(Source: Poll of Polls)
Tata vs Mahindra SUV: டாடா vs மஹிந்திரா: எந்த எஸ்யுவி பெஸ்ட்? டிசைன், சேஃப்டி, அம்சங்கள்- ஓர் ஒப்பீடு!
Tata vs Mahindra SUV Comparison: டாடாவா மஹிந்திராவா? எந்த நிறுவனத்தின் எஸ்யூவி கார்கள் அதிக சக்தி வாய்ந்தவை? வடிவமைப்பு மற்றும் அம்சங்களில் உள்ள வேறுபாடுகள் இதோ!
இந்திய ஆட்டோமொபைல் சந்தையில் எஸ்யூவி கார்களுக்கான மவுசு நாளுக்கு நாள் அதிகரித்து வருகிறது. இதில், டாடா மோட்டார்ஸ் மற்றும் மஹிந்திரா ஆகிய இரு உள்நாட்டு நிறுவனங்களுக்கு இடையேதான் எப்போதுமே கடும் போட்டி நிலவுகிறது.
இந்த இரண்டு நிறுவனங்களில் எந்த நிறுவனத்தின் எஸ்யூவி சிறந்தது, எது அதிக சக்தி வாய்ந்தது? இரண்டுக்கும் உள்ள வடிவமைப்பு, அம்சங்கள் மற்றும் இன்ஜின் திறன்களில் உள்ள வேறுபாடுகளை இங்கே விரிவாகக் காண்போம்.
வடிவமைப்பு ஒப்பீடு
- டாடா மோட்டார்ஸ்: டாடா நிறுவனத்தின் நெக்ஸான், ஹாரியர், சஃபாரி ஆகிய எஸ்யூவிக்கள் அவற்றின் நவீன மற்றும் வசதியான தொழில்நுட்பத்திற்கு ஏற்ற பிரீமியம் தோற்றத்திற்கு பெயர் பெற்றவை. ஏரோடைனமிக் டிசைன், ஷார்ப்பான எல்இடி டிஆர்எல்கள், வளைவான வடிவமைப்புகள் என பார்ப்பதற்கு மிகவும் ஸ்டைலாக இருக்கும்படி டாடா தனது கார்களை வடிவமைக்கிறது.
- மஹிந்திரா: அதேநேரம் தார், ஸ்கார்பியோ-என், XUV700 என மஹிந்திரா எஸ்யூவிக்கள் அவற்றின் முரட்டுத்தனமான, பவர்ஃபுல்லான வடிவமைப்பு மற்றும் ஆக்ரோஷமான தோற்றத்திற்கு பெயர் பெற்றவை. இவை சாலையில் செல்லும்போது கார்களுக்கு கம்பீரமான தோற்றத்தை தருகின்றன.
இன்ஜின், பவர் எப்படி?
எந்த கார் அதிக சக்தி வாய்ந்தது என்ற கேள்வி வரும்போது, மஹிந்திரா நிறுவனம் சற்றே முந்திக்கொள்கிறது.
- மஹிந்திராவின் டீசல் மற்றும் பெட்ரோல் இன்ஜின்கள் அதிக ஆற்றலையும் சிறப்பான டார்க் திறனையும் வெளிப்படுத்தக் கூடியவை. மேலும், ஆஃப்ரோடிங் சாகசங்களுக்கு ஏற்ற வசதிகள் மஹிந்திராவின் பல மாடல்களில் கிடைக்கின்றன.
- டாடா கார்களும் சக்திவாய்ந்த இன்ஜின்களைக் கொண்டுள்ளன. எனினும் மஹிந்திராவைக் காட்டிலும் சற்றே குறைவுதான்.
சிறப்பு அம்சங்கள், தொழில்நுட்பம் எப்படி?
- டாடா: பிரீமியம் லெதர் இன்டீரியர், பெரிய டச்ஸ்க்ரீன் இன்ஃபோடெயின்மென்ட் சிஸ்டம், டிஜிட்டல் இன்ஸ்ட்ரூமென்ட் கிளஸ்டர், மற்றும் மேம்பட்ட ADAS தொழில்நுட்பம் ஆகியவற்றில் டாடா அதிக கவனம் செலுத்துகிறது.
- மஹிந்திரா: மஹிந்திராவும் XUV700 போன்ற மாடல்களில் டூயல் ஸ்கிரீன் செட்டப், பனோரமிக் சன்ரூஃப் மற்றும் ADAS லெவல் 2 அம்சங்களை வழங்குகிறது. ஆனால், டாடாவோடு ஒப்பிடுகையில் மஹிந்திரா கார்களின் இன்டீரியர் சற்று கரடுமுரடான பயன்பாட்டிற்கு ஏற்ப வடிவமைக்கப்பட்டுள்ளது.
பாதுகாப்பு
பாதுகாப்பு விஷயத்தில் இந்தியர்களின் நம்பிக்கையை இரண்டு நிறுவனங்களுமே முழுமையாகப் பெற்றுள்ளன. இரண்டு நிறுவனங்களின் பெரும்பாலான எஸ்யூவி கார்களும் குளோபல் என்கேப் மற்றும் பாரத் என்கேப் சோதனைகளில் 5-நட்சத்திர பாதுகாப்பு மதிப்பீட்டைப் பெற்று பாதுகாப்பில் சமநிலையில் உள்ளன.
மின்சார வாகனங்களுக்கான மார்க்கெட்டில் டாடா கார்களே, மஹிந்திராவைவிடவும் ஆதிக்கம் செலுத்தி வருகின்றன.
எதை வாங்கலாம்?
நீங்கள் நவீனமான மற்றும் ஸ்டைலான வடிவமைப்பு, சிறந்த இன்டீரியர், அதிநவீன தொழில்நுட்ப அம்சங்கள் மற்றும் மென்மையான ஓட்டுநர் அனுபவத்தை விரும்பினால் டாடா எஸ்யூவிக்களை தேர்வு செய்யலாம்.
ஒருவேளை நீங்கள் கரடுமுரடான மலைச் சாலைகளிலும் பயணிக்கக்கூடிய திறன், அதிரடியான இன்ஜின் பவர் மற்றும் பார்த்தவுடனே மிரள வைக்கும் கம்பீரமான கார் வேண்டும் என்று நினைத்தால், மஹிந்திரா எஸ்யூவிக்கள் உங்களுக்கு சரியான தேர்வாக இருக்கும்.
தலைப்பு செய்திகள்
ட்ரெண்டிங் செய்திகள்
