TANCET 2023: டான்செட் 2023: எம்.இ., எம்பிஏ, எம்சிஏ தேர்வுகள் எப்போது? - முழு விவரம்

2023ஆம் ஆண்டுக்கான டான்செட் தேர்வுகளுக்கான தேதிகள் அறிவிக்கப்பட்டுள்ளன. இதுகுறித்து விரிவாகப் பார்க்கலாம். 

கோப்புப்படம்

2023ஆம் ஆண்டுக்கான டான்செட் தேர்வுகளுக்கான தேதிகள் அறிவிக்கப்பட்டுள்ளன. இதுகுறித்து விரிவாகப் பார்க்கலாம். 

தமிழகத்தில் அரசு, தனியார் பொறியியல் கல்லூரிகள், கலை அறிவியல் கல்லூரிகளில் உள்ள எம்இ, எம்டெக், எம்ஆர்க், எம்.பிளான்., எம்பிஏ, எம்சிஏ போன்ற முதுநிலைப் படிப்புகளில் சேர தமிழ்நாடு பொது நுழைவுத் தேர்வு (டான்செட்) எழுத வேண்டும். டான்செட் (TANCET - Tamil Nadu Common Entrance Test) தேர்வெழுதி, தேர்ச்சி பெற வேண்டும். இந்தத் தேர்வை அண்ணா பல்கலைக்கழகம் நடத்தி வருகிறது. 

தொலைதூரக் கல்வித் திட்டத்தின் மூலம் B.E, B.Tech., Degree தேர்ச்சி பெற்றவர்கள் இந்தத் தேர்விற்கு விண்ணப்பிக்க முடியாது எனவும்  அண்ணா பல்கலைக்கழகம் தெரிவித்தது.

 2022ஆம் ஆண்டுக்கான டான்செட் தேர்வு மே 14ஆம் தேதி நடைபெற்றது. முதுகலை தொழில்நுட்பப் படிப்புகளுக்கான டான்செட் தேர்வு மே 15 அன்று நடைபெற்றது. 

இந்த நிலையில் 2023ஆம் ஆண்டுக்கன டான்செட் நுழைவுத் தேர்வு பிப்ரவரி 25 மற்றும் 26 ஆகிய தேதிகளில் நடைபெறும் என்று அண்ணா பல்கலைக்கழகம் சார்பில் தெரிவிக்கப்பட்டுள்ளது. குறிப்பாக  பிப்ரவரி 25ஆம் தேதி எம்டெக் தேர்வும்  பிப்ரவரி 26ஆம் தேதி எம்பிஏ, எம்சிஏ தேர்வுகளும் நடைபெறலாம். எனினும் இந்தத் தேர்வு தேதிகளில் மாற்றம் இருக்கலாம். 

தேர்வு தேதிகள்

எம்சிஏ படிப்புக்கான தேர்வு பிப்ரவரி 25ஆம் தேதி காலை 10 மணி முதல் 12 மணி வரை நடைபெறும். அதே நாளில் மதிய வேளையில் எம்.டெக்., எம்.இ., எம்.ஆர்க். மற்றும் எம்.பிளான். படிப்புகளுக்கான நுழைவுத் தேர்வு நடைபெறும். குறிப்பாக மதியம் 2.30 மணி முதல் 4.30 மணி வரை தேர்வு நடைபெறும். எம்பிஏ படிப்புக்கான தேர்வு பிப்ரவரி 26ஆம் தேதி நடைபெறும் என்றும் தெரிவிக்கப்பட்டுள்ளது.

இந்நிலையில் இதற்கான விண்ணப்பப் பதிவு தொடங்கும் தேதி இன்னும் அறிவிக்கப்படவில்லை. டான்செட் தேர்வு எழுத விரும்பும் தேர்வர்கள் ஆன்லைன் மூலம் விண்ணப்பிக்கலாம். எனினும் தேர்வு ஆஃப்லைன் முறையில் நடைபெறும். 

2023ஆம் ஆண்டு டான்செட் தேர்வுக்கான விண்ணப்பப் படிவம், தேர்வுக் கட்டணம், தகுதி பற்றிய விரிவான தகவல்கள் விரைவில் வெளியிடப்படும் என்று எதிர்பார்க்கப்படுகிறது.

கூடுதல் தகவல்களுக்கு:  https://tancet.annauniv.edu/tancet/ 

தொலைபேசி எண்கள்: 044-22358289 / 044-22358314 (10.00 AM to 6.00 PM)

இதையும் வாசிக்கலாம்