TN 12th Result 2025 Declared: வெளியானது பிளஸ்-2 தேர்வு முடிவுகள்... சாதித்துக்காட்டிய மாணவ மாணவிகள்
Tamil Nadu 12th Result 2025 Declared: மே 8 ஆம் தேதியான இன்று காலை 9.00 மணிக்கு பள்ளிக் கல்வித்துறை அமைச்சர் அன்பில் மகேஸ் பொய்யாமொழி 12 ஆம் வகுப்பு தேர்வு முடிவுகளை வெளியிட்டார்.
தமிழ்நாடு முழுவதும் 12 ஆம் வகுப்பு பொதுத்தேர்வு எழுதிய மாணவ, மாணவிகளுக்கு தேர்வு முடிவுகள் இன்று காலை 9.00 மணியளவில் வெளியானது
12 ஆம் வகுப்பு தேர்வு முடிவுகள்:
ஒவ்வொரு மாணவர்களின் வாழ்க்கையில் மிக முக்கியமான கட்டம் என்றால் அது 12 ஆம் வகுப்பு தான், மாணவர்கள் தங்கள் வாழ்க்கையின் அடுத்த கட்டத்துக்கு செல்லவதற்கு இது தான் கேட் பாஸ். அந்த வகையில் 2024-2025 கல்வி ஆண்டுக்கான 12 ஆம் வகுப்பு தேர்வு முடிவுகள் இன்று காலை 9 மணிக்கு வெளியாகி உள்ளது.
மாநிலக் கல்வி வாரியத்தின்கீழ் 12ஆம் வகுப்புப் பொதுத் தேர்வை 8 லட்சத்து 21 ஆயிரத்து 57 மாணவ, மாணவிகள் எழுதினர். மார்ச் 3ஆம் தேதி முதல் 25 வரை தேர்வு நடந்தது. இதை தொடர்ந்து விடைத்தாள் திருத்தும் பணி ஏப்.4ஆம் தேதி தொடங்கி 17ஆம் தேதி வரை நடைபெற்றது. இந்த நிலையில் பிளஸ் 2 தேர்வு முடிவுகள் மே 9ஆம் தேதி வெளியாகும் என்று கூறப்பட்டு இருந்தது. எனினும், ஒருநாள் முன்கூட்டியே 12ஆம் வகுப்புத் தேர்வு முடிவுகள் வெளியானது.
இந்த ஆண்டுக்கான தேர்வு முடிவுகள் வெளியான நிலையில் மொத்தம் 95.03 சதவீதம் மாணவர்கள் தேர்ச்சி பெற்றுள்ளனர்.
சென்ற ஆண்டை விட தேர்ச்சி % அதிகம்:
இந்த ஆண்டு தேர்வெழுதிய மொத்தப் பள்ளி மாணாக்கர்களின் எண்ணிக்கை 7,92,494 இதில் மாணவியர்களின் எண்ணிக்கை : 4,19,316, மாணவர்களின் எண்ணிக்கை : 3,73,178
தேர்ச்சி விவரங்கள்
- தேர்ச்சி பெற்றவர்கள் : 7,53,142 (95.03%)
- மாணவியர் 4,05,472 (96.70%) தேர்ச்சி அடைந்துள்ளனர்.
- மாணவர்கள் 3,47,670 (93.16%) தேர்ச்சி அடைந்துள்ளனர்.
- மாணவர்களை விட 3.54 % மாணவியர் அதிகம் தேர்ச்சி பெற்றுள்ளனர்.
- தேர்விற்கு வருகைப்புரியாதவர்கள்: 10,049
- கடந்த மார்ச் 2024 பொதுத்தேர்வினை விட இவ்வாண்டு தேர்ச்சி 0.47% சதவிகிதம் கூடுதலாக உள்ளது.
கடந்த ஆண்டு 12 ஆம் வகுப்பு பொதுத் தேர்வை மொத்தம் 7,60,606 பேர் எழுதிய நிலையில் மொத்தம் 7,19,196 மாணவ தேர்ச்சி பெற்றனர்.தமிழ்நாட்டில் மொத்தம் 2478 பள்ளிகள் 100% தேர்ச்சியை அடை . இவற்றில் 397 பள்ளிகள் அரசுப் பள்ளிகள் ஆகும். ஒட்டுமொத்த கடந்த் ஆண்டு தேர்ச்சி விகிதம் 94.56% ஆகும்
அதிக தேர்ச்சி பெற்ற மாவட்டங்கள் டாப் 5
முதல் மாவட்டம் - அரியலூர் 98.82%
இரண்டாவது மாவட்டம் - ஈரோடு 97.98%
மூன்றாவது மாவட்டம் திருப்பூர் 97.53%
நான்காவது மாவட்டம் கோவை- 97.48%
ஐந்தாவது மாவட்டம் கன்னியாகுமரி-97.01%
முடிவுகள் இங்கே காணலாம்
அதன்படி மே 8 ஆம் தேதியான இன்று காலை 9.00 மணிக்கு பள்ளிக் கல்வித்துறை அமைச்சர் அன்பில் மகேஸ் பொய்யாமொழி 12 ஆம் வகுப்பு தேர்வு முடிவுகளை வெளியிட்டார். மாணவ, மாணவிகள் தேர்வு முடிவுகளை www.dge1.tn.nic.in , www.dge2.tn.nic.in , www.dge.tn.gov.in , www.tnresults.nic.in ஆகிய இணையதளங்கள் வழியாகத் தெரிந்து கொள்ள என கூறப்பட்டுள்ளது. இப்படியான நிலையில் வழக்கம்போல மாணவர்களை விட, மாணவிகளே இந்தாண்டும் அதிகளவில் தேர்ச்சி பெற்றுள்ளனர்.
தலைப்பு செய்திகள்
ட்ரெண்டிங் செய்திகள்
