Tata Sierra vs Renault Duster: டாடா சியாராவோ, ரெனால்ட் டஸ்டரோ வாங்குற Plan இருக்கா.? அப்போ எது சிறந்ததுன்னு தெரிஞ்சுக்கணும்ல.!

டாடா சியாரா அல்லது ரெனால்ட் டஸ்டர் கார்களில் ஏதேனும் ஒன்றை வாங்க நீங்கள் திட்டம் வைத்திருந்தால், அவற்றில் எது சக்திவாய்ந்தது என்பதை தெரிந்து கொள்வது முக்கியம். அதைத் தான் இப்போது பார்க்கப் போகிறோம்.

டாடா சியாரா Vs ரெனால்ட் டஸ்டர் - எது சிறந்தது.?

Source : Tata Sierra/Renault Duster

இந்திய சந்தையில், காம்பாக்ட் SUV பிரிவு பற்றி பேசும்போதெல்லாம், விவாதம் பெரும்பாலும் டாப் மாடல்களைச் சுற்றியே இருக்கும். அதனால்தான், இந்த மாடல்கள் மிகவும் பிரபலமாக உள்ளன. இதற்கு ஒரு நல்ல உதாரணம் டாடா சியரா மற்றும் ரெனால்ட் டஸ்டரின் தொடக்க நிலை பதிப்புகள்.

விரைவில் விற்பனைக்கு வர உள்ள ரெனால்ட் டஸ்டர், மூன்று எஞ்சின் விருப்பங்களுடன் வரும். ஆனால், வாடிக்கையாளர்களின் கவனம், 1.0 லிட்டர் டர்போ பெட்ரோல் எஞ்சின் மீது உள்ளது. இந்த எஞ்சின் 100 bhp சக்தியை உற்பத்தி செய்கிறது மற்றும் 6-ஸ்பீடு மேனுவல் கியர்பாக்ஸுடன் மட்டுமே கிடைக்கும். இருந்தாலும், இந்த எஞ்சின் அனைத்து டஸ்டர் டிரிம்களிலும் கிடைக்காது. டஸ்டரின் வலுவான விற்பனைக்கு இந்த ஆரம்ப நிலை எஞ்சின் முக்கியமானது. ஆனால் கேள்வி என்னவென்றால், இது டாடா சியராவுடன் எவ்வாறு ஒப்பிடப்படுகிறது என்பதுதான்..

இரண்டு கார்களின் பவர்டிரெய்ன்களின் ஒப்பீடு

• டாடா சியரா, ரெனால்ட் டஸ்டருக்கு போட்டியாக இருக்கலாம். மேலும், இரண்டும் கடுமையான போட்டி நிறைந்த காம்பாக்ட் SUV பிரிவில் போட்டியிடுகின்றன. சியரா மூன்று எஞ்சின் விருப்பங்களையும் வழங்குகிறது. ஆனால், டஸ்டரைப் போலல்லாமல், அதன் ஆரம்ப நிலை எஞ்சின் நேச்சுரலி ஆஸ்பிரேட்டட் பெட்ரோல் எஞ்சின் ஆகும். இவற்றை ஒப்பிடுகையில், சியரா இந்த எஞ்சினுடன் 110 bhp சக்தியை உற்பத்தி செய்கிறது. இது டஸ்டரின் 1.0 லிட்டர் டர்போசார்ஜ் செய்யப்பட்ட பெட்ரோல் எஞ்சினின் 100 bhp சக்தியை விட அதிகமாகும்.
• மேலும், டஸ்டரை போலல்லாமல், டாடா சியராவின் 1.5 லிட்டர் நேச்சுரலி ஆஸ்பிரேட்டட் பெட்ரோல் எஞ்சின், தானியங்கி(ஆட்டோமேட்டிக்) விருப்பத்துடன் கிடைக்கிறது. இது, மேனுவல் கியர்பாக்ஸ் மற்றும் டூயல்-கிளட்ச் ஆட்டோமேட்டிக் டிரான்ஸ்மிஷன் இரண்டிலும் வழங்கப்படுகிறது.
• இதனால், பவர்டிரெய்ன் விருப்பங்களைப் பொறுத்தவரை, டாடா சியராவின் ஆரம்ப நிலை பெட்ரோல் எஞ்சின் மிகவும் சக்தி வாய்ந்தது மற்றும் அதிக கியர்பாக்ஸ் விருப்பங்களை வழங்குகிறது. அதே நேரத்தில், ரெனால்ட் டஸ்டர் பின்தங்கியுள்ளது. இருப்பினும், புதிய டஸ்டரின் டர்போ பெட்ரோல் எஞ்சின் குறிப்பிடத்தக்கது. ஏனெனில், மற்ற சிறிய SUV-க்கள் பொதுவாக ஆரம்ப நிலை விலையில் டர்போ பெட்ரோல் எஞ்சின்களை வழங்குவதில்லை. தற்போது, ​​இந்த விஷயத்தில் சியரா முன்னிலை வகிக்கிறது. ஆனால், விரைவில் அறிமுகப்படுத்தப்படவுள்ள டஸ்டர் மிகவும் மலிவு விலையில் இருக்கலாம்.
• மற்றொரு சிறப்பம்சமாக, 1.8 லிட்டர் பெட்ரோல் மற்றும் 1.4KWh பேட்டரி அடங்கிய E-Tech 160 ஹைப்ரிட் ஆப்ஷனை டஸ்டர் மூலம் ரெனால்ட் அறிமுகப்படுத்தியுள்ளது. இது நகரப் பயன்பாட்டில் 80 சதவிகிதம் வரை மின்சாரத்தில் மட்டுமே ஓட்ட உதவுகிறது.

