New Renault Duster: ரெடியா மாமே! நாளை அறிமுகமாகிறது New Renault Duster! விலை, தரம் எப்படி?
ரெனால்ட் நிறுவனத்தின் புதிய காரான New Renault Duster கார் இந்தியாவில் நாளை அறிமுகப்படுத்தப்பட உள்ளது.
New Renault Duster Launch: இந்தியாவில் விற்பனையாகும் கார்களில் ஒன்று ரெனால்ட். இவர்களின் ரெனால்ட் கிவிட், ரெனால்ட் கிகர், ரெனால்ட் ட்ரைபர், ரெனால்ட் டஸ்டர் ஆகிய கார்கள் விற்பனை செய்யப்பட்டு வருகிறது.
New Renault Duster:
ரெனால்ட் நிறுவனத்தின் மிகவும் பிரபலமான கார்களில் ஒன்று Renault Duster. ரெனால்ட் நிறுவனத்தின் அதிகளவு விற்பனையான கார்களில் ஒன்று Renault Duster. இந்த நிலையில் இவர்கள் இந்திய சந்தையில் புதியதாக அறிமுகப்படுத்த உள்ள கார் New Renault Duster ஆகும். இந்த கார் 2026ம் ஆண்டு மார்ச் 17ம் தேதி அறிமுகப்படுத்தப்படும் என்று ஏற்கனவே அறிவிக்கப்பட்டு இருந்தது. இதன்படி, இந்த New Renault Duster கார் நாளை இந்திய சந்தையில் அறிமுகமாக உள்ளது.
எஞ்ஜின் திறன்:
இந்த காரில் 1.0 லிட்டர் டர்போ பெட்ரோல் எஞ்ஜின் பொருத்தப்பட்டுள்ளது. 100 எச்பி குதிரைத்திறன் கொண்டது ஆகும். அதேபோல 1.3 லிட்டர் டர்போ பெட்ரோல் எஞ்ஜின் பொருத்தப்பட்ட வேரியண்ட் காரும் உள்ளது.
இந்த வேரியண்ட் கார் 163 எச்பி குதிரைத் திறன் கொண்டது. இந்த கார் 6 கியர்களை கொண்ட காராக அமைந்துள்ளது. அதேபோல, 1.8 லிட்டர் ஸ்ட்ராங் ஹைப்ரிட் வேரியண்ட் காரும் அறிமுகமாக உள்ளது. அந்த கார் வரும் தீபாவளிக்கு இந்திய சந்தையில் அறிமுகமாகும் என்று எதிர்பார்க்கப்படுகிறது.
விலை:
இந்த காரின் தொடக்க விலை ரூபாய் 10.50 லட்சம் ஆகும். இதன் டாப் வேரியண்ட் ரூபாய் 20 லட்சம் ஆகும். இந்த காரின் முன்பதிவு 21 ஆயிரத்துடன் ஏற்கனவே தொடங்கப்பட்டு விட்டது.
இந்த காரின் வெளிப்புறத் தோற்றம் கம்பீரமாகவும், வசீகரமாகவும் இருக்கும் வகையில் வடிவமைக்கப்பட்டுள்ளது. இந்த கார் 5 இருக்கைகள் பொருத்தப்பட்டுள்ளது. ஒரு நடுத்தர குடும்பத்தினரின் பயணிப்பதற்கு ஏற்க கார் இதுவாகும். இந்த காரின் எல்இடி முகப்பு விளக்குகள் வசீகரிக்கும் வகையில் பொருத்தப்பட்டுள்ளது. இந்த காரின் வேரியண்ட்கள் என்னென்ன? அதன் விலை என்னென்ன? என்பது நாளை தெரிய வரும். மேலும், மேனுவல் மற்றும் ஆட்டோமெட்டிக் வேரியண்ட் இரண்டிலும் சந்தையில் அறிமுகமாகும் என்று எதிர்பார்க்கப்படுகிறது.
சிறப்புகள்:
இந்த காரில் பல்வேறு சிறப்புகள் இருக்கும் வகையில் வடிவமைக்கப்பட்டுள்ளது. இந்த காரில் 10.1 இன்ச் தகவல்கள் அடங்கிய டிஸ்ப்ளே பொருத்தப்பட்டுள்ளது. காரில் பயணிப்பவர்களின் பாதுகாப்பிற்காக வெவல் 2 அடாஸ் வசதி இந்த காரில் ஏற்படுத்தப்பட்டுள்ளது. இந்த காரில் மொத்தம் 6 ஏர்பேக்குகள் பொருத்தப்பட்டுள்ளது.
இந்த காரில் 360 டிகிரி கேமரா பொருத்தப்பட்டுள்ளது. டயர் ப்ரசர் மானிட்டரிங் சிஸ்டம் வசதி உள்ளது. பனோரமிக் சன்ரூஃப் வசதி இந்த காரில் உள்ளது. ஆம்பியன்ட் விளக்குகள் வசதி உட்புறத்தில் உள்ளது. இதன் உட்புறத்தின் தோற்றம் டாடா சியாரா மற்றும் கியா செல்டாஸ் காரில் இருப்பது போன்று வடிவமைக்கப்பட்டுள்ளது. இபிபி வித் ஆட்டோஹோல்ட் வசதி இந்த காரில் உள்ளது.
தலைப்பு செய்திகள்
ட்ரெண்டிங் செய்திகள்
