CA Results 2022: சிஏ இடைநிலை, இறுதித் தேர்வு முடிவுகள் வெளியீடு; பார்ப்பது எப்படி?
இந்தியா முழுவதும் ஆடிட்டர் படிப்புகளுக்காக நடத்தப்படும் சிஏ இடைநிலை, இறுதித் தேர்வின் முடிவுகள் இன்று வெளியாகி உள்ளன. இதை எப்படி சரிபார்ப்பது என்று பார்க்கலாம்.
இந்தியா முழுவதும் ஆடிட்டர் படிப்புகளுக்காக நடத்தப்படும் சிஏ இடைநிலை, இறுதித் தேர்வின் முடிவுகள் இன்று வெளியாகி உள்ளன. இதை எப்படி சரிபார்ப்பது என்று பார்க்கலாம்.
இந்தியாவில் ஆடிட்டர் எனப்படும் பட்டய கணக்காளராக விரும்புவோர் ஐசிஏஐ நடத்தும் தகுதித் தேர்வில் தேர்ச்சிபெற வேண்டியது கட்டாயம் ஆகும். இதில் தேர்ச்சி பெற்றவர்களுக்கு, மத்திய அரசு பட்டயக் கணக்காளருக்கான சான்றிதழ் வழங்கும்.
இந்தத் தகுதித் தேர்வு முதல்நிலைத் தேர்வு (Foundation Examination), இடைநிலைத் தேர்வு (Intermediate Examination), இறுதித் தேர்வு (Final Examination) என்று மூன்று கட்டங்களாக நடைபெறுகிறது. பட்டப் படிப்பை முடித்தவர்கள், இடைநிலை மற்றும் இறுதித் தேர்வில் தேர்ச்சி பெற்றால் போதுமானது.
ஒவ்வொரு பாடத்திலும் 40 சதவீத மதிப்பெண்கள் மற்றும் ஒட்டுமொத்தமாக 50 சதவீத மதிப்பெண்களைப் பெற்றவர்கள், இடைநிலை மற்றும் இறுதித் தேர்வுகளுக்குத் தகுதியானவர்கள் ஆவர்.
இந்த நிலையில், 2022-ம் ஆண்டு நவம்பர் மாத அமர்வுக்கான இடைநிலைத் தேர்வு நவம்பர் மாதம் நடைபெற்றது. குறிப்பாக நவம்பர் 2 முதல் 17ஆம் தேதி வரை நடைபெற்றது. அதேபோல 2022-ம் ஆண்டு நவம்பர் மாத அமர்வுக்கான இறுதித் தேர்வு நவம்பர் மாதம் 1 முதல் 16ஆம் தேதி வரை நடைபெற்றது. இதற்கான தேர்வு முடிவுகள் இன்று (ஜனவரி 10ஆம் தேதி) வெளியாகி உள்ளன.
தேர்ச்சி விவரம்
இதற்கிடையே சிஏ இடைநிலை குரூப் 1 தேர்வை மொத்தம் 1,00,265 தேர்வர்கள் எழுதினர். இதில், 21,244 தேர்வர்கள் தேர்ச்சி அடைந்துள்ளனர். சிஏ இடைநிலை குரூப் 2 தேர்வை மொத்தம் 79,292 தேர்வர்கள் எழுதினர். இதில், 19,380 தேர்வர்கள் தேர்ச்சி அடைந்துள்ளனர். இரண்டு தேர்வுகளையும் 37, 428 பேர் எழுதிய நிலையில், 4,759 தேர்வர்கள் தேர்ச்சி பெற்றுள்ளனர். சிஏ இடைநிலை குரூப் 1 தேர்வில் 21.19 சதவீதம் பேரும் குரூப் 2 தேர்வில் 24.44 சதவீதம் பேரும் தேர்ச்சி பெற்றுள்ளனர்.
இதற்கிடையே சிஏ இறுதி குரூப் 1 தேர்வை மொத்தம் 65,291 தேர்வர்கள் எழுதினர். இதில், 13,969 தேர்வர்கள் தேர்ச்சி அடைந்துள்ளனர். சிஏ இறுதி குரூப் 2 தேர்வை மொத்தம் 64,775 தேர்வர்கள் எழுதினர். இதில், 12,053 தேர்வர்கள் தேர்ச்சி அடைந்துள்ளனர். சிஏ இறுதி குரூப் 1 தேர்வில் 21.39 சதவீதம் பேரும் குரூப் 2 தேர்வில் 18.61 சதவீதம் பேரும் தேர்ச்சி பெற்றுள்ளனர்.
இதை எப்படி சரிபார்ப்பது?
* தேர்வர்கள், இந்திய பட்டயக் கணக்காளர் ஆணையத்தின் அதிகாரப்பூர்வ icai.nic.in என்ற இணைய முகவரியை க்ளிக் செய்யவும்.
* முகப்புப் பக்கத்தில் 'CA result 2022' என்ற இணைய முகவையை க்ளிக் செய்யவும்.
* பதிவு எண் உள்ளிட்ட தேவையான விவரங்களை உள்ளிட்டு, சப்மிட் கொடுக்கவும்.
* அதில் வெளியாகும் தேர்வு முடிவுகளைப் பார்க்கலாம்.
* சிஏ தேர்வு முடிவுகளுக்கான மதிப்பெண் அட்டையைப் பதிவிறக்கம் செய்துகொள்ளலாம்.
தலைப்பு செய்திகள்
ட்ரெண்டிங் செய்திகள்