அம்சங்கள்

டாடா சியாரா

புதிய சியராவில் பல உயர்தர பிரீமியம் வசதிகள் சேர்க்கப்பட்டுள்ளன. டேஷ்போர்டில் மூன்று கனெக்டட் ஸ்க்ரீன்கள், பனோரமிக் சன்ரூஃப், எலக்ட்ரானிக் பார்கிங் பிரேக், 360-டிகிரி சரவுண்ட் வியூ கேமரா, காற்றோட்டமான முன் இருக்கைகள், லெவல்-2 ADAS பாதுகாப்பு அமைப்பு, மூன்று டிஸ்ப்ளே ஸ்கிரீன்கள், டால்பி அட்மோஸ் ஆடியோ அமைப்பு ஆகியவை முக்கிய அம்சங்கள். அதோடு, வயர்லெஸ் ஆண்ட்ராய்டு ஆட்டோ/ஆப்பிள் கார்ப்ளே, ஆட்டோ ஹெட்லேம்ப்கள், ரெயின் சென்சிங் வைப்பர்கள் மற்றும் டூயல் ஜோன் காலநிலை கட்டுப்பாடு ஆகியவை சேர்க்கப்பட்டுள்ளன. மேலும், LED DRL-கள் மற்றும் டெயில்-லேம்ப்கள், புஷ்-பட்டன் ஸ்டார்ட், பின்புற AC வென்ட்கள், 17-இன்ச் வீல்கள், நான்கு டிஸ்க் ப்ரேக்குகள் மற்றும் ஆட்டோ ஹோல்டுடன் கூடிய எலெக்ட்ரானிக் பார்க்கிங் பிரேக் போன்ற அத்தியாவசிய அம்சங்களைப் பெறுகிறது. இந்த அம்சங்கள் வேரியண்ட்டுகளை பொறுத்து மாறுபடுகிறது.

புதிய ரெனால்ட் டஸ்டர்

புதிய ரெனாலட் டஸ்டரில், உயர்த்தப்பட்ட செண்டர் கன்சோல், எலெக்ட்ரானிக் ஷிஃப்டர், அடிக்கடி பயன்படுத்தக்கூடிய கன்ட்ரோல்களுக்கு ஃபிசிக்கல் பட்டன்கள், சொகுசுப் பயணத்தை உறுதி செய்வதற்காக வெண்டிலேடட் மற்றும் 6 வழிகளில் அட்ஜெஸ்ட் செய்யக்கூடிய முன்புற இருக்கைகள், டூயல் ஜோன் ஆட்டோமேடிக் க்ளைமேட் கன்ட்ரோல், பனோரமிக் எலெக்ட்ரிக் சன்ரூஃப், எலெக்ட்ரிக் டெயில் கேட்டுடன் கூடிய எலெக்ட்ரிக் பார்கிங் ப்ரேக், கூகுள் பில்ட்-இன் கொண்ட 10.1 இன்ச் ஓபன்R லிங்க் டச் ஸ்க்ரீன், 10.25 இன்ச் மேப் ரெப்ளிகேஷன் கொண்ட டிஜிட்டல் ட்ரைவர் டிஸ்பிளே, 17 ADAS உதவி செயல்பாடுகள், ஹில் டிஸ்செண்ட் கன்ட்ரோல் மற்றும் 35 நிலையான பாதுகாப்பு அம்சங்கள் ஆகியவை வழங்கப்பட்டுள்ளன.

மொத்தத்தில், எஞ்சின் மற்றும் அம்சங்களின் அடிப்படையில், டஸ்டரை விட, சியாரா சற்று கூடுதல் மதிப்பை பெறுகிறது.