ME MTech Admission: எம்.இ., எம்.டெக். படிப்புகளில் சேர விண்ணப்பிக்கலாம்: ஆக.3 கடைசி 

தமிழ்நாட்டில் உள்ள பொறியியல் கல்லூரிகளில் எம்.இ., எம்.டெக்., எம்.பிளான்., எம்.ஆர்க். உள்ளிட்ட படிப்புகளில் சேர விண்ணப்பப் பதிவு தொடங்கியுள்ளது.

அண்ணா பல்கலை | கோப்புப்படம்

தமிழ்நாட்டில் உள்ள பொறியியல் கல்லூரிகளில் எம்.இ., எம்.டெக்., எம்.பிளான்., எம்.ஆர்க். உள்ளிட்ட படிப்புகளில் சேர விண்ணப்பப் பதிவு தொடங்கியுள்ளது. டான்செட் தேர்வில் தேர்ச்சி பெற்றவர்கள் ஆகஸ்ட் 3-ம் தேதி வரை விண்ணப்பிக்கலாம் என்று தெரிவிக்கப்பட்டுள்ளது.

தமிழகத்தில் அரசு, தனியார் பொறியியல் கல்லூரிகள், கலை அறிவியல் கல்லூரிகளில் உள்ள எம்இ, எம்டெக், எம்ஆர்க், எம்பிஏ, எம்சிஏ போன்ற முதுநிலைப் படிப்புகளில் சேர தமிழ்நாடு பொது நுழைவுத் தேர்வு (டான்செட்) எழுத வேண்டும். டான்செட் (TANCET - Tamil Nadu Common Entrance Test) தேர்வெழுதி, தேர்ச்சி பெற வேண்டும். இந்தத் தேர்வை அண்ணா பல்கலைக்கழகம் நடத்தி வருகிறது. 

தொலைதூரக் கல்வித் திட்டத்துக்கு அனுமதி இல்லை

தொலைதூரக் கல்வித் திட்டத்தின் மூலம் B.E, B.Tech., Degree தேர்ச்சி பெற்றவர்கள் இந்தத் தேர்விற்கு விண்ணப்பிக்க முடியாது எனவும்  அண்ணா பல்கலைக்கழகம் தெரிவித்தது.

இந்த நிலையில் 2022ஆம் ஆண்டுக்கான டான்செட் தேர்வுக்கு மொத்தம் 36,710 பேர் விண்ணப்பித்தனர். இதில் எம்பிஏ படிப்பில் சேர 21,557 பேரும், எம்சிஏ படிப்பில் சேர 8,391 பேரும் விண்ணப்பித்தனர். அதேபோல முதுகலை தொழில்நுட்பப் படிப்புகளான எம்இ, எம்டெக், எம்ஆர்க், எம்.பிளான் ஆகிய படிப்புகளில் சேர 6,762 பேர் விண்ணப்பித்தனர். 

இதையடுத்து டான்செட் தேர்வு மே 14ஆம் தேதி நடைபெற்றது. குறிப்பாக எம்சிஏ படிப்பிற்கு மே 14ம் தேதி காலை 10 மணி முதல் மதியம் 12 மணி வரை தேர்வு நடைபெற்றது. எம்பிஏ படிப்பிற்கு மே 14-ஆம் தேதி மதியம் 2:30 முதல் மாலை 4:30  மணி வரை தேர்வுகள் நடைபெற்றன. முதுகலை தொழில்நுட்பப் படிப்புகளுக்கான டான்செட் தேர்வு மே 15 அன்று நடைபெற்றது. ஜூன் 9ஆம் தேதி டான்செட் தேர்வு முடிவுகள் வெளியாகின.

இந்நிலையில், தமிழ்நாட்டில் உள்ள பொறியியல் கல்லூரிகளில் எம்.இ., எம்.டெக்., எம்.பிளான்., எம்.ஆர்க். உள்ளிட்ட படிப்புகளில் சேர விண்ணப்பப் பதிவு தொடங்கியுள்ளது. டான்செட் தேர்வில் தேர்ச்சி பெற்றவர்கள் ஆகஸ்ட் 3-ம் தேதி வரை விண்ணப்பிக்கலாம் என்று தெரிவிக்கப்பட்டுள்ளது.

தேர்ச்சி பெற்றோர் http://annauniv.edu/tanca2022 என்ற இணையதளத்தில் விண்ணப்பிக்கலாம்.

கேட் தேர்வு எழுதியோரும் விண்ணப்பிக்கலாம்

டான்செட் தேர்வு எழுதியோரும் கேட் தேர்வு (GATE) எழுதியோரும் தனித்தனியாக விண்ணப்பிக்க வேண்டும் என்று தெரிவிக்கப்பட்டுள்ளது. 2020 முதல் 2022 வரை கடந்த 3 ஆண்டுகளில் கேட் தேர்வு எழுதியவர்கள் (GATE - 2020 / 21 / 22) இதற்கு  விண்ணப்பிக்கத் தகுதியானவர்கள் ஆவர். 

கூடுதல் விவரங்களுக்கு: 044 - 2235 8314, 8276 / tanca22@annauniv.edu

*

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூட்யூபில் வீடியோக்களை காண