TANCET 2022 Result: டான்செட் தேர்வு முடிவு தேதி: அண்ணா பல்கலைக்கழகம் அறிவிப்பு 

தமிழ்நாடு பொது நுழைவுத் தேர்வான டான்செட் தேர்வு முடிவுகள் நாளை (ஜூன் 9) வெளியாகும் என்று அண்ணா பல்கலைக்கழகம் அறிவிப்பு வெளியிட்டுள்ளது.

டான்செட் தேர்வு

தமிழ்நாடு பொது நுழைவுத் தேர்வான டான்செட் தேர்வு முடிவுகள் நாளை (ஜூன் 9) வெளியாகும் என்று அண்ணா பல்கலைக்கழகம் அறிவிப்பு வெளியிட்டுள்ளது.

தமிழகத்தில் அரசு, தனியார் பொறியியல் கல்லூரிகள், கலை அறிவியல் கல்லூரிகளில் உள்ள எம்இ, எம்டெக், எம்ஆர்க், எம்பிஏ, எம்சிஏ போன்ற முதுநிலைப் படிப்புகளில் சேர தமிழ்நாடு பொது நுழைவுத் தேர்வு (டான்செட்) எழுத வேண்டும். டான்செட் (TANCET - Tamil Nadu Common Entrance Test) தேர்வெழுதி, தேர்ச்சி பெற வேண்டும். இந்தத் தேர்வை அண்ணா பல்கலைக்கழகம் நடத்தி வருகிறது. 

தொலைதூரக் கல்வித் திட்டத்தின் மூலம் B.E, B.Tech., Degree தேர்ச்சி பெற்றவர்கள் இந்தத் தேர்விற்கு விண்ணப்பிக்க முடியாது எனவும்  அண்ணா பல்கலைக்கழகம் தெரிவித்தது.

இந்த நிலையில் 2022ஆம் ஆண்டுக்கான டான்செட் தேர்வுகளை எழுத விண்ணப்பப் பதிவு தொடங்கி நடைபெற்று வந்தது. டான்செட் தேர்வுக்கு மொத்தம் 36,710 பேர் விண்ணப்பித்தனர்.

இதில் எம்பிஏ படிப்பில் சேர 21,557 பேரும், எம்சிஏ படிப்பில் சேர 8,391 பேரும் விண்ணப்பித்தனர். அதேபோல முதுகலை தொழில்நுட்பப் படிப்புகளான எம்இ, எம்டெக், எம்ஆர்க், எம்.பிளான் ஆகிய படிப்புகளில் சேர 6,762 பேர் விண்ணப்பித்தனர். 

தேர்வு எழுத விண்ணப்பித்தவர்களுக்கான ஹால் டிக்கெட் மே 2ஆம் தேதி வெளியிடப்பட்டது. தேர்வர்கள் மே 2 முதல் மே 13-ம் தேதி வரை ஹால் டிக்கெட்டுகளைப் பதிவிறக்கம் செய்தனர். 

இதையடுத்து டான்செட் தேர்வு மே 14ஆம் தேதி நடைபெற்றது. குறிப்பாக எம்சிஏ படிப்பிற்கு மே 14ம் தேதி காலை 10 மணி முதல் மதியம் 12 மணி வரை தேர்வு நடைபெற்றது. எம்பிஏ படிப்பிற்கு மே 14-ஆம் தேதி மதியம் 2:30 முதல் மாலை 4:30  மணி வரை தேர்வுகள் நடைபெற்றன. முதுகலை தொழில்நுட்பப் படிப்புகளுக்கான டான்செட் தேர்வு மே 15 அன்று நடைபெற்றது.

இந்த நிலையில் டான்செட் தேர்வு முடிவுகள் எப்போது வெளியாகும் என்று கேள்வி எழுந்தது. இந்நிலையில் ஜூன் 9ஆம் தேதி டான்செட் தேர்வு முடிவுகள் வெளியாகும் என்று அண்ணா பல்கலைக்கழகம் அறிவிப்பு வெளியிட்டுள்ளது. தேர்வர்கள் தங்களின் மதிப்பெண் சான்றிதழை ஜூன் 10 முதல் 30ஆம் தேதி வரை https://tancet.annauniv.edu/tancet/ என்ற இணையப் பக்கத்தில் தரவிறக்கம் செய்துகொள்ளலாம் என்று டான்செட் செயலர் ஸ்ரீதரன் தெரிவித்துள்ளார்.

கூடுதல் தகவல்களுக்கு: 044-22358289 / 044-22358314 (10.00 AM to 6.00 PM)

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடியூபில் வீடியோக்களை காண