மேலும் அறிய
செக்காணூரணி மரணம்: சிபிசிஐடி பிடியில் 6 காவலர்கள்; 10 மணி நேர துருவல்!
மதுரை மாவட்ட கூடுதல் காவல் கண்காணிப்பாளர் பாலகுமார் தலைமையிலான சட்டம் ஒழுங்கு போலீசாரும், மதுரை மாவட்ட சைபர் கிரைம் போலிசாரும் செக்காணூரணி காவல் நிலையத்தில் தொடர்ந்து விசாரணை நடத்தி வருகின்றனர்.,

செக்கானூரணி
Source : whatsapp
செக்காணூரணி காவல் நிலையத்தில் ஓட்டுநர் பாலகிருஷ்ணன் மரணம் விவகாரம் - செக்காணூரணி காவல் நிலையத்தில் இரண்டாவது நாளாக 10 மணி நேரத்திற்கும் மேலாக நடைபெற்று வந்த சிபிசிஐடி போலீசாரின் விசாரணையில், பணியிடை நீக்கம் செய்யப்பட்ட காவலர்கள் உள்பட 6 காவலர்களிடம் விசாரணை நடைபெற்றதாக தகவல் வெளியாகியுள்ளது.
ஏலக்காய் ஏற்றி வந்த லாரியில் ஏற்பட்ட தீவிபத்து
மதுரை மாவட்டம் செக்காணூரணி காவல் நிலையத்தில் ஏலக்காய் ஏற்றி வந்த லாரியில் ஏற்பட்ட தீவிபத்து தொடர்பாக அளித்த புகாரின் அடிப்படையில், கடந்த 13 ஆம் தேதி இரவு விசாரணைக்காக வந்த தேனியைச் சேர்ந்த ஓட்டுநர் பாலகிருஷ்ணன், 14 ஆம் தேதி அதிகாலை காவல் நிலையத்தின் மரணமடைந்தது பெரும் அதிர்வலைகளை ஏற்படுத்தியுள்ளது. இந்த விவகாரம் தொடர்பாக நீதித்துறை நடுவர் நீதிமன்ற நீதிபதி ஆனந்த் ராஜா விசாரணைக்கு பின், சிபிசிஐடி போலீசார் நேற்று நவம்பர் 15 மாலை முதல் இந்த வழக்கை கையில் எடுத்து விசாரணையை துவங்கி நள்ளிரவு 1 மணி வரை செக்காணூரணி காவல் நிலையத்தில் விசாரணை நடத்தினர். இன்று நவம்பர் 16 ஆம் தேதி காலை 11 மணிக்கு இரண்டாவது நாள் விசாரணையை துவங்கிய சிபிசிஐடி எஸ்.பி. ஸ்டாலின், டிஎஸ்பி சுரேஷ் தலைமையிலான போலீசார், செக்காணூரணி காவல் நிலையத்தில் வைத்து, இந்த வழக்கு தொடர்பாக பணியிடை நீக்கம் செய்யப்பட்ட காவல் ஆய்வாளர் முத்து, தலைமை காவலர் பழனிவேல்ராஜன், பெண் காவலர் கலைச்செல்வி மற்றும் வாலாந்தூர் காவல் நிலைய சார்பு ஆய்வாளர் ராஜா மற்றும் காவலர் பாண்டியராஜா, மாவட்ட காவல் கண்காணிப்பாளரின் தனிப்பிரிவு காவலர் கண்ணன் உள்ளிட்ட 6 பேரிடம் சுமார் 10 மணி நேரத்திற்கும் மேலாக பல்வேறு கோணங்களில் விசாரணை நடத்தியுள்ளனர். தொடர்ந்து மதுரை மாவட்ட கூடுதல் காவல் கண்காணிப்பாளர் பாலகுமார் தலைமையிலான சட்டம் ஒழுங்கு போலீசாரும், மதுரை மாவட்ட சைபர் கிரைம் போலிசாரும் செக்காணூரணி காவல் நிலையத்தில் தொடர்ந்து விசாரணை நடத்தி வருகின்றனர்.,
Advertisement
ட்ரெண்டிங் செய்திகள்
Advertisement

வினய் லால்Columnist
Opinion




















