Maruti Brezza: டர்போ இன்ஜின், சிஎன்ஜி, கூடுதல் அம்சங்கள், வசதிகள் - புது மாருதி ப்ரேஸ்ஸா அப்படி இருக்கு? விலை
New Gen Maruti Brezza: இந்திய ஆட்டோமொபைல் சந்தையில் மாருதி சுசூகியின் ப்ரேஸ்ஸா கார் மாடல், 7 முக்கிய அப்க்ரேட்களுடன் மேம்படுத்தப்பட்ட எடிஷனாக விரைவில் சந்தைப்படுத்தப்பட உள்ளது.
New Gen Maruti Brezza: மாருதி சுசூகியின் ப்ரேஸ்ஸா கார் மாடலில் புதியதாக வழங்கப்பட உள்ள 7 முக்கிய அப்க்ரேட்கள் கீழே பட்டியலிடப்பட்டுள்ளன.
புதிய தலைமுறை மாருதி ப்ரேஸ்ஸா
இந்திய ஆட்டோமொபைல் சந்தையில் எதிர்பார்ப்பை ஏற்படுத்தியுள்ள மாருதி ப்ரேஸ்ஸா காரின் ஃபேஸ்லிஃப்ட் எடிஷன், அடுத்த மாதம் விற்பனைக்கு கொண்டுவரப்பட உள்ளது. அதேநேரம், அதிகாரப்பூர்வமான வெளியீட்டு தேதி ஏதும் இதுவரை வெளியாகவில்லை. இருப்பினும், இந்த மேம்படுத்தப்பட்ட எடிஷனானது பலமுறை சாலை பரிசோதனைகளில் சிக்கியுள்ளது. அப்போது எடுக்கப்பட்ட புகைப்படங்களானது, முக்கியமான டிசைன் மற்றும் உட்புற வசதிகள் தொடர்பாக அறிய உதவுகின்றன. அந்த வகையில் புதிய ப்ரேஸ்ஸா தொடர்பாக இதுவரை அறிந்த 7 முக்கியமான விவரங்கள் கீழே பட்டியலிடப்பட்டுளன.
புதிய டர்போ பெட்ரோல் இன்ஜின்
புதிய ப்ரேஸ்ஸாவின் மிகப்பெரிய அப்டேட் அதன் மெக்கானிக்கல் பிரிவில் தான் மேற்கொள்ளப்பட உள்ளது. அதன்படி ஃப்ராங்க்சில் உள்ள 1.0 லிட்டர் டர்போசார்ஜ்ட் பூஸ்டர்ஜெட் பெட்ரோல் இன்ஜின் இந்த எஸ்யுவியில் அறிமுகப்படுத்தப்படும் என எதிர்பார்க்கப்படுகிறது. இது 6 ஸ்பீட் மேனுவல் கியர்பாக்ஸ் ஆப்ஷனை கொண்டு, 100bhp மற்றும் 147Nm ஆற்றலை உற்பத்தி செய்யும் திறனை கொண்டுள்ளது. ஏற்கனவே உள்ள 1.5 லிட்டர் நேட்சுரலி ஆஸ்பிரேடட் பெட்ரோல் இன்ஜின் ஆனது, 5 ஸ்பீட் மேனுவல் மற்றும் 6 ஸ்பீட் ஆட்டோக்மேடிக் கியர்பாக்ஸ் ஆப்ஷன்களுடன் அப்படியே தொடர உள்ளதாம்.
பாடிக்கு கீழே சிஎன்ஜி டேங்க்:
தற்போதைய ப்ரேஸ்ஸா எடிஷனில் இருப்பதை போன்றே புதிய எடிஷனிலும், ஆலையிலேயே பொருத்தப்பட்ட சிஎன்ஜி டேங்க் இடம்பெற உள்ளது. ஆனால், பூட்-ஸ்பேஸை அதிகரிக்கும் விதமாக இனி, வாகனத்திற்கு அடியில் சிஎன்ஜி டேங்க் இடம்பெற உள்ளதாம். ப்ரேஸ்ஸாவின் தற்போதைய சிஎன்ஜி எடிஷனானது 1.5 லிட்டர் டூயல் விவிடி பெட்ரோல் இன்ஜினில், ஆலையிலேயே நிறுவப்பட்ட சிஎன்ஜி கிட்டில் கிடைக்கிறது. அதேநேரம், 5 ஸ்பீட் மேனுவல் கியர்பாக்ஸ் என்ற ஒற்றை ஆப்ஷன் மட்டுமே பயனர்களால் தேர்வு செய்ய முடியும்.
ப்ரேஸ்ஸா ஃபேஸ்லிஃப்ட் - டிசைன், அம்சங்கள்
சாலை சோதனையின் போது எடுக்கப்பட்ட புகைப்படங்களானது மேம்படுத்தப்பட்ட ப்ரேஸ்ஸா எடிஷனில், அகலமான, புதிதாக வடிவமைக்கப்பட்ட கிரில், மையத்தில் தடிமனான குரோம் பட்டை , திருத்தப்பட்ட பம்பர்கள் ஆகியவை புதியதாக இருக்கும் என கூறப்படுகிறது. இருப்பினும் பின்புறத் தோற்றங்கள் பெரும்பாலும் மாற்றமின்றி இருக்கும் என கூறப்படுகிறது. புதிய மாருதி ப்ரேஸ்ஸா 2026 ஃபேஸ்லிஃப்ட் மாடலின் ஒட்டுமொத்த அளவீடுகள் மாற்றமின்றி அப்படியே இருக்க வாய்ப்புள்ளது. அதாவத் இந்த எஸ்யூவி தொடர்ந்து 3,995 மிமீ நீளம், 1,790 மிமீ அகலம், 1,685 மிமீ உயரம் மற்றும் 2,500 மிமீ வீல்பேஸ் ஆகியவற்றைக் கொண்டிருக்கும்.
புதிய மாருதி ப்ரேஸ்ஸாவின் உட்புறம் ஒரு குறிப்பிட்ட புதிய அம்சங்களை வழங்கும் என எதிர்பார்க்கப்படுகிறது. பெரிய 10.1 இன்ச் டச்ஸ்க்ரீன் இன்ஃபோடெயின்மென்ட் வசதியானது மாருதி விக்டோரிஸில் இருந்து பெறப்படலாம். இந்த சப் காம்பாக்ட் எஸ்யுவியில் வயர்லெஸ் ஃபோன் சார்ஜர், புதிய இருக்கை உறைகள், காற்றோட்ட வசதியுள்ள முன் இருக்கை, பனோரமிக் சன்ரூஃப், வயர்லெஸ் ஆப்பிள் கார்ப்ளே மற்றும் ஆண்ட்ராய்டு ஆட்டோ, எலக்ட்ரிக் சன்ரூஃப் மற்றும் 360-டிகிரி கேமரா போன்ற அம்சங்களையும் பொருத்தக்கூடும்.
ப்ரேஸ்ஸா ஃபேஸ்லிஃப்ட் - விலை, விவரங்கள்
மாருதி ப்ரேஸ்ஸா கார் மாடலனாது தற்போது ரூ.8.26 லட்சத்தில் தொடங்கி ரூ.13.01 லட்சம் (எக்ஸ்-ஷோரூம்) வரையிலான விலை வரம்பில் விற்பனை செய்யப்படுகிறது. அப்க்ரேடட் அம்சங்களின் அடிப்படையில் புதிய எடிஷனின் விலை சற்றே உயரக்கூடும்.
தலைப்பு செய்திகள்
ட்ரெண்டிங் செய்திகள்
