி முதல் விண்ணப்பிக்கலாம்

ஆசிரியர் தகுதித் தேர்வு  2026

Source : social media

டெட் தேர்வுக்கான  தேதிகளை ஆசிரியர் தேர்வு வாரியம் அறிவித்துள்ளது, அதன்படி ஜூலை 4 மற்றும் 5 ஆம் தேதிகளில் தேர்வு நடைபெறும் எனவும், இதற்கான விண்ணப்பம் வரும் 18 ஆம் தேதி முதல் வழங்கப்படும் என தெரிவிக்கப்பட்டுள்ளது. 

ஆசிரியர் தகுதித் தேர்வு  2026

அரசு கொண்டுவந்த இலவசக் கட்டாயக் கல்வி உரிமைச் சட்டப்படி அனைத்து வகையான பள்ளிகளிலும் ஆசிரியராகப் பணியில் சேர மத்திய அரசு, மாநில அரசுகள் நடத்தும் ஆசிரியர் தகுதித் தேர்வில் தேர்ச்சி பெற வேண்டும். அதன்படி நடத்தப்படும் ஆசிரியர் தகுதித் தேர்வு (TAMILNADU TEACHER ELIGIBILITY TEST (TNTET)) மொத்தம் 2 தாள்களைக் கொண்டது. முதல் தாளில் தேர்ச்சி பெறுபவர்கள் இடைநிலை ஆசிரியராகவும், 2-ம் தாளில் தேர்ச்சி அடைபவர்கள் பட்டதாரி ஆசிரியராகவும் பணிபுரியலாம்.

தேர்வு தேதி எப்போது?

இதற்கிடையில் நடப்பு ஆண்டுக்கான ஆசிரியர் தகுதித் தேர்வு  ஜூலை 4 மற்றும் 5 ஆம் தேதி நடைப்பெறும் என ஆசிரியர் தேர்வு வாரியம் தெரிவித்துள்ளது. வரும் 18-ம் தேதி முதல் விண்ணப்பிக்கலாம் எனவும் ஆசிரியர் தகுதித்தேர்வுக்கு விண்ணப்பிக்க ஏப்ரல் 10-ம் தேதி கடைசி நாள் எனவும் அறிவிக்கப்பட்டுள்ளது.தேர்வுக் கட்டணம் உள்ளிட்ட கூடுதல் விவரங்களை www.trb.tn.gov.in என்ற இணையதளத்தில் தெரிந்துகொள்ளலாம்.. தற்போது வெளியிடப்பட்டுள்ள தேதி உத்தேச தேதி என்றும் இறுதி தேர்வு தேதி வரும் நாட்களில் அறிவிக்கப்படலாம் என்று எதிர்ப்பார்க்கப்படுகிறது.

விண்ணப்பிக்கும் போது கவனிக்க வேண்டியவை

1. ஆன்லைன் விண்ணப்பம்: விண்ணப்பங்கள் ஆன்லைன் மூலமாக மட்டுமே சமர்ப்பிக்கப்பட வேண்டும்.

2. ஆவணங்கள்: புகைப்படம், கையொப்பம் மற்றும் கல்விச் சான்றிதழ்களை ஸ்கேன் செய்து தயாராக வைத்துக்கொள்ளுங்கள்.

3. கட்டணம்: சமூகப் பிரிவைப் பொறுத்து தேர்வுக் கட்டணம் மாறுபடும். இதனை இணையதளம் வாயிலாகவே செலுத்தலாம்.