9ம் வகுப்புக்கும் ஆல் பாஸ் !? புதிய திட்டத்தில் பள்ளிக்கல்வித்துறை - விரைவில் அறிவிப்பு!

9ம் வகுப்புகளுக்கும் ஆல்பாஸ் போட பள்ளிக்கல்வித்துறை திட்டமிட்டிருப்பதாக தகவல் வெளியாகியுள்ளது

மாதிரிப்படம்

கொரோனா தொற்றால் தள்ளிப்போன திறப்பு

தமிழ்நாட்டில் கொரோனா பெருந்தொற்று அலைகளால் பள்ளிகள் திறப்பு தள்ளிப்போனது. இதை அடுத்து, கடந்த கல்வியாண்டில் செப்டம்பர் மாதம்தான் பள்ளிகள் திறக்கப்பட்டு, வகுப்புகள் தொடங்கின. மீண்டும் கொரோனா 3ஆம் அலை காரணமாக ஜனவரி மாதம் பள்ளிகள் மூடப்பட்டு, பிப்ரவரி மாதத்தில் மீண்டும் திறக்கப்பட்டன. 

இந்த சூழலில், இந்த ஆண்டு கட்டாயம் பொதுத்தேர்வு நடத்தப்படும் என்று அறிவிக்கப்பட்டது. திருப்புதல் தேர்வுகள் நடத்தப்பட்ட நிலையில், மே மாதத்தில் மாநிலம் முழுவதும் 10, 11 மற்றும் 12-ம் வகுப்பு மாணவர்களுக்குப் பொதுத் தேர்வுகள் தொடங்கி, நடைபெற்றன. இந்தப் பொதுத்தேர்வு மே இறுதியில் முடிவடைந்தது.

9ம் வகுப்பு மாணவர்கள் அனைவரையும் ஆல்பாஸ் போட பள்ளிக்கல்வித்துறை முடிவு செய்துள்ளதாக தகவல் வெளியாகியுள்ளது. ஏற்கெனவே 1-8 ம் வகுப்பு வரை ஆல்பாஸ் என அறிவிக்கப்பட்டுள்ள நிலையில் தற்போது 9ம் வகுப்புகளுக்கும் ஆல்பாஸ் போட திட்டமிட்டிருக்கிறது பள்ளிக்கல்வித்துறை.  10,11, 12ம் வகுப்பு மாணவர்களுக்கு பொதுத்தேர்வு ஏற்கெனவே நடத்தி முடிக்கப்பட்டுள்ளது.

8ஆம் வகுப்பு வரை கட்டாயத் தேர்ச்சி

கட்டாயக் கல்வி உரிமைச் சட்டத்தின்படி, தமிழ்நாட்டில் மாநிலப் பாடத்திட்டத்தின் கீழ் வரும் அரசுப் பள்ளிகள், அரசு உதவி பெறும் பள்ளிகள், தனியார் மெட்ரிக் பள்ளிகளில் 1 முதல் 8-ம் வகுப்பு வரை பயிலும் மாணவர்கள் அனைவருக்கும் ஆண்டுதோறும் கட்டாயத் தேர்ச்சி வழங்கப்பட்டு வருகிறது.

கொரோனா தாக்கம் காரணமாக தமிழ்நாட்டில் பொதுத்தேர்வு எழுதும் மாணவர்கள் உட்பட அனைத்து மாணவர்களுக்கும் தேர்ச்சி வழங்கப்பட்டது.

 

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூட்யூபில் வீடியோக்களை காண