TNPSC Notification: வெளியான அறிவிப்பு; 45 பதவிகள்; 460+ காலியிடங்கள்- டிஎன்பிஎஸ்சி தேர்வுக்கு விண்ணப்பிப்பது எப்படி?

TNPSC Notification 2026: தேர்வர்கள் உதவிப் பொறியாளர் தேர்வுக்கு 27.05.2026 முதல் 25.06.2026 வரை இணைய வழியில் விண்ணப்பங்களை சமர்ப்பிக்கலாம். தேர்வர்கள் தேர்வுக்கட்டணத்தை UPI மூலமாகவும் செலுத்தலாம்.

டிஎன்பிஎஸ்சி | கோப்புப்படம்

Source : சிறப்பு ஏற்பாடு

ஒருங்கிணைந்த தொழில்நுட்பப் பணிகள் துறையில், உதவி பொறியாளர் உள்ளிட்ட நேர்முகத் தேர்வு அல்லாத பதவிகளுக்கு விண்ணப்பிக்க டிஎன்பிஎஸ்சி அழைப்பு விடுத்துள்ளது. இதன்கீழ் 45 பதவிகளுக்கு 461 காலிப் பணியிடங்களை நிரப்பத் திட்டமிடப்பட்டு உள்ளது. 

இதுகுறித்து டிஎன்பிஎஸ்சி வெளியிட்டுள்ள செய்திக் குறிப்பு:

’’ஒருங்கிணைந்த தொழில்நுட்பப் பணிகள் தேர்வு (நேர்முகத் தேர்வு அல்லாத பதவிகள்) 2026 ஆண்டுத் திட்டத்தில் குறிப்பிட்டுள்ளபடி அறிவிக்கை வெளியிடப்பட்டுள்ளது.

உதவி பொறியாளர் (அமைப்பியல், மின்னியல், வேளாண் பொறியியல்) உள்ளிட்ட 45 பதவிகளுக்கான 461 காலிப் பணியிடங்களை நிரப்ப, ஒருங்கிணைந்த தொழில்நுட்ப பணிகள் தேர்வு (நேர்முகத் தேர்வு அல்லாத பதவிகள்)-க்கான அறிவிக்கை தேர்வாணையத்தின் ஆண்டுத் திட்டத்தில் குறிப்பிட்டுள்ளபடி இன்று (20.05.2026) வெளியிடப்பட்டுள்ளது.

மே 27 முதல் விண்ணப்பிக்கலாம்

தேர்வர்கள் 27.05.2026 முதல் 25.06.2026 வரை இணைய வழியில் விண்ணப்பங்களை சமர்ப்பிக்கலாம். தேர்வர்கள் தேர்வுக்கட்டணத்தை UPI மூலமாகவும் செலுத்தலாம்.

தேர்வு எப்போது?

கணினி வழித் தேர்வு நடைபெறும். நாள் மற்றும் நேரம் பின்னர் அறிவிக்கப்படும் என்று டிஎன்பிஎஸ்சி செயலாளர் பனோத் ம்ருகேந்தர் லால் தெரிவித்துள்ளார்.

அதேபோல விண்ணப்பத்தைச் சமர்ப்பிக்க கடைசி நாள் ஜூன் 25 இரவு 11.59 மணி ஆகும். விண்ணப்பங்களில் திருத்தம் மேற்கொள்ள ஜூன் 29 முதல் ஜூலை 1 வரை அவகாசம் அளிக்கப்பட்டு உள்ளது.

வயது வரம்பு

தேர்வுகளை எழுத குறைந்தபட்சம் 21 வயது நிறைவு அடைந்திருக்க வேண்டும். அதிகபட்ச வயது வரம்பு பதவிக்கும் தேர்வர்களின் சமூகத்துக்கு ஏற்பவும் மாறுபடும். 

தேர்வு முறை

தாள் 1

தமிழ் தகுதித் தேர்வு, பொது அறிவு, திறனறிவு மற்றும் மனக்கணக்கு நுண்ணறிவு

தாள் 2

வேளாண்மை, இயந்திரவியல், தானியங்கி மற்றும் அமைப்பியல்

வேளாண்மை

வேளாண்மை, வேதியியல், விலங்கியல் மற்றும் தாவரவியல்

தொல்லியல்

தொல்லியல், கல்வெட்டியல், பாரம்பரிய மேலாண்மை அருங்காட்சியகவியல் மற்றும்

கட்டிடக்கலை

அடிப்படை பொறியியல்

வணிக மேலாண்மை

வேதியியல் (இளநிலை)

அமைப்பியல்

கணினி அறிவியல், தகவல் தொழில்நுட்பம், மின், மின்னனு மற்றும் தொடர்பு பொறியியல்

குற்றவியல், தடய அறிவியல், உளவியல் மற்றும் தத்துவம் உள்ளிட்ட பல்வேறு பாடங்களுக்கு தேர்வுகள் நடத்தப்பட உள்ளன. எனினும் இதற்கான தேதிகள் பின்னர் அறிவிக்கப்பட உள்ளன.

தேர்வர்கள் https://tnpsc.gov.in/document/tamil/CTS%20(Non%20Interview)%20Tamil%20Final_.pdf என்ற இணைய முகவரியை க்ளிக் செய்து அறிவிக்கையை க்ளிக் செய்து காணலாம்.