''இதான் ஆரம்பம்; இன்னும் 3 முக்கிய கோரிக்கை''- அமைச்சர் ராஜினாமாவை அடுத்து CJP முழக்கம்!
நீட் தேர்வால் உயிரிழந்த அனைத்து மாணவர்களின் குடும்பத்தினருக்கு 1 கோடி ரூபாய் இழப்பீடு வழங்க வேண்டும். போராட்டத்தில் ஈடுபட்ட மாணவர்கள் மீது எந்த நடவடிக்கையும் எடுக்கக்கூடாது- CJP
மத்தியக் கல்வி அமைச்சர் தர்மேந்திர பிரதான் ராஜினாமா செய்ததை அடுத்து, இதுதான் ஆரம்பம். மாணவர் சக்தி வாழ்க என்று சிஜேபி தெரிவித்துள்ளது.
இதுதான் ஆரம்பம்
இதுகுறித்து மேலும் கரப்பான்பூச்சி ஜனதா கட்சி கூறும்போது, அமைச்சரின் பதவி விலகலை நடத்திக் காட்டி இருக்கிறோம். இதுதான் ஜனநாயகம், இதுதான் ஆரம்பம்.
மத்தியக் கல்வி அமைச்சர் தர்மேந்திர பிரதான் ராஜினாமா செய்துள்ளார். நீங்கள் பயப்படாமல், இந்த அரசாங்கத்திற்குப் பணியாமல் இருந்தால், யார் ராஜினாமாவையும் ஏற்கலாம் என்பதற்கு இதுவே சான்று. ஜனநாயகத்தில் எதற்காகவும் பயப்படாதீர்கள்.
4 முக்கியக் கோரிக்கைகள்
நாங்கள் வைத்த 4 முக்கியக் கோரிக்கைகளில் கல்வி அமைச்சர் ராஜினாமா நடந்திருக்கிறது.
இரண்டாவதாக, நீட் தேர்வால் உயிரிழந்த அனைத்து மாணவர்களின் குடும்பத்தினருக்கு 1 கோடி ரூபாய் இழப்பீடு வழங்க வேண்டும்.
மூன்றாவதாக, போராட்டத்தில் ஈடுபட்ட மாணவர்கள் மீது எந்த நடவடிக்கையும் எடுக்கக்கூடாது.
நான்காவதாக போராட்டத்தில் ஈடுபட்ட மாணவர்கள் மீது வன்முறையை நிகழ்த்திய ஆர்ஏஎஃப் மற்றும் டெல்லி காவல்துறை மன்னிப்பு கேட்க வேண்டும் ஆகிய கோரிக்கைகள் இன்னும் நிலுவையிலேயே இருக்கின்றன. அதுவரை போராட்டம் ஓயாது.
CJP’s Demand Rooster Has Been Updated:
— Cockroach is Back (@Cockroachisback) July 25, 2026
1. Dharmedra Pradhan must resign - ✅
2. Rs 1 Cr to the families of all students who died by suicide - Pending
3. No action against any of the student protesters - Pending
4. Public Apology From RAF & Delhi Police - Pending
Jantar Mantar…
கரப்பான்பூச்சிகளுக்கு வெற்றி
மாணவர்கள் சக்தி வாழ்க!
கரப்பான்பூச்சிகள் வெற்றி பெற்றுள்ளன. ஒருமுறை உள்ளே வந்துவிட்டால் கரப்பான்பூச்சிகள் வெளியே செல்லாது, ஜனநாயகம் வென்றுள்ளது’’ என்று கரப்பான்பூச்சி ஜனதா கட்சி தெரிவித்துள்ளது.
டெல்லி ஜந்தர் மந்தர் பகுதியில், நீட் தேர்வு முறைகேட்டுக்கு எதிராக 35 நாட்களாக மாணவர்கள் போராட்டம் நடத்தி வந்தனர். முன்னதாக சமூக ஆர்வலர் சோனம் வாங்சுக் ஜந்தர் மந்தரில் உண்ணாவிரதப் போராட்டத்தில் ஈடுபட்டு வந்தது குறிப்பிடத்தக்கது.
தலைப்பு செய்திகள்
ட்ரெண்டிங் செய்திகள்
