வீட்டிலேயே பிரசவம்... குழந்தை பலி... தாய் கவலைக்கிடம்... தாம்பரத்தில் சோகம்!

தொப்புள் கொடியை அறுத்ததில் குழந்தை இறந்தது .மேலும் அதிக ரத்த போக்கு  காரணமாக மயக்க நிலையில் இருந்த மோனிஷாவை 108 ஆம்புலன்ஸ் மூலம் சிகிச்சைக்காக செங்கல்பட்டு அரசு மருத்துவமனைக்கு கொண்டு சென்றுள்ளனர்.

தாம்பரம் சம்பவம்

சென்னை தாம்பரம் அருகே உடன் பிறந்த சகோதரிக்கு வீட்டிலேயே பிரசவம் பார்த்த சகோதரரரால் விபரீதம் நேர்ந்துள்ளது. பிறந்த குழந்தையின் தொப்புள் கொடியினை அறுத்ததால் பிறந்ததுமே குழந்தை இறந்தது. இந்த சம்பவம் குறித்துச் சந்தேக அடிப்படையில் தற்போது தாம்பரம் போலீசார் விசாரணை நடத்தி வருகின்றனர். 

சென்னை கிழக்கு தாம்பரம் அடுத்த திருவள்ளுவர் தெருவைச் சேர்ந்தவர் மோனிஷா (20) இவருடைய காதலர் ஒரு வருடத்திற்க்கு முன்னர் இவரை ஏமாற்றி கருவூறச் செய்ததாகக் கூறப்படுகிறது. இதனால் தனது சகோதரர் சிபியுடன் தங்கி வந்துள்ளார் அவர். நிறைமாத கர்ப்பிணியான மோனிஷாவுக்கு இன்று காலை திடீரென பிரசவ வலி ஏற்பட்டுள்ளது. இதனால் செய்வது அறியாத சகோதரர் சிபி, வீட்டிலேயே பிரசவம் பார்த்துள்ளார்.இதில் பெண் குழந்தை பிறந்துள்ளது.  

பின்னர் பிறந்த குழந்தையின் தொப்புள் கொடியினை அறுத்ததில் குழந்தை இறந்தது .இதையடுத்து அதிக ரத்த போக்கு  காரணமாக மயக்க நிலையில் இருந்த மோனிஷாவை 108 ஆம்புலன்ஸ் மூலம் சிகிச்சைக்காக செங்கல்பட்டு அரசு மருத்துவமனைக்கு கொண்டு சென்றுள்ளனர்.தகவல் அறிந்து சம்பவ இடத்துக்கு  வந்த சேலையூர் போலீசார் குழந்தையின் உடலைக் கைப்பற்றி பிரேத பரிசோதனைக்காக குரோம்பேட்டை அரசு மருத்துவமனைக்கு அனுப்பி வைத்து சந்தேக அடிப்படையில் தற்போது விசாரணை நடத்தி வருகின்றனர்.